இந்தியாவில் பல மாநிலங்களில் கொரோனா தொற்று  மீண்டும் அதிகரித்து வரும் நிலையில், அவற்றை தடுப்பதற்கு தேவையான நடவடிக்கைகளை மேற்கொள்ளுமாறு டெல்லி உள்ளிட்ட 5 மாநிலங்களுக்கு மத்திய சுகாதாரத்துறை கடிதம் அனுப்பியுள்ளது.

மத்திய சுகாதாரத்துறை செயலாளர் டாக்டர் ராஜேஷ் பூஷன் இதுகுறித்து எழுதிய கடிதத்தில் குறிப்பிட்டதாவது;

டெல்லி, உத்தரப்பிரதேசம், ஹரியானா, மகாராஷ்டிரா, மிசோரம் ஆகிய மாநிலங்களில் கொரோனா தொற்று சமீபகாலமாக அதிகரிக்கத் தொடங்கியுள்ளது கன்டறியப் பட்டுள்ளது. இம்மாநிலங்களில் கடந்த  2 மாதங்களாக பாதிப்பு எண்ணிக்கை வெகுவாக குறைந்த நிலையில்,இப்போது மீன்டும் அதிகரிக்கத் தொடங்கியுள்ளது.

கடந்த வாரம் தினமும் ஆயிரம் பேர் கொரோனா தொற்றால் பாதிக்கப்பட்டுள்ளனர்.  தலைநகர் டெல்லியில் 1.42% என்றிருந்த  கொரோனா பரவல், தற்போது 3.49% ஆக உயர்ந்துள்ளது. எனவே இம்மாநிலங்களில் கொரோனாவை பாதிப்புகளை தீவிரமாக கண்காணித்து, தேவையான நடவடிக்கைகளை மேற்கொள்ளவும் அறிவுறுத்தப்படுகிறது.

-இவ்வாறு அக்கடிதத்தில் தெரிவிக்கப் பட்டுள்ளது.

இந்நிலையில் நாடு முழுவதும் அனைத்து மாநிலங்களிலும் கொரோனா பரிசோதனைகளை அதிகப்படுத்துதல், பொதுமக்கள் முகக்கவசம் அணிதல், தடுப்பூசி போடும் பணிகளை விரிவுப்படுத்துதல் போன்றவற்றை பின்பற்றுமாறு மாநில அரசுகளுக்கு மத்திய அரசு வேண்டுகோள் விடுத்துள்ளது.