பாலிவுட் சினிமா தயாரிப்பாளர் போனி கபூர் தயாரிப்பில் ஹெச். வினோத் இயக்கத்தில் நடிகர் அஜித் குமார் நடிப்பில் சமீபத்தில் வெளியான 'வலிமை' திரைப்படம் வசூலை வாரிக் குவித்துள்ளது. திரையரங்குகளில் சக்கைபோடு போடும் நிலையில், ஓடிடி தளத்திலும் இந்த படம் சூப்பர்-டூப்பர் ஹிட் ஆகியுள்ளது.

இந்நிலையில் வலிமை படத்தை தொடர்ந்து, இதே படத்தின் டீம் அடுத்ததாக ஏகே-61 படத்தை தயாரிப்பதாக சொல்லப்பட்டுள்ளது.

நடிகர் அஜித்தின் 61-வது படமான 'ஏகே-61' படத்தில் அவருக்கு வில்லன் மாதிரியான் ரஃப் அண்டு டஃப் கேரக்டர் என்று தெரிவிக்கப்பட்டுள்ளத்து. இதில் அஜீத்தின் வித்தியாசமான காதனி, கண்ணாடி, ஹேர் ஸ்டைல் ஆகியவை ரசிகர்களைப் பெரிதும் கவர்ந்தன.

ஏகே-61 படத்தை போனிகபூர் தயாரிக்க, ஹெச். வினோத் இயக்குகிறார். இந்த புதிய திரைப்படத்தின் படப்பிடிப்பு ஏப்ரல் 2-வது வாரத்திலிருந்து தொடங்கப்பட உள்ளதாக தெரிவிக்கப் பட்டுள்ளது.

இந்தநிலையில் ஏ.கே-61 படத்தின் படப்பிடிப்பு தொடங்குவதற்கு முன்பாக நடிகர் அஜித் குருவாயூர் கோவிலில் சாமி தரிசனம் செய்துள்ளார். தற்போது இந்த புகைப்படம் இணையத்தில் பரவி படு வைரலாகி வருகிறது.