நடிகர் விஜய் வீட்டுக்கு இன்று வெடிகுண்டு மிரட்டல் வந்ததைத் அடுத்து அப்பகுதியில் பெரும் பரபரப்பு ஏற்பட்டது.

தமிழ் சினிமாவின் முன்னணி நடிகரான விஜய்க்கு ஏராளமான ரசிகர்கள் உள்ளனர். சமீபத்தில் நடைபெற்ற உள்ளாட்சித் தேர்தலில் அவரது ரசிகர் மன்றத்தைச் சேர்ந்தவர்கள் தேர்தலில் போட்டியிட்டு வெற்றியைப் பெற்றனர். இந்நிலையில், சென்னை நீலாங்கரையில் உள்ள நடிகர் விஜய் வீட்டில் வெடிகுண்டு வைத்திருப்பதாக காவல் கட்டுப்பாட்டு அறைக்கு தொலைபேசியில் மிரட்டல் வந்தது. இதையடுத்து சென்னை வெடிகுண்டு நிபுணர்கள் விஜய் வீட்டிற்கு சென்று சோதனையில் ஈடுபட்டனர். பின்னர் வெடிகுண்டு மிரட்டல் புரளி என தெரியவந்தது.

இதுகுறித்து போலீஸ் தரப்பில் தெரிவித்ததாவது:

நடிகர் விஜய் வீட்டுக்கு வெடிகுண்டு மிரட்டல் விடுத்த தொலைபேசி எண்ணை நீலாங்கரை போலீசார் சோதனை செய்தனர். அநத எண் விழுப்புரம் மாவட்டத்தை சேர்ந்த புவனேஸ்வரன் என்பவருடையது என்பது தெரியவந்தது. புவனேஸ்வர் இதற்கு முன்பும் பல முறை அரசியல் தலைவர்கள் மற்றும் சினிமா பிரபலங்கள் வீடுகளுக்கு வெடிகுண்டு மிரட்டல் விடுத்தவர் என்பது தெரிய வந்தது. இப்போது விசாரணை நடைபெற்று வருகிறது.

–இவ்வாறு போலீஸ் தரப்பில் தெரிவிக்கப் பட்டுள்ளது.