இந்திய ஆண்கள் கால்பந்து அணி 2018 ஆம் ஆண்டுக்கு பிறகு முதல் முறையாக  சர்வதேச கால்பந்து சம்மேளனம் (பிஃபா) வெளியிட்டுள்ள அணிகளின் தரவரிசை பட்டியலில் இந்திய அணி 99-வது இடத்தை பிடித்துள்ளது.

இந்த மாத தொடக்கத்தில் பெங்களூருவில் நடந்த SAFF சாம்பியன்ஷிப் போட்டியில் இந்தியா அரையிறுதி மற்றும் இறுதிப் போட்டியில் பெனால்டி ஷூட்-அவுட்டில் வலுவான அணிகளான லெபனான் மற்றும் குவைத்தை வீழ்த்தி வெற்றி பெற்றது. இதனைத் தொடர்ந்து நேற்று (ஜூலை 20) FIFA வெளியிட்ட அணிகளுக்கான தரவரிசையில் குவைத் நாடு நான்கு இடங்கள் முன்னேறி 137-வது இடத்தில் உள்ளது. அதே வேளையில் லெபனான் இரண்டு இடங்கள் முன்னேறி இந்தியாவிற்கு அடுத்த இடமான 100-வது இடத்தில் உள்ளது.

இதற்கு முன்பு இந்தியா கால்பந்து அணி FIFA தரவரிசை பட்டியலில், 1996 இல் 94-வது இடத்திலும்,1993 இல் 99-வது இடத்தையும், 2017 மற்றும் 2018 இல் 96-வது இடத்தையும் பிடித்தது. இதை தொடர்ந்து கடந்த 4 ஆண்டுகளுக்கு பிறகு இந்தியா 99வது இடத்தைப் பிடித்துள்ளது. FIFA தரவரிசை பட்டியலில் உலக சாம்பியனான அர்ஜென்டினா தொடர்ந்து முதலிடத்திலும், பிரான்ஸ், பிரேசில், இங்கிலாந்து, பெல்ஜியம் ஆகிய அணிகள் தொடர்ந்து முன்னிலையில் உள்ளன.