பூண்டு பற்களை பாலில் வேக வைத்து, அதனோடு பனங்கற்கண்டு, மிளகுத்தூள், மஞ்சள்தூள் ஆகியவற்றை சேர்த்து சிறிது நேரம் கொதிக்க வைத்து சற்று ஆறியதும் வெதுவெதுப்பான சூட்டில் குடிக்க பலவித நன்மைகள் உண்டாகும். அது குறித்த நன்மைகளை இந்தப் பதிவில் காண்போம்.
* பூண்டு பால் குடிக்க, சளி மற்றும் காய்ச்சல் பிரச்னைகளிலிருந்து விடுபட உதவுகிறது.
* பூண்டு கலந்த பாலை முகப்பருக்கள் மீது தடவி சற்று நேரம் காய்ந்ததும் குளிர்ந்த நீரில் முகத்தைக் கழுவ முகப்பரு பிரச்னைகள் குறையும்.
* இடுப்பு வலி, மூட்டு வலி, வாய்வுத் தொல்லை மற்றும் கால் வலி பிரச்னைகளுக்கு பூண்டு பால் குடித்து வந்தால் நல்ல குணம் கிடைக்கும்.
* பூண்டு பால் உடல் பருமனைக் குறைக்கும். இதயத்தில் ஏற்படும் அடைப்புகளை நீக்கி, இரத்தத்தில் சேரும் கொழுப்புகளை குறைக்க உதவுகிறது.
* இரத்த அழுத்தப் பிரச்னையை கட்டுப்படுத்துவதோடு, இரத்த ஓட்டத்தையும் சீராக்குகிறது. மேலும், பெண்களுக்கு ஏற்படும் மாதவிலக்கு பிரச்னைகளை பூண்டு பால் குணமாக்குகிறது.
* மலேரியா, காச நோய், யானைக்கால் நோய் மற்றும் ப்ளேக் போன்ற நோய்கள் உருவாகக் காரணமான கிருமிகளுக்கு எதிராக பூண்டு பால் செயல்படுகிறது.
* தாய்ப்பால் கொடுக்கும் பெண்கள் பூண்டு பாலைக் குடித்து வந்தால், தாய்ப்பாலின் சுரப்பு மற்றும் குழந்தைகளின் ஆரோக்கியம் அதிகரிக்கும்.
* நுரையீரல் அழற்சி உள்ளவர்கள், பூண்டு கலந்த பாலை குடித்து வந்தால் நுரையீரல் அழற்சிக்கு நல்ல நிவாரணம் கிடைக்கும்.
* செரிமான திரவத்தைத் தூண்டி, உணவுகளை எளிதில் செரிமானம் அடையச் செய்ய பூண்டு பால் மிகவும் உதவுகிறது.
* பூண்டு பாலை வெறும் வயிற்றில் குடித்து வந்தால், வயிற்றுப் புழுக்கள் அழிந்து விடும். சிறியோர் முதல் பெரியவர் வரை கஷ்டப்படும் மலச்சிக்கலை குணமாக்க வல்லது.
* வயிறு உப்புசம், செரிமானமின்மையைப் போக்கி உடலை வலுவாக்கும்.
இவ்வாறு பூண்டு பால் பல விதங்களில் உடல் ஆரோக்கியத்துக்கு நன்மை பயக்கிறது.