Quinoa, தென் அமெரிக்காவை பூர்வீகமாகக் கொண்ட ஒரு தானியமாகும். இது சமீபத்திய ஆண்டுகளில் இதன் ஆரோக்கிய நன்மைகள் காரணமாக உலகம் முழுவதும் பிரபலமடைந்து வருகிறது. இதில் நிறைந்திருக்கும் புரதத்தில், அத்தியாவசிய அமினோ அமிலங்களும் காணப்படுகின்றன. இது மற்ற வகையான தாவர உணவுகளில் காணப்படுவதில்லை. Quinoa-வில் நார்ச்சத்து இரும்பு மக்னீசியம் மற்றும் பாஸ்பரஸ் போன்ற அத்தியாவசிய ஊட்டச்சத்துக்கள் நிறைந்து காணப்படுவதால், “சூப்பர் ஃபுட்” என அழைக்கப்படுகிறது. 

இந்தப் பதிவில் குயினோவா என்றால் என்ன? அதன் வரலாறு மற்றும் ஆரோக்கிய நன்மைகள் பற்றி விரிவாகப் பார்க்கலாம். 

Quinoa என்றால் என்ன? 

Quinoa, Chenopodium Quinoa என்ற தாவரத்தின் விதைகளிலிருந்து பெறப்படும் ஒரு சிறிய தட்டையான தானியமாகும். இது அமாரந்த் மற்றும் பக்வீட் போன்ற பிற தானியங்களுடன் தொடர்புடையது. ஆனால், இது ஒரு தனி தானியமாக வகைப்படுத்தப்படவில்லை. Quinoa ஆயிரக்கணக்கான ஆண்டுகளாக தென் அமெரிக்காவில் உட்கொள்ளப்பட்டு வருகிறது. 16ம் நூற்றாண்டில் ஸ்பானியர்கள் தென் அமெரிக்காவை கைப்பற்றிய பின்னர், Quinoa ஐரோப்பா மற்றும் ஆசியாவிற்கு அறிமுகப்படுத்தப்பட்டது. 

Quinoa-வின் ஆரோக்கிய நன்மைகள்: 

இதில் உள்ள அதிகப்படியான நார்ச்சத்து கெட்ட கொழுப்பின் அளவைக் குறைத்து, நல்ல கொழுப்பின் அளவை அதிகரிக்கிறது. மேலும், இதில் உள்ள ஆக்சிஜனேற்றங்கள் செல்களை சேதத்தில் இருந்து பாதுகாக்க உதவி, இதய நோய்களுக்கு வழிவகுக்கும் அழற்சியைக் குறைக்க உதவுகிறது. 

Quinoa-வின் நார்ச்சத்து சர்க்கரை அளவை கட்டுப்படுத்த உதவுவதால், நீரிழிவு நோயின் வீரியம் குறைகிறது. மேலும், இது உணவு செரிமானம் செய்வதையும், ரத்தத்தில் சர்க்கரை உறிஞ்சப்படுவதையும் மெதுவாக்குகிறது. இதன் மூலமாக உடனடியாக ரத்த சர்க்கரை அளவு அதிகரிப்பது தடுக்கப்படுகிறது. 

இதில் காணப்படும் இரும்பு மற்றும் விட்டமின் பி, ஆற்றல் உற்பத்திக்கு மிகவும் முக்கியமானவை. இரும்பு ஆக்சிஜனை உடல் முழுவதும் கொண்டு செல்ல உதவுகிறது. வைட்டமின் பி உணவை ஆற்றலாக மாற்றி உடலுக்கு தேவையான ஆற்றலை உடனடியாக கொடுக்கிறது. 

Quinoa-வில் உள்ள மெக்னீசியம் மற்றும் பாஸ்பரஸ் எலும்பு ஆரோக்கியத்திற்கு முக்கியம். மெக்னீசியம் எலும்பு அடர்த்தியை அதிகரிக்க உதவுகிறது, பாஸ்பரஸ் எலும்புகளை வலுப்படுத்த உதவுகிறது. 

இதில் உள்ள ஆக்சிஜனேற்றங்கள் உடலில் அழற்சியைக் குறைக்க உதவுவதால், நாள்பட்ட நோய்கள், புற்றுநோய் மற்றும் இதய நோய் போன்ற பல ஆரோக்கிய பிரச்சனைகளுக்கு காரணமான அழற்சியைத் தடுக்க உதவுகிறது. 

நீங்கள் உடல் எடையை குறைக்க விரும்புகிறீர்கள் என்றால், குயினோவாவை உணவில் சேர்த்துக் கொள்வது நல்லது. ஏனெனில், இதில் நிறைந்து காணப்படும் புரதம் மற்றும் நார்ச்சத்து உங்களை முழுதாக உணர வைக்கும். இதனால், அதிகமாக சாப்பிடுவது தடுக்கப்படுகிறது. மேலும், இதில் குறைந்த கலோரிகளே இருப்பதால் எடை இழப்புக்கு ஏற்ற உணவாக அமைகிறது.