அனைத்து உயிரினங்களிலும் உள்ள செல்கள், திசுக்கள் மற்றும் பல்வேறு உறுப்புகளின் சரியான செயல்பாட்டிற்கு ஊட்டச்சத்துக்கள் மிகவும் தேவை. மேக்ரோ மற்றும் மைக்ரோ ஊட்டச்சத்துக்களில் எது உடலுக்கு அவசியம் தேவை என்பது பற்றி இந்தப் பதிவில் பார்ப்போம்

மேக்ரோ ஊட்டச்சத்துகள்: இவை உடலின் வளர்ச்சிதை மாற்றம் மற்றும் பிற உடல் செயல்பாடுகளுக்கு தேவையான ஆற்றலை வழங்கும். நுண் ஊட்டச்சத்துக்களுடன் ஒப்பிடும்போது தாவர அடிப்படையிலான மேக்ரோ ஊட்டச்சத்துக்கள் அதிக அளவில் தேவைப்படுகின்றன. ஏனென்றால், இவற்றை நம் உடலால் சுயமாக உற்பத்தி செய்ய முடியாது.

மூன்று வகையான மேக்ரோ ஊட்டச்சத்துக்கள்:

1. கார்போஹைட்ரேடுகள்: இவை உடலின் முதன்மை ஆற்றல் மூலமாகும்.

2. புரதங்கள்: உடல் திசுக்களின் வளர்ச்சி பழுது மற்றும் பராமரிப்புக்கு இவை மிகவும் அவசியம். புரதங்கள் அமினோ அமிலங்களால் ஆனவை. இவை உடலுக்கு அத்தியாவசியமானவை.

3. கொழுப்புகள்: உடலில் ஆற்றல் சேமிப்பு, முக்கிய உறுப்புகளை பாதுகாப்பதற்கு கொழுப்பு மிகவும் அவசியம். கொழுப்பில் கரையக்கூடிய வைட்டமின்களான ஏ, டி, இ மற்றும் கே போன்றவற்றை உறிஞ்சுவதற்கு கொழுப்பு அவசியம்.

மைக்ரோ ஊட்டச்சத்துகள்: இவை வைட்டமின்கள் மற்றும் தாதுக்கள் ஆகும். இவை சிறிய அளவில் தேவைப்படுகின்றன. ஆனால், வளர்சிதை மாற்றம். நோய் எதிர்ப்பு சக்தி மற்றும் எலும்பு ஆரோக்கியம் உள்ளிட்ட பல்வேறு உடல் செயல்பாடுகளுக்கு இன்றியமையாதவை. இவை உடலுக்கு நேரடியான ஆற்றலை வழங்குவதில்லை. ஆனால், உடலில் உயிர் வேதியியல் எதிர்வினைகளை எளிதாக்குவதில் முக்கியப் பங்கு வகிக்கின்றன. நுண் ஊட்டச் சத்துக்களில் வைட்டமின்கள், வைட்டமின் சி, பி, ஏ, டி, இ மற்றும் கே போன்றவையும் கால்சியம், பொட்டாசியம், இரும்பு, மெக்னீசியம் மற்றும் துத்தநாகம் போன்ற முக்கியமான தாதுக்களும் அடங்கும்.

எனவே, உடலுக்கு மேக்ரோ நியூட்ரியன்ட்கள் அதிகமாகத் தேவைப்படுகின்றன. இவை உடலுக்கு ஆற்றல் மற்றும் சக்தியை வழங்குகின்றன. நுண் ஊட்டச்சத்துக்கள் சிறிய அளவிலே தேவைப்படுகின்றது. இரண்டு வகையான ஊட்டச்சத்துக்களும் ஆரோக்கியத்தை பேணுவதற்கு அவசியமானவை. மேலும், ஒரு சமச்சீர் உணவில் போதுமான அளவு மேக்ரோ மற்றும் மைக்ரோ ஊட்டச்சத்துக்கள் அவசியம் இருக்க வேண்டும்.

மேக்ரோ நியூட்ரியன்ட்கள் உள்ள உணவு வகைகள்:

கார்போஹைட்ரேட்டுகள்: முழு தானியங்கள், பழுப்பு அரிசி, குயின் நோவா, ஓட்ஸ், முழு கோதுமை, ரொட்டி.

பழங்கள்: வாழைப்பழங்கள், ஆப்பிள், பெர்ரி, ஆரஞ்சு மற்றும் திராட்சை.

காய்கறிகள்: உருளைக்கிழங்கு, சோளம், பட்டாணி மற்றும் கேரட்.

பருப்பு வகைகள்: கொண்டைக்கடலை, கருப்பு பீன்ஸ், கிட்னி பீன்ஸ்.

புரதங்கள்: டோஃபு, பருப்பு வகைகள், பாதாம், வேர்க்கடலை, அக்ரூட் பருப்புகள் போன்ற கொட்டைகள், பால், தயிர், சீஸ், கோழி, வான்கோழி, மீன் மற்றும் முட்டை.

கொழுப்புகள்: ஆலிவ் எண்ணெய், தேங்காய் எண்ணெய், பாதாம், அக்ரூட் பருப்புகள், சியா விதைகள், ஆளி விதைகள் மற்றும் சூரியகாந்தி விதைகள், சால்மன், கானாங்கெளுத்தி, மத்தி மீன் வகைகள்.

நுண் ஊட்டச்சத்துக்கள் உள்ள உணவு வகைகள்: கீரை, முட்டைக்கோஸ் போன்றவற்றில் வைட்டமின்கள் நிறைந்துள்ளன. ஆரஞ்சு, எலுமிச்சை, திராட்சை போன்றவற்றில் வைட்டமின் சி யும், ஸ்ட்ராபெரி மற்றும் ப்ளூபெர்ரியில் வைட்டமின்களும், வாழைப்பழத்தில் பொட்டாசியம் மற்றும் வைட்டமின் பி6 அதிகம் உள்ளன.

கேரட், குடைமிளகாய், புரோக்கோலி, முழு தானியங்கள், பாதாம், சூரியகாந்தி, சியா விதைகள், சால்மன் மற்றும் கானாங்கெளுத்தி மீன், பால், வெண்ணெய் மற்றும் தயிர் போன்றவை.