தூங்குவதற்கு பல லட்சங்கள் சம்பளமா? பலரும் அறியாத 7 விசித்திரமான வேலைகள்!

இன்றைய உலகில் மருத்துவர், பொறியாளர், ஆசிரியர் போன்ற பாரம்பரிய வேலைகள் மட்டுமல்லாமல் பல வித்தியாசமான தொழில்களும் அதிக வருமானத்தை தருகின்றன. பலருக்கும் தெரியாமல் இருக்கும் இப்படியான சில உயர்ந்த சம்பளம் தரக்கூடிய வேலைகளைப் பற்றி இந்தக் கட்டுரையில் பார்க்கலாம். இதுபோன்ற வேலைகள் 'Offbeat Careers' என்று அழைக்கப்படுகின்றன.

1. Food Taster:

உணவு நிறுவனங்கள் புதிய உணவுப் பொருட்களை சந்தைக்கு கொண்டு வருவதற்கு முன் அவற்றின் சுவை, மணம், தரம் போன்றவற்றை பரிசோதிக்க வேண்டியது அவசியம். இதற்காகவே உணவு சுவை பரிசோதகர்கள் நியமிக்கப்படுகின்றனர். அவர்கள் உணவின் தரத்தை மதிப்பீடு செய்து கருத்துக்களை வழங்குவார்கள். பெரிய உணவு நிறுவனங்களில் பணிபுரியும் ஒரு அனுபவமுள்ள Food Taster ஆண்டுக்கு லட்சக்கணக்கில் சம்பளம் பெற முடியும். Cadbury போன்ற பெரிய சாக்லேட் நிறுவனங்கள் மற்றும் ஐஸ்கிரீம் நிறுவனங்கள் இதற்கு 'Taste Masters' எனத் தனியாகப் பணியாளர்களை வைத்துள்ளனர்.

2. Professional Sleeper:

இந்த வேலை பற்றி கேட்டால் பலருக்கும் ஆச்சரியம் ஏற்படும். மருத்துவ ஆய்வுகள் மற்றும் தூக்க ஆராய்ச்சிகளுக்காக சில நிறுவனங்கள் மற்றும் ஆய்வு மையங்கள் 'Professional Sleeper' எனப்படும் நபர்களை வேலைக்கு எடுக்கின்றன. தூக்கத்தின் தரம் மற்றும் தூக்கத்தின்போது ஏற்படும் உடலின் மாற்றங்கள் போன்றவற்றை ஆய்வு செய்வதே இந்த நோக்கம். குறிப்பாக சொகுசு மெத்தை தயாரிக்கும் நிறுவனங்கள் மற்றும் நாசா போன்ற விண்வெளி ஆய்வு மையங்களால் இது மேற்கொள்ளப்படுகிறது. விண்வெளியில் புவிஈர்ப்பு விசை இல்லாமல் மனித உடல் எப்படித் தூங்கும் என்பதை ஆராய மாதக்கணக்கில் உறங்கச் சொல்லி பல லட்சங்களைச் சம்பளமாக வழங்குகிறார்கள்.

3. தண்ணீர் ஸ்லைடு சோதனை நிபுணர்:

பெரிய தண்ணீர் விளையாட்டு பூங்காக்களில் இருக்கும் ஸ்லைடுகள் பாதுகாப்பாக உள்ளதா, மக்களுக்கு சுவாரஸ்யமாக உள்ளதா என்பதை சோதிப்பதற்காக Water Slide Tester என்ற வேலை உள்ளது. அவர்கள் அந்த ஸ்லைடுகளில் சறுக்கி வேகம், பாதுகாப்பு, அனுபவம் ஆகியவற்றை மதிப்பீடு செய்கிறார்கள். இது சுவாரஸ்யமானதோடு நல்ல சம்பளமும் தரக்கூடிய வேலை.

4. Snake Venom Collector:

பாம்பு விஷம் மருத்துவ உலகில் மிகவும் முக்கியமான ஒன்று. விஷ எதிர்ப்பு மருந்துகள் தயாரிக்க இதைப் பயன்படுத்துகின்றனர். இதற்காக நிபுணத்துவம் பெற்றவர்கள் பாம்புகளிடமிருந்து விஷத்தை பாதுகாப்பாக சேகரிக்கிறார்கள். இது மிகவும் ஆபத்தான வேலை என்றாலும், அதற்கேற்ப அதிக சம்பளமும் கிடைக்கிறது.

5. Professional Cuddler:

நவீன வாழ்க்கை முறையில் மன அழுத்தம் அதிகரித்துள்ளதால் சில நாடுகளில் 'Professional Cuddler' என்ற சேவை உருவாகியுள்ளது. இந்த வேலை செய்யும் நபர்கள் தனிமை அல்லது மன அழுத்தத்தில் இருக்கும் மக்களுக்கு மனித நேயம் மற்றும் உணர்ச்சி ஆதரவை வழங்கும் வகையில் நேரத்தை செலவிடுவார்கள். இது மனநலத்துடன் தொடர்புடைய சேவையாக பார்க்கப்படுகிறது.

6. Voice-over Artist:

அனிமேஷன் திரைப்படங்கள், விளம்பரங்கள், ஆடியோ புத்தகங்கள் மற்றும் வீடியோ விளையாட்டுகளில் குரல் கொடுக்கும் கலைஞர்கள் Voice-over Artists எனப் படுகிறார்கள். நல்ல குரல், உச்சரிப்பு திறன் மற்றும் நடிப்பு திறன் இருந்தால் இந்தத் துறையில் மிகுந்த வருமானம் சம்பாதிக்க முடியும். சில பிரபல குரல் நடிகர்கள் ஒரு திட்டத்திற்கே பெரிய தொகையை சம்பளமாக பெறுகின்றனர்.

7. தனியார் தீவு பராமரிப்பாளர் (Private Island Caretaker):

சில பணக்காரர்கள் தங்களுக்கென தனியார் தீவுகளை வைத்திருப்பார்கள். அந்த தீவை பராமரிக்க, சுற்றுச் சூழலை கவனிக்க, சொத்துக்களை பாதுகாக்க பராமரிப்பவர்களை நியமிக்கிறார்கள். இது அமைதியான சூழலில் வாழ வாய்ப்பு அளிப்பதோடு நல்ல சம்பளமும் தரக்கூடிய வேலை.

உலகம் வேகமாக மாறிக் கொண்டிருக்கிறது. அதேபோல் வேலை வாய்ப்புகளும் மாற்றமடைந்து வருகின்றன. நாம் வழக்கமாக நினைக்கும் தொழில்கள் மட்டுமல்லாமல் பல புதுமையான வேலைகளும் இன்று உருவாகி வருகின்றன. திறமை, ஆர்வம் மற்றும் புதிய விஷயங்களை கற்றுக் கொள்ளும் மனப்பாங்கு இருந்தால் இப்படியான வித்தியாசமான தொழில்களில் கூட வெற்றி பெறமுடியும். சில சமயம் நாம் எதிர்பார்க்காத வேலைகளே அதிக வருமானத்தையும் தனித்துவமான அனுபவத்தையும் தரக்கூடும்.