NRE | NRO | FCNR: வெளிநாடு வாழ் இந்தியர்கள் அறிய வேண்டிய வங்கி ரகசியங்கள்!

வெளிநாடு வாழ் இந்தியர்களுக்கு (Non-residential Indians) மூன்று விதமாக வங்கி கணக்குகள் உள்ளன.

அவையாவன:

என்ஆர்ஈ - NRE - Non residential external - வெளிநாடு வாழ் இந்தியரின் அயல் கணக்கு

என்ஆர்ஓ - NRO - Non residential Ordinary - வெளிநாடு வாழ் இந்தியரின் சாதாரண கணக்கு

எஃப்சிஎன்ஆர் - FCNR - Foreign Currency Non Residential - வெளிநாடு வாழ் இந்தியரின் வெளிநாட்டுப் பணம்

இவற்றைப் பற்றிய வித்தியாசங்களைப் பார்ப்போம்.

NRE - வெளிநாட்டில் சம்பாதித்த பணத்தை முதலீடு செய்யலாம். ஆனால், பணத்தின் இந்திய மதிப்பிற்கேற்ப, இந்திய பணத்தில் முதலீடு செய்யப்படும். பணம் இந்திய ரூபாயில் இருக்கும்.

NRO - இந்தியாவில் சம்பாதித்த பணத்தை முதலீடு செய்யலாம். உதாரணமாக, வெளிநாடு வாழ் இந்தியர், வீடு வாடகைக்கு விட்டால், பங்குகளில் ஈவுத் தொகை பெற்றால், அதனை இதில் முதலீடு செய்யலாம். பணம் இந்திய ரூபாயில் இருக்கும்.

FCNR - வெளிநாட்டில் சம்பாதித்த பணத்தை முதலீடு செய்யலாம். பணம் வெளிநாட்டு பணத்திலேயே இருக்கும்.

NRE - வெளிநாடு வாழ் இந்தியராகையால், இரட்டை வரி விதிப்பு முறைகளின் காரணமாக (Double taxation), வட்டிக்கு வரி கிடையாது.

NRO - இந்தியாவில் சம்பாதித்த பணமாகையினால், வருமான வரி விதிகளின் படி வட்டிக்கு வரி உண்டு.

FCNR - வெளிநாடு வாழ் இந்தியராகையால், இரட்டை வரி விதிப்பு முறைகளின் காரணமாக (Double taxation), வட்டிக்கு வரி கிடையாது.

NRE - என்ஆர்ஓ கணக்கிற்கு பணத்தை மாற்றிக் கொள்ளலாம். அதாவது, வெளிநாட்டு பணத்தினை இந்தியாவிற்கு பயன்பாட்டிற்கு கொண்டுவருவது. எஃப்சிஎன்.ஆர் கணக்குடன் பணப்பரிமாற்றம் செய்யலாம். ஏனென்றால், அதுவும் கிட்டத்தட்ட ஒரே மாதிரி வெளிநாட்டுப் பணம் உள்ள கணக்கு.

NRO - என்ஆர்ஈ கணக்கிற்கு பணத்தை மாற்ற முடியாது. என்ஆர்ஈ என்பது அயல் கணக்கு. மாற்றித்தான் ஆகவேண்டுமென நினைத்தால், பட்டயக்கணக்காளரின் துணை கொண்டு மாற்ற முடியும்.

FCNR - இது கிட்டத்தட்ட என்ஆர்ஈ கணக்கு போன்றதாகையால், என்ஆர்ஈ கணக்குடன் பணப்பரிவர்த்தனைகள் செய்ய முடியும். இந்திய கணக்குகளுக்கு பணத்தை இந்திய ரூபாயில் அனுப்ப முடியும். இந்திய கணக்குகளிலிருந்து பணத்தைப் பெற முடியாது.

NRE - வட்டி விகிதம் குறைவு

NRO - மற்ற இந்திய கணக்குகளைப் போல், அதிக வட்டி விகிதம் உண்டு

FCNR - வெளிநாட்டுப் பணமாகையால் வட்டி விகிதம் குறைவு

NRE - வெளிநாட்டிலிருந்து வரும் பணமாகையினால், ரூபாயின் மதிப்பின் ஏற்றத்தாழ்விற்கு ஏற்ப, பணத்தின் முதலீடு மாறுபடும். பணத்தை மறுபடி கொண்டு செல்ல எண்ணினாலும், ரூபாயின் மதிப்பிற்கு ஏற்ப பணம் மாறுபடும்.

NRO - ரூபாயின் ஏற்றத்தாழ்விற்கு ஏற்ப மாறுபடாது. ஏனென்றால், இது இந்தியாவில் மட்டும் இயங்கும் பணம்.

FCNR - இது வெளிநாட்டுப் பணத்திலேயே இருப்பதால், ரூபாயின் மதிப்பின் ஏற்றத்தாழ்வுகளால் பாதிக்கப்படாது.

NRE - எளிதில் கொண்டு செல்ல முடியும். வெளிநாட்டிலிருந்து வந்த பணம், எளிதாக மறுபடி கொண்டு செல்ல முடியும்.

NRO - எளிதில் கொண்டு செல்ல முடியாது. இந்தியாவில் சம்பாதித்த பணமாகையினால், பல்வேறு கட்டுப்பாடுகள் உண்டு. எவ்வாறு பணம் வந்தது, எவ்வளவு ஒரு வருடம் கொண்டு செல்ல முடியும் என்று பல்வேறு விதிமுறைகள் உண்டு. அமெரிக்க டாலர்கள் 1 மில்லியன் வரை இந்தியாவிலிருந்து கொண்டு செல்ல முடியும்.

FCNR - எளிதில் கொண்டு செல்ல முடியும். வெளிநாட்டிலிருந்து வந்த பணம், எளிதாக மறுபடி கொண்டு செல்ல முடியும்.

NRE - இரண்டு பேர்களில் ஒருவர், இந்தியராக இருக்கலாம். ஆனால், அவர் வெளிநாடு வாழ் இந்தியர் உயிருடன் இல்லாத பட்சத்தில் தான் பயன்படுத்த முடியும்.

NRO - இரண்டு பேர்களில் ஒருவர், இந்தியராக இருக்கலாம். அவர், மற்ற கூட்டுக் கணக்குகளைப்போல், அதனைப் பயன்படுத்தலாம்.

FCNR - இரண்டு பேர்களில் ஒருவர், இந்தியராக இருக்கலாம். ஆனால், அவர் வெளிநாடு வாழ் இந்தியர் உயிருடன் இல்லாத பட்சத்தில் தான் பயன்படுத்த முடியும்.

NRE - உள்ளே வரும் போது வெளிநாட்டுப் பணம். எடுக்கும் போது இந்திய ரூபாய் பணம்

NRO - உள்ளே வரும் போதும்,வெளியே எடுக்கும் போதும், இந்திய ரூபாய் தான்.

FCNR - உள்ளே வரும் போதும், வெளியே எடுக்கும் போதும், வெளிநாட்டுப் பணம் தான்.

NRE - சேமிப்பு, நடப்பு, வைப்பு கணக்குகள். வைப்பு கணக்கு வட்டி விகிதம் அதிகம். மேலும், 7 நாட்கள் முதல் வைப்பு கணக்குகள் தொடங்க முடியும். எனவே, நீர்ப்புத்தன்மை அதிகம். மிக குறுகிய காலக் குறிக்கோள்களுக்குப் பயன்படுத்திக் கொள்ளலாம்.

NRO - சேமிப்பு, நடப்பு, வைப்பு கணக்குகள். குறைந்தபட்சம் 1 வருடம் முதல் 5 வருடங்களுக்கான வைப்பு கணக்குகள் வைத்திருக்க முடியும். எனவே, ஒரு வருடத்திற்குள்ளான பணத்தை வைத்திருந்தால், நீர்ப்புத் தன்மைக்கு பாதகம் நேரும்.

FCNR - வைப்பு கணக்கு மட்டுமே. குறைந்தபட்சம் 1 வருடம் முதல் 5 வருடங்களுக்கான வைப்பு கணக்குகள் வைத்திருக்க முடியும். எனவே, ஒரு வருடத்திற்குள்ளான பணத்தை வைத்திருந்தால், நீர்ப்புத் தன்மைக்கு பாதகம் நேரும்.

வெளிநாடு வாழ் இந்தியர்கள் தங்களது நிதிக் குறிக்கோள்களுக்கு ஏற்ற முதலீட்டினைத் தேர்ந்தெடுப்பதன் மூலம், வாழ்க்கையை வளமாக்கிக் கொள்ள முடியும்.

Reference

NRE, NRO & FCNR Fixed Deposits: Know the difference