சொத்து சேர்த்தால் மட்டும் போதாது; அதைத் தக்கவைக்கத் தெரிய வேண்டும்!

பணவீக்கம் முதல் சட்டச் சிக்கல்கள் வரை: உங்கள் குடும்பச் சொத்துக்களைப் பாதுகாக்க 5 அத்தியாவசிய நடவடிக்கைகள்.
நிதித் திட்டமிடல் - Financial Literacy
நிதித் திட்டமிடல் - Financial LiteracyImage credit: Gemini
கே.எஸ்.கிருஷ்ணவேனி

"கே.எஸ்.கிருஷ்ணவேனி, வைஷ்ணவ் கல்லூரியின் முன்னாள் மாணவி. கல்கி, மங்கையர் மலர், விகடன் போன்ற இதழ்கள் மற்றும் நாவல்களை படித்து, எழுதும் ஆர்வமும் மேலோங்க, 1992-ல், சமையல் குறிப்புகள் குறித்த சிறு கட்டுரைகளை எழுதத் தொடங்கினார். அவை 'மங்கையர் மலர்' ​​இதழில் தொடர்ந்து வெளியாகின. மேலும் பல இதழ்களில் எழுதிப் பல பரிசுகளை வென்றுள்ளார். 'பட்டிமன்றங்களில்' பங்கேற்ற அனுபவமும் உண்டு. தற்போது கல்கி ஆன்லைனில் எழுதி வருகிறார். ஆர்வம் மிக்கவர். பல்வேறு பிரிவுகளில் பல தலைப்புகளில் சுவாரஸ்யமான கட்டுரைகளை எழுத வல்லவர். மிக விரைவாக எழுதவும் கூடியவர்."

Updated on: 

உலக அளவில் 70% குடும்பச் செல்வங்கள் இரண்டாம் தலைமுறையிலும், 90% மூன்றாம் தலைமுறையிலும் அழிந்துவிடுவதாக ஆய்வுகள் கூறுகின்றன. இதற்கு முக்கியக் காரணம் பணத்தைக் கையாளத் தெரியாததே ஆகும்.

நாம் சேர்த்த செல்வம் தலைமுறை தாண்டியும் நிலைத்துப் பயன் தருவதற்கு சரியான முதலீடுகள், முறையான வாரிசுரிமைத் திட்டமிடல் மற்றும் அடுத்த தலைமுறைக்கான நிதி அறிவு ஆகிய மூன்றையும் ஒருங்கிணைக்க வேண்டும்.

பணத்தை வெறுமனே சேமித்து வைப்பதைவிட அது காலப்போக்கில் வளர்ந்துகொண்டே இருக்கும் வகையில் கட்டமைப்பதே இதற்குச் சிறந்த வழியாகும்.

நிதித் திட்டமிடல் - பண வீக்கத்தை வெல்லும் முதலீடுகள்:

பணத்தை வங்கிக் கணக்கிலோ அல்லது ரொக்கமாகவோ வைத்திருந்தால் பணவீக்கத்தால் அதன் மதிப்பு குறையும். தலைமுறை தாண்டிச் செல்வம் வளர்வதற்கு நீண்ட கால முதலீடுகள் அவசியம்.

பங்குச் சந்தை மற்றும் மியூச்சுவல் ஃபண்டுகள்:

நீண்ட கால அடிப்படையில் கூட்டு வட்டி (Compounding) மூலம் செல்வத்தைப் பெருக்க இன்டெக்ஸ் ஃபண்டுகள் (Index Funds) மற்றும் தரமான நிறுவனப் பங்குகளில முதலீடு செய்யலாம். எனினும் சந்தை ஏற்ற இறக்கங்கள் மற்றும் குறுகிய கால நஷ்ட அபாயங்கள் இதில் உண்டு என்பதை நினைவில் கொள்ளவேண்டும்.

ரியல் எஸ்டேட் சொத்துகள்:

வாடகை வருமானம் தரக்கூடிய வணிகக் கட்டிடங்கள் அல்லது மதிப்பு உயரக்கூடிய நிலங்களில் முதலீடு செய்வது நிலையான பணப்புழக்கத்தை உருவாக்கும். இதற்கு பராமரிப்பு செலவுகள், சொத்து வரி மற்றும் உடனடியாகப் பணமாக்க முடியாத தன்மை ஆகிய சவால்கள் உள்ளன.

தங்கம் மற்றும் கடன் பத்திரங்கள்:

பணவீக்கத்திற்கு எதிரான பாதுகாப்பாகத் தங்க பத்திரங்கள் (Sovereign Gold Bonds) அல்லது தங்கத்தில் ஒரு பகுதியை ஒதுக்குவது குடும்பச் செல்வத்திற்கு பாதுகாப்பைத் தரும்.

2) வாரிசுரிமை மற்றும் சட்டப் பாதுகாப்பு:

சொத்துக்கள் எந்தவிதச் சிக்கலும் இன்றி அடுத்த தலைமுறைக்குச் சென்று சேரச் சட்டபூர்வ ஏற்பாடுகள் மிகவும் முக்கியம்.

நிதித் திட்டமிடல் - Financial Literacy
நிதித் திட்டமிடல் - Financial LiteracyImage credit: Gemini

உயில் எழுதுதல்:

நம் காலத்திற்குப் பிறகு சொத்துகள் யாருக்கு, எந்த விகிதத்தில் சேர வேண்டும் என்பதைத் தெளிவாக உயில் எழுதிப் பதிவு செய்வது அவசியம். இது குடும்பத்திற்குள் ஏற்படும் சட்டப் போராட்டங்களைத் தவிர்க்கும்.

நாமினி நியமனம்:

வங்கிக் கணக்குகள், காப்பீடுகள், பங்குகள் மற்றும் மியூச்சுவல் ஃபண்டுகள் அனைத்திலும் வாரிசுதாரர்களை நாமினியாக இணைத்திருப்பதை உறுதி செய்து கொள்ளுங்கள்.

இதையும் படியுங்கள்:
எட்டாக்கனியாகும் தங்கம்: விலை குறையும்போது முன்பதிவு செய்வது எப்படி?
நிதித் திட்டமிடல் - Financial Literacy

குடும்ப அறக்கட்டளை:

உங்களிடம் பெரிய அளவிலான சொத்துக்கள் இருந்தால் ஒரு தனியார் குடும்ப அறக்கட்டளையை உருவாக்கலாம். இதன் மூலம் சொத்துக்கள் பிரிக்கப்படாமல் பாதுகாக்கப் படுவதுடன், வாரிசுகளின் கல்வி, மருத்துவம் போன்ற தேவைகளுக்கு மட்டும் பணம் பயன்படுமாறு விதிகளை வகுக்க முடியும்.

3) நிதி பாதுகாப்பு:

சேர்த்த செல்வம் எதிர்பாராத மருத்துவச் செலவுகளாலோ அல்லது கடன்களாலோ கரைந்து போகாமல் தடுக்க வேண்டும். அதற்கு அவசரகால நிதி மற்றும் காப்பீடு அவசியம். குடும்ப உறுப்பினர்கள் அனைவருக்கும் போதுமான மருத்துவக் காப்பீடு மற்றும் குடும்பத் தலைவருக்கு டேர்ம் இன்சூரன்ஸ் எடுப்பது அவசியம்.

அதிக வட்டி கொண்ட தனிநபர் கடன்கள் அல்லது தேவையற்ற கடன்களைத் தவிர்ப்பது சொத்துக்கள் கைவிட்டுப் போவதை தடுக்கும்.

4) அடுத்த தலைமுறைக்கு நிதி அறிவு வழங்குதல்:

உலக அளவில் 70% குடும்பச் செல்வங்கள் இரண்டாம் தலைமுறையிலும், 90% மூன்றாம் தலைமுறையிலும் அழிந்துவிடுவதாக ஆய்வுகள் கூறுகின்றன. இதற்கு முக்கியக் காரணம் பணத்தைக் கையாளத் தெரியாததே ஆகும். எனவே பிள்ளைகளுக்கு சிறுவயதிலிருந்தே சேமிப்பு, முதலீடு மற்றும் செலவுகளைக் கட்டுப் படுத்துவது பற்றிய புரிதலை உருவாக்கவேண்டும்.

குடும்பத்தின் சொத்துக்கள், கடன்கள் மற்றும் முதலீடுகள் குறித்த விவரங்களைப் பிள்ளைகள் வளர்ந்த பிறகு அவர்களுடன் வெளிப்படையாகப் பகிர்ந்து கொள்வது நல்ல பலனைத் தரும். பணத்தைவிட, அந்தப் பணத்தைக் கையாளும் அறிவைக் கொடுப்பதே உண்மையான செல்வம். பிள்ளைகளுக்கு பணத்தின் அருமையையும், அதை சம்பாதிப்பதில் உள்ள உழைப்பையும் சிறுவயதிலிருந்தே புரிய வைக்கலாம். இது கஷ்டப்பட்டு சேர்த்தப் பணத்தை சுலபமாக செலவழிக்கும் பழக்கம் வராமல் தடுக்க உதவும்.

5) சமூகப் பங்களிப்பு:

நம் முன்னோர்கள் கூறியதுபோல் சேர்த்த செல்வத்தில் ஒரு சிறு பகுதியை கல்வி உதவி, அன்னதானம் அல்லது பொது நலத்திட்டங்களுக்குப் பயன்படுத்துவது குடும்பத்திற்கு சமூகத்தில் நல்ல பெயரையும் மனநிறைவையும் தரும்.

இதையும் படியுங்கள்:
அடுத்த 2 ஆண்டுகள்... கையில் பணமிருந்தால் தான் தப்பிக்க முடியுமா? முதலீட்டாளர்களுக்கு ‘ரெட் அலர்ட்’!
நிதித் திட்டமிடல் - Financial Literacy

Disclaimer: இந்தக் கட்டுரையில் இடம்பெற்றுள்ள தகவல்கள் பொதுவான விழிப்புணர்வுக்காக மட்டுமே; இவை தொழில்முறை நிதி அல்லது முதலீட்டு ஆலோசனைக்கு மாற்றாகாது. அனைத்து முதலீடுகளும் அபாயத்திற்கு உட்பட்டவை. எந்தவொரு நிதி முடிவையும் எடுக்கும் முன், உரிமம் பெற்ற நிபுணர்களை அணுகி ஆலோசிக்கவும்.