‘திருஷ்யம்’ படம் பிடிக்குமா..? அப்போ நீங்க தவறவிடக் கூடாத 5 மலையாள திரில்லர்கள்!

மலையாள சினிமாவில் திரில்லர் படங்களுக்குத் தனி ரசிகர் கூட்டமே உள்ளது. வன்முறை மற்றும் ஆர்ப்பாட்டமான காட்சிகளை மட்டும் நம்பாமல், புத்திசாலித்தனமான திரைக்கதை, இயல்பான நடிப்பு, எதிர்பாராத திருப்பங்கள் ஆகியவற்றின் மூலம் பார்வையாளர்களை கட்டிப்போடும் படங்கள் ஏராளம். 'திருஷ்யம்' படத்தை ரசித்தவர்களுக்கு, இதோ மேலும் 5 சிறந்த மலையாள திரில்லர் திரைப்படங்கள்!

1. மெமரீஸ் (Memories)

பிருத்விராஜ் சுகுமாரன் நடிப்பில் வெளியான 'மெமரீஸ்' திரைப்படத்தை ஜீத்து ஜோசப் இயக்கியுள்ளார். தனிப்பட்ட சோகத்தில் சிக்கியிருக்கும் காவல் அதிகாரி சாம் அலெக்ஸ், தொடர்ச்சியான கொலைகள் தொடர்பான விசாரணையில் மீண்டும் பணிக்கு திரும்புகிறார். ஒவ்வொரு சம்பவத்திற்கும் இடையே இருக்கும் தொடர்புகளை கண்டுபிடிக்கும் விதமும், இறுதியில் கிடைக்கும் திருப்பமும் படத்தை விறுவிறுப்பாக மாற்றுகின்றன. விசாரணையுடன் கதாநாயகனின் தனிப்பட்ட போராட்டமும் இணைந்து செல்வது கதைக்கு கூடுதல் அழுத்தம் சேர்க்கிறது.

2. மும்பை போலீஸ் (Mumbai Police)

பிருத்விராஜ் நடிப்பில் வெளியான இந்தப் படம் வழக்கமான போலீஸ் விசாரணை கதையிலிருந்து முற்றிலும் மாறுபட்டது. ஒரு விபத்துக்கு பிறகு நினைவிழக்கும் காவல் அதிகாரி, தான் முன்பு விசாரித்த கொலை வழக்கையே மீண்டும் விசாரிக்க வேண்டிய சூழல் உருவாகிறது. நினைவுகள் திரும்பும் ஒவ்வொரு கட்டத்திலும் புதிர்கள் அவிழ்வதால், கிளைமாக்ஸ் வரை பார்வையாளர்களின் கவனம் சிதறாது. நினைவிழப்பு என்ற வித்தியாசமான பின்னணியைப் பயன்படுத்தி, ஒரு போலீஸ் அதிகாரியே தன்னைப் பற்றிய உண்மையைத் தேடும் வகையில் திரைக்கதை அமைக்கப்பட்டுள்ளது.

3. அஞ்சாம் பாதிரா (Anjaam Pathiraa)

குஞ்சாக்கோ போபன் நடித்த இந்த கிரைம் திரில்லர், காவல்துறை அதிகாரிகளை குறிவைக்கும் தொடர் கொலைகளை மையமாகக் கொண்டது. குற்றவியல் நிபுணர் அன்வர் ஹுசைன், காவல்துறைக்கு உதவியாக விசாரணையில் இணைகிறார். கொலைகளுக்கு பின்னால் இருக்கும் காரணத்தைத் தேடும் பயணத்தில் பல புதிய தகவல்கள் வெளிவருகின்றன. இருண்ட பின்னணி, வேகமான விசாரணை மற்றும் அடுத்தடுத்து நிகழும் கொலைகளின் மர்மம் ஆகியவை பார்வையாளர்களை தொடர்ந்து யோசிக்க வைக்கின்றன.

4. ஜோசப் (Joseph)

ஜோஜு ஜார்ஜ் நடித்த 'ஜோசப்', ஓய்வுபெற்ற காவல் அதிகாரியின் கூர்மையான கவனத்தையும் அனுபவத்தையும் மையமாக கொண்டது. முதலில் ஒரு சாதாரண வழக்காக தோன்றும் சம்பவம், அடுத்தடுத்து பெரிய மர்மத்துடன் தொடர்புடையதாக மாறுகிறது. கதாபாத்திரத்தின் தனிப்பட்ட வாழ்க்கையையும் விசாரணையையும் இணைத்து சொல்லும் விதம் படத்திற்கு உணர்வுபூர்வமான ஆழத்தை தருகிறது. அனுபவம் வாய்ந்த காவல் அதிகாரியின் கவனிக்கும் திறனும், உண்மையை தேடும் பயணமும் இதில் முக்கியத்துவம் பெறுகின்றன.

5. எலா வீழா பூஞ்சிரா (Ela Veezha Poonchira)

மலைப்பகுதியில் அமைந்துள்ள தனிமையான காவல் வயர்லெஸ் நிலையத்தில் பணியாற்றும் இரு காவலர்களை சுற்றி நகரும் கதை இது. அங்கு கிடைக்கும் ஒரு அதிர்ச்சிகரமான தகவல், மர்மமான விசாரணைக்கு வழிவகுக்கிறது. குறுகிய இடத்தையே மையமாகக் கொண்டும், மலைப்பகுதியின் தனிமையை பயன்படுத்தியும் பதற்றத்தை உருவாக்கும் திரைக்கதை இந்த படத்தின் சிறப்பு.

இந்தப் படங்களின் மற்றொரு சிறப்பு, கதையின் முக்கியமான தகவல்களை ஒரே நேரத்தில் சொல்லாமல், சிறு சிறு குறிப்புகளாக பார்வையாளர்களிடம் கொண்டு சேர்ப்பதுதான். அதனால் திரையில் தோன்றும் ஒரு சிறிய சம்பவம் கூட பின்னர் முக்கியத்துவம் பெறுகிறது. மேலும், கதாநாயகர்கள் எல்லாவற்றையும் அறிந்தவர்களாக இல்லாமல், அவர்களுடன் சேர்ந்து பார்வையாளர்களும் மர்மத்தை கண்டுபிடிக்கும் வகையில் திரைக்கதை அமைக்கப்பட்டுள்ளது. இதுவே இந்தப் படங்களை சுவாரஸ்யமாக்குகிறது.

மேலும் மெமரீஸ் படத்தில் விசாரணையுடன் கதாநாயகனின் தனிப்பட்ட போராட்டமும் இணைந்து செல்வது கதைக்கு அழுத்தம் சேர்க்கிறது..

மும்பை போலீஸ் திரைப்படம் நினைவிழப்பு என்ற வித்தியாசமான பின்னணியைப் பயன்படுத்தி, ஒரு போலீஸ் அதிகாரியே தன்னைப் பற்றிய உண்மையைத் தேடும் வகையில் அமைந்துள்ளது..

அஞ்சாம் பாதிராவில் அடுத்தடுத்து நிகழும் கொலைகளும், அவற்றுக்குப் பின்னால் இருக்கும் மர்மமும் பார்வையாளர்களை தொடர்ந்து யோசிக்க வைக்கின்றன..

ஜோசப் படத்தில் அனுபவம் வாய்ந்த காவல் அதிகாரியின் கவனிக்கும் திறனும், வழக்கின் பின்னணியில் இருக்கும் உண்மையைத் தேடும் பயணமும் முக்கியத்துவம் பெறுகின்றன.

எலா வீழா பூஞ்சிராவில் மலைப்பகுதியின் தனிமையே கதையின் பதற்றத்தை அதிகரிக்கிறது.. இவ்வாறு ஐந்து படங்களுமே வெவ்வேறு கதைக் தளங்களைக் கொண்டிருந்தாலும், மர்மம், விசாரணை, எதிர் பாராத திருப்பம் ஆகிய அம்சங்களை மையமாகக் கொண்டுள்ளன..

இந்த ஐந்து படங்களிலும் கதையை முன்கூட்டியே கணிக்க முடியாத வகையில் திரைக்கதை அமைக்கப்பட்டுள்ளது.. கதாபாத்திரங்களின் செயல்பாடுகள், கிடைக்கும் சிறிய தடயங்கள், விசாரணையின் ஒவ்வொரு நகர்வும் கதையை அடுத்த கட்டத்திற்கு எடுத்துச் செல்கின்றன.. குறிப்பாக கிளைமாக்ஸ் நெருங்கும் போது மர்மத்தின் பல அடுக்குகள் விலகுவது , திரில்லர் ரசிகர்களுக்கு வித்தியாசமான அனுபவத்தை வழங்குகிறது

திருஷ்யம் போலவே, இந்த ஐந்து படங்களும் பார்வையாளர்களை கதையுடன் இணைத்து, அடுத்ததாக என்ன நடக்கும் என்ற எதிர்பார்ப்பை உருவாக்குகின்றன. குறிப்பாக திருப்பங்கள் நிறைந்த விசாரணைக் கதைகளை விரும்புபவர்கள் இந்தப் படங்களை தங்கள் பார்க்க வேண்டிய பட்டியலில் சேர்த்துக்கொள்ளலாம். ஒவ்வொரு படமும் மர்மத்தை அணுகும் விதத்தில் தனித்துவம் கொண்டவை.