இன்று வெளியாகும் 10 திரைப்படங்கள்...எதிர்பார்ப்பில் தனுஷின் ‘தேரே இஷ்க் மே’..!

இன்று (நவம்பர் 28-ந்தேதி) தமிழ் சினிமாவில் ஏராளமான திரைப்படங்கள் ரிலீஸ் ஆகின்றன. தனுஷ், கீர்த்தி சுரேஷ் இவர்களுடன் இளம் நாயகன் டிடிஎஃப் வாசன் ஹீரோவாக அறிமுகமாகும் திரைப்படமும் ரிலீஸ் ஆகிறது. அதுமட்டுமின்றி அஜித், சூர்யாவின் படங்களும் ரீ-ரிலீஸ் செய்யப்படுகிறது.

தேரே இஷ்க் மே (Tere Ishk Mein)

தனுஷ் ரசிகர்கள் அனைவரும் ஆவலுடன் எதிர்பார்த்து காத்திருக்கும் 'தேரே இஷ்க் மே' படம் இன்று வெளியாகிறது. ஆனந்த் எல் ராய் இயக்கியுள்ள இந்த படத்தில் தனுஷ் , கீர்த்தி சனோன் நடித்துள்ளனர். ஏ.ஆர் ரஹ்மான் இப்படத்திற்கு இசையமைத்துள்ளார். தனுஷ் - ஆனந்த் எல். ராய் கூட்டணியில் இதற்கு முன் வெளிவந்த ராஞ்சனா மற்றும் அட்ராங்கி ரே ஆகிய படங்கள் மாபெரும் வெற்றி பெற்றது குறிப்பிடத்தக்கது. இதனால் இந்த படத்திற்கும் அதிகளவு எதிர்பார்ப்பு எழுந்துள்ளது.

ரிவால்வர் ரீட்டா

தென்னிந்திய சினிமாவின் முன்னணி நடிகையாக வலம் வரும் கீர்த்தி சுரேஷ் நடித்துள்ள ‘ரிவால்வர் ரீட்டா’. கே. சந்துரு இயக்கத்தில் உருவான இப்படத்தில் கீர்த்தி சுரேஷ் உடன், ராதிகா, சுனில், ரெடின் கிங்ஸ்லி, சூப்பர் சுப்பராயன் மற்றும் சென்ட்ராயன் உள்ளிட்ட பலர் நடித்துள்ளனர். ஆக்‌ஷன், நகைச்சுவை கலந்த ஒரு பெண்மையைக் கொண்ட கதையை மையமாகக் கொண்டு படம் உருவாகியுள்ளது. தி ரூட், தி ஃபேஷன் ஸ்டூடியோஸ் நிறுவனங்கள் இணைந்து தயாரித்துள்ள இந்த படத்திற்கு ஷான் ரோல்டன் இசையமைத்துள்ளார்.

ஐபிஎல்

இயக்குனர் கருணாகரன் இயக்கத்தில் பிரபல யூடியூப்பரும், சர்ச்சைகளுக்கு பெயர் பெற்றவருமான டி.டி.எஃப் வாசன் நாயகனாக நடித்திருக்கும் திரைப்படம் ஐபிஎல்(Indian Penal Law). இப்படத்தில் கிஷோர், நடிகை அபிராமி முக்கிய கதாபாத்திரத்தில் நடிக்க இவர்களுடன் குஷிதா, சிங்கம் புலி, ஆடுகளம் நரேன், ஜான் விஜய், போஸ் வெங்கட் உள்ளிட்ட பலர் நடித்துள்ளனர். தயாரிப்பாளர் ராதா பிலிம் இன்டர்நேஷனல் தயாரிப்பு நிறுவனம் சார்பில் தயாரிப்பாளர் ஜி ஆர் மதன் கிருஷ்ணன் தயாரித்துள்ள இந்த படத்திற்கு விநாயகமூர்த்தி இசையமைத்துள்ளார்.

வெள்ளகுதிர

நிஜம் சினிமா தயாரிப்பில் சரண்ராஜ் செந்தில்குமார் இயக்கத்தில் ஹரிஷ் ஓரி, அபிராமி போஸ் நடிப்பில் உருவாகியுள்ள படம் ‘வெள்ளகுதிர’. இந்த படத்திற்கு பரத் ஆசீவகன் இசையமைத்துள்ளார்.

பிபி 180

ஜேபி இயக்கத்தில் மறைந்த நடிகர் டேனியல் பாலாஜி வில்லனாகவும், கே பாக்கியராஜ் மற்றும் தான்யா ரவிச்சந்திரன் முக்கிய கதாபாத்திரத்தில் நடித்துள்ள படம் பிபி 180. அதுல் இண்டியா மூவிஸ் நிறுவனம் சார்பாக அதுல் எம் போஸாமியா தயாரித்துள்ள இந்த படத்திற்கு ஜிப்ரான் இசையமைத்துள்ளார். இந்த படம் ஒரு தேவதைக்கும் அரக்கனுக்கும் இடையிலான போரைப் பற்றிய ஒரு விறுவிறுப்பான த்ரில்லர் கதையை மையமாகக் கொண்டது.

பிரைடே (Friday)

Dakdam Motion Pictures சார்பில் அனிஷ் மசிலாமணி தயாரிப்பில் ஹரிவெங்கடேஷ் இயக்கத்தில் உருவாகி உள்ள படம் பிரைடே(Friday).இந்த படத்தில் மைம் கோபி, KPY தீனா, அனிஷ் மாசிலாமணி, ராமச்சந்திர துரைராஜ், கலையரசன் , சித்ராசேனன் ஆகியோர் நடித்துள்ளனர். இந்த படத்திற்கு ஜானி நாஷ் ஒளிப்பதிவு செய்ய, டுமே இசையமைத்துள்ளார்.

ஒண்டிமுனியும் நல்லபாடனும்

திருமலை புரொடக்ஷன் சார்பில் கா.கருப்புசாமி தயாரித்துள்ள இப்படத்தை சுகவனம் எழுதி இயக்கியுள்ளார். ‘பரோட்டா’ முருகேசன், கார்த்திகேசன், முருகன், விஜயன், சேனாபதி, சித்ரா, கவுசிகா, தமிழினியன் விகடன் ஆகியோர் முக்கிய கதாபாத்திரங்களில் நடித்துள்ளனர். இந்த படத்திற்கு ஜெ.டி.விமல் ஒளிப்பதிவு செய்ய நடராஜன் சங்கரன் இசையமைத்துள்ளார்.

அஞ்சான்

திருப்பதி பிரதர்ஸ் நிறுவனம் சார்பில் லிங்குசாமி இயக்கத்தில் நடிகர் சூர்யா, சமந்தா நடிப்பில் வெளியான அஞ்சான் திரைப்படம் ரசிகர்கள் மத்தியில் மிகப்பெரிய எதிர்பார்ப்பை உருவாக்கியது. கடந்த 2014-ம் ஆண்டு வெளியான இந்த படம் மீண்டும் 11 ஆண்டுகள் கழித்து இன்று ரீ-ரிலீஸ் செய்யப்படுகிறது.

அட்டகாசம்

சரண் இயக்கத்தில் நடிகர் அஜித், பூஜா நடிப்பில் கடந்த 2004-ம் ஆண்டு வெளியாகி நல்ல வரவேற்பை பெற்ற திரைப்படம் 'அட்டகாசம்'. தற்போது கார் ரேஸிங்கில் அஜித் பிஸியாக இருக்கும் நிலையில் 21 ஆண்டுகளுக்கு பிறகு அவரது ‘அட்டகாசம்’ ரீ-ரிலீஸ் செய்யப்படுவது அவரது ரசிகர்களுக்கு சந்தோஷத்தை ஏற்படுத்தியுள்ளது.