விரைவில் தளபதி 68 அப்டேட்... கிறிஸ்துமஸ் அன்று குட்நியூஸ் சொன்ன வெங்கட் பிரபு!

வெங்கட் பிரபு இயக்கத்தில் விஜய் நடித்து வரும் தளபதி 68 படத்தின் அப்டேட் விரைவில் வெளியாகவுள்ளதாக இயக்குனரே அவரது டிவிட்டர் பக்கத்தில் தெரிவித்துள்ளார்.

லியோ திரைப்படத்தைத் தொடர்ந்து நடிகர் விஜய், வெங்கட் பிரபு இயக்கும் 68 வது திரைப்படத்தில் நடித்து வருகிறார். லோகேஷ் கனகராஜ் இயக்கத்தில் விஜய் நடிப்பில் கடந்த மாதம் லியோ படம் வெளியாகி ரசிகர்கள் இடையே நல்ல வரவேற்பை பெற்று வசூலை குவித்தது. இதனையடுத்து தற்போது வெங்கட் பிரபு இயக்கத்தில் தளபதி 68 படத்தில் விஜய் நடித்து வருகிறார். இதன் படப்பிடிப்பு தற்போது மும்முரமாக நடந்து வருகிறது.

தமிழ் சினிமாவில் தொடர்ச்சியாக வெவ்வேறு ஜானரில் படங்களை இயக்கி வருகிறார் இயக்குனர் வெங்கட் பிரபு. அஜித்தை வைத்தும் 'மங்காத்தா' என்ற பிளாக் பஸ்டர் ஹிட்டை கொடுத்தார். சமீபத்தில் சிம்புவை மாநாடு படத்தில் கம்பேக் கொடுக்க வைத்து ஹிட் அடித்தார். இந்நிலையில் வெங்கட் பிரபு இயக்கத்தில் விஜய் நடிக்கவுள்ளது ரசிகர்கள் மத்தியில் எக்கச்சக்கமான எதிர்பார்ப்பினை கிளப்பியுள்ளது.

இதன் படப்பிடிப்பு 'லியோ' ரிலீசுக்கு பின்பாக துவங்கி தற்போது மும்முரமாக நடந்து வருகிறது. கடந்த சில நாட்களுக்கு முன்பாக இப்படத்தின் ஷுட்டிங் தாய்லாந்து நாட்டில் நடைபெற்றது. படத்தின் முக்கியமான ஆக்ஷன் மற்றும் கார் சேஸிங் காட்சிகள் படமாக்கப்பட்டது. தாய்லாந்த் ஷெட்யூலை நிறைவு செய்து விட்டு, நடிகர் விஜய் சென்னை திரும்பிய காட்சிகள் சமூக வலைதளங்களில் வைரலானது.

தளபதி 68 ஃபர்ஸ்ட் லுக் புத்தாண்டு ஸ்பெஷலாக வெளியாகும் என சொல்லப்பட்டது. இப்படத்தில் டீஏஜிங் தொழில்நுட்பத்தின் மூலம் விஜய்யின் பழைய தோற்றத்தைப் பயன்படுத்தியுள்ளதாகவும், பகவதி, யூத் படத்தில் இருந்த விஜய் தோற்றம் இப்படத்தில் 10 நிமிட காட்சியாக இடம்பெற உள்ளதாகவும் கூறப்படுகிறது. படத்தின் டைட்டில் இது, அது என பல பெயர்கள் வைரலாகி வரும் நிலையில், படத்தின் தயாரிப்பாளர் அதற்கு முற்றுப்புள்ளி வைத்தார்.

தொடர்ந்து கிறிஸ்துமஸ் தினமான இன்று, இயக்குனர் வெங்கட் பிரபு அவரது ட்விட்டர் பக்கத்தில் தளபதி 68 அப்டேட் விரைவில் வெளியாகும் என்றும் அது வரை பொறுமையாக மகிழ்ச்சியாக இருக்கவும், கிறிஸ்துமஸ் வாழ்த்துக்கள் என்று பதிவிட்டுள்ளார். இதனால் விஜய் ரசிகர்கள் மகிழ்ச்சியடைந்துள்ளனர். புத்தாண்டு அன்று பெரிய சம்பவம் காத்திருக்கு என எதிர்பார்க்கப்படுகிறது.