கருடன் சாதாரண கழுகு அல்ல: ஆன்மீக ரகசியங்களும் அதன் தெய்வீக மகிமையும்!

கருடன் ஒரு சாதாரண கழுகு இல்லை. ஆங்கிலத்தில் கருடனை கழுகு என்று சொல்வது மிகவும் தவறான விஷயம். பகவான் விஷ்ணுவின் வாகனமாகும் அவர். கருடனை கருடன் என்றுதான் ஆங்கிலத்திலும் அழைக்கவேண்டும்.

கருடன் ஒரு வைகுண்ட பறவை கம் பவித்ரன். இப்படி பட்ட உன்னத ஸ்நானத்தை கொண்டிருக்கும் கருடனை கழுகு என்று கொச்சைபடுத்துபவர்களுக்கு இவர் களிடையே இருக்கும் வித்தியாசத்தை தெரியபடுத்த வேண்டியது அவசியமும் கடமையும் ஆகும். மேலும் கருடனை இந்து மதத்தில் மட்டும் அல்லாது புத்த மற்றும் ஜைன மதங்களிலும் கருடரை வழிபாடுகிறார்கள்

கழுகு என்பது இயற்கையில் காணப்படும் ஒரு காட்டு விலங்கு. கருடன் ஒரு தெய்வீக, பறவைகளின் அரசன் மற்றும் இந்து கடவுளான விஷ்ணுவின் புனித வாகனம் ஆகும்.

ஒரு கழுகுக்கு இறகுகள், சிறகுகள் மற்றும் நகங்களுடன் கூடிய ஒரு வழக்கமான பறவையின் உடல் அமைப்பு உள்ளது.

கருடன் மகிமை பெரும்பாலும் கலைப்படைப்புகளில், வலிமையான மனிதனின் பொன்னிற உடலுடனும், வெண்மையான முகம், சிவப்பு இறக்கைகள் மற்றும் கழுகின் அலகு ஆகியவற்றுடனும் சித்தரிக்கப்படுகிறார்

ஒரு கழுகு பறக்கிறது, மீன்கள் அல்லது சிறிய விலங்குகளை வேட்டையாடுகிறது, மேலும் ஒரு சாதாரண விலங்கின் ஆயுட்காலதுக்கு வாழ்கிறது.

கருடன் பிரபஞ்ச சக்திகளை கொண்டுள்ளான்; அவரால் எந்த வடிவத்திற்கும் மாற முடியும், சூரியனை மறைக்கும் அளவுக்கு பெரிதாக வளர முடியும், மேலும் தன் இறக்கைகளால் நில அதிர்வுகளை உருவாக்க முடியும்.

கருடன் என்பவர் புத்த மற்றும் ஜைன மதம் ஆகிய இரண்டிலும்பாதுகாவலராகவும், ஞானத்தின் சின்னமாகவும், காப்பாளராகவும் விளங்கும் ஒரு சக்தி வாய்ந்த புராணகாலப் பறவை அல்லது மனித உருவ தெய்வமாக வர்ணிக்கப்படுகிறார்.

பௌத்த மரபின்படி, கருடன் ( கருலன் அல்லது சுபர்ணன் என்றும் அழைக்கப்படுகிறார் ) என்பவர் அறிவார்ந்த, பிரம்மாண்டமான பொன் சிறகுகளைக் கொண்ட ஒரு பறவையாகும். மேலும் , அவர் தர்மத்தைப் பாதுகாக்கும் எட்டு வகையான மனிதரல்லாத உயிரினங்களைக் கொண்ட அஷ்டகத்யர்களில் ஒருவராகவும் திகழ்கிறார்.

இவர் மேரு மலை மற்றும் திரயஸ்ட்ரிம்சா விண்ணுலகின் தெய்வீகப் பாதுகாவலராகப் பணியாற்றுகிறார். நாகங்களுடனான அவரது பாரம்பரிய பகை, குழப்பம் மற்றும் அறியாமையின் மீது ஆன்மீக ஞானமும் அறிவொளியும் பெறும் பிரபஞ்ச வெற்றியை அடையாளப் படுத்துகிறது

வஜ்ரயான மற்றும் திபெத்திய பௌத்தத்தில், கருடன் ஒரு யிதம் (தியான தெய்வம்) அல்லது சீற்றமுள்ள பாதுகாவலனாகச் செயல்படுகிறார். விஷம், எதிர்மறை ஆற்றல்கள் மற்றும் ஆன்மீகத் தடைகளால் ஏற்படும் நோய்களை நீக்குவதற்கான சடங்குகளில் இவர் அழைக்கப்படுகிறார்

திபெத்திய மரபில், கருடன் நான்கு மாண்புகளில் வடக்கு திசையைக் குறிப்பதாகவும், புத்தர்களின் செயல்மிகு, அச்சமற்ற சக்தியாகச் செயல்படுவதாகவும் விளங்குகிறது

ஜைன மதத்தில், கருடன் ஒரு குறிப்பிட்ட பாதுகாப்பு மற்றும் பணிவிடைப் பாத்திரத்தை வகிக்கும் ஒரு தெய்வீக ஜீவனாக அங்கீகரிக்கப்பட்டுள்ளார்.

யட்ச பரிவாரம்: 16வது தீர்த்தங்கரரான (ஆன்மீக குரு) சாந்தி நாதருக்குப் பிரத்தியேகமாக நியமிக்கப்பட்ட யட்சமாக (பரிவாரக் காவல் தெய்வமாக) கருடன் செயல்படுகிறார்.

உருவவியல்: ஜைனக் கலையானது பொதுவாக கருடனை மனித உருவில் சித்தரிக்கிறது — பெரும்பாலும் தாமரை, பழங்கள் அல்லது ஜெபமாலை போன்ற குறியீட்டுப் பொருட்களை ஏந்தியபடி, பல கைகளை (உதாரணமாக நான்கு கைகள்) கொண்டிருக்கக்கூடிய, இறக்கைகள் உடைய மனித உருவமாக அது சித்தரிக்கப்படுகிறது.

எல்லாவற்றிற்கும் மேலாக இந்து சமயத்தில் கருடரை ஆழவார் என்றுதான் வைணவர்கள் அழைக்கிறார்கள். மொத்தத்தில் கருடரை கருடர் என்றே அழைப்பது முறை. அப்படி இல்லாமல் கழுகு என்றோ ஈகிள் என்று சொல்வது அபராதம் ஆகும். அவர் விஷ்ணுவின் வாகனம் . அமெரிக்க சின்னமான கழுகு அல்ல. அமெரிக்க ஜனாதிபதி பயணம் செய்யும் AIR FORCE ONE இல்லை நமது கருடர். AIRFORCEONE கண்டம் விட்டு கண்டம்தான் பறக்கும். நமது கருடர் சர்வேஸ்வரன் விஷ்ணுவை சுமந்து லோகம் விட்டு லோகம் பறப்பவர்.

இந்த பதிவின் மூலம் சாதாரண பறவைக்கும் தெய்வீக கருடனுக்கும் உள்ள நுட்பமான வேறுபாடுகளைத் துல்லியமாகப் புரிந்துகொண்டு, நமது பண்டைய ஆன்மீக மரபில் கருடருக்கு வழங்கப்பட்டுள்ள உயர்ந்த ஸ்தானத்தையும் பௌத்த, ஜைன மதங்களில் அவரது காப்பாளர் பங்களிப்பையும் தெளிவாக அறிந்துகொள்ளலாம்.