தென்னிந்தியாவின் அறுவடை திருவிழாவின் வரலாறு மற்றும் முக்கியத்துவம்!

பொங்கல் என்பது தென்னிந்தியாவில் முக்கியமாக தமிழ்நாடு, ஆந்திரப் பிரதேசம் மற்றும் தெலுங்கானா மாநிலங்களில் கொண்டாடப்படும் பாரம்பரிய அறுவடை கொண்டாட்டமாகும். இந்த ஆண்டு, பொங்கல் கொண்டாட்டங்கள் ஜனவரி 13-ம் தேதி தொடங்கி ஜனவரி 16-ம் தேதி முடிவடைகிறது. இந்த நான்கு நாள் திருவிழா சூரிய கடவுளை போற்றும் மற்றும் குளிர்காலத்தின் முடிவை குறிக்கிறது.

இது மகர சங்கராந்தி மற்றும் பிஹு உட்பட நாடு முழுவதும் உள்ள பிற அறுவடை பண்டிகைகளுடன் ஒத்துப்போகிறது. தமிழில் 'பொங்' என்றால் கொதித்தல் அல்லது கொட்டுதல் என்று பொருள். இந்த அறுவடையில் கிடைத்த நெல்லின் புத்தரிசியைச் சர்க்கரை, பால், நெய் சேர்த்துப் புதுப் பானையிலிட்டுப் புத்தடுப்பில் கொதிக்க வைத்துப் பொங்கல் சோறாக்கி சூரியனுக்கும் மாட்டுக்கும் படைத்து உண்டு மகிழும் விழாவே பொங்கல் விழாவாகும்.

பொங்கல் நாள் சூரியன் வடக்கு நோக்கி நகர்வதையும் குறிக்கிறது, இது உத்தராயணம் என்று அழைக்கப்படுகிறது, இது மிகவும் மங்களகரமானதாக கருதப்படுகிறது. பொங்கல் கொண்டாட்டத்தின் ஒரு பகுதியாக, பக்தர்கள் சூரிய பகவானை வழிபடுகின்றனர். மக்கள் தங்கள் வீடுகளை சுத்தம் செய்து அலங்கரிக்கிறார்கள். புதிய பாத்திரங்கள் மற்றும் ஆடைகளை வாங்குகிறார்கள். பாரம்பரிய நடனங்களை ஆடுகிறார்கள். கரும்பு, மஞ்சள், நெல் போன்ற பயிர்கள் அறுவடை செய்யப்படும் காலம் இது. இந்த மாதம் திருமணம், நிச்சயதார்த்தம் மற்றும் அனைத்து மத மற்றும் ஆன்மீக நடவடிக்கைகளுக்கும் ஏற்றதாக கருதப்படுகிறது.

பொங்கல் வரலாறு:

இந்து புராணங்களின் படி, பொங்கலின் வரலாறு சிவபெருமான் மற்றும் அவரது காளை நந்தியுடன் இணைக்கப்பட்டுள்ளது. சிவபெருமான் நந்தியை பூமிக்கு அனுப்பி, மானிடர்கள் ஒவ்வொரு நாளும் எண்ணெய் குளியல் மற்றும் மசாஜ் செய்யவும், மாதம் ஒருமுறை சாப்பிடவும் அறிவுறுத்தினார். இருப்பினும், நந்தி அறிவுறுத்தல்களைத் தவறாகப் புரிந்துகொண்டு, ஒவ்வொரு நாளும் சாப்பிடவும், மாதம் ஒருமுறை எண்ணெய் குளியல் செய்யவும் சொன்னார். இதனால் சிவபெருமான் நந்தியின் மீது கோபம் கொண்டு அவரை பூமியில் என்றென்றும் வாழுமாறு சபித்தார். நந்தி மக்கள் தினமும் உண்ணும் வகையில் உணவை வளர்க்க உதவினார்.

இதை முன்னிட்டு மாட்டுப் பொங்கல் என்று அழைக்கப்படும் பொங்கலின் மூன்றாவது நாளில், மக்கள் கால்நடைகளைக் கொண்டாடி கௌரவிக்கின்றனர். விவசாயிகள் தங்கள் கால்நடைகளை மணி மற்றும் மலர்களால் அலங்கரித்து, கால்நடைகளுக்கு பொங்கல் தந்து வழிபடுகின்றனர்.

இயற்கையையும், சூரியனையும், விவசாயிகளின் கடின உழைப்பையும் கொண்டாடும் அறுவடைத் திருநாள் பொங்கல். தமிழ்நாடு, ஆந்திரா மற்றும் கர்நாடகா உட்பட இந்தியா முழுவதும் கொண்டாடப்படுகிறது. போகி, சூரியப் பொங்கல், மாட்டுப் பொங்கல், காணும் பொங்கல் என நான்கு பண்டிகை நாட்களும் பொங்கல் பண்டிகை என அழைக்கப்படுகின்றன.

• பொங்கலின் முதல் நாள் போகி (ஜனவரி 13-ம்தேதி) என்று அழைக்கப்படுகிறது. இந்த நாளில் வீடுகளைச் சுத்தம் செய்வதும் பயன்படுத்தப்படாத பொருட்களை அப்புறப்படுத்துவதும் வழக்கம். இந்த நாளின் கொண்டாட்டங்கள் பஞ்சாபில் உள்ள லோஹ்ரி திருவிழாவைப் போலவே ஒரு நெருப்பைச் சுற்றியே இருந்தன.

• இரண்டாவது மற்றும் மிக முக்கியமான நாள் தை பொங்கல் (ஜனவரி 14-ம்தேதி) ஆகும், இது சூரியனை வணங்குவதன் மூலமும், பாரம்பரிய உணவான சக்கரைப் பொங்கலை சூரிய பகவானுக்கு படைத்து வழிபடுவதன் மூலமும் கொண்டாடப்படுகிறது.

• பொங்கலின் மூன்றாம் நாள் மாட்டுப் பொங்கல் (ஜனவரி 15-ம்தேதி) என்று அழைக்கப்படுகிறது, இது கால்நடைகளை வழிபடும் பண்டிகையாகும். கால்நடைகள் குளிப்பாட்டி, அலங்கரிக்கப்பட்டு, நன்கு உணவளிக்கப்படுகின்றன, மேலும் விவசாயிகள் விவசாய நடவடிக்கைகளில் அவர்களின் உதவியையும் பங்களிப்பையும் ஒப்புக்கொள்கிறார்கள். இந்த நாளில் ஜல்லிக்கட்டு நடத்தப்படுகிறது.

• பொங்கலின் நான்காவது மற்றும் கடைசி நாள் காணும் பொங்கல் (ஜனவரி 16-ம்தேதி) என்று அழைக்கப்படுகிறது. இது பெரும்பாலும் குடும்பம் ஒன்றுசேர்வதற்காகவும், உற்றார், உறவினர், நண்பர்களைக் காணுதல் மற்றும் பெரியோர் ஆசி பெறுதல் என்பன அடங்கும்.