பார்லர் பக்கமே போகாத கரீனா கபூர்.. முகம் தங்கம் போல ஜொலிக்க இந்த 1 ஆயில் போதும்!

பாலிவுட் சூப்பர் ஸ்டார் கரீனா கபூர் கான் அவர்களைத் திரையில் பார்க்கும் போதெல்லாம், நாற்பது வயதைக் கடந்த பிறகும் இவருடைய முகம் மட்டும் எப்படிப் பல்பைப் போல எப்போதுமே தகதகவென ஜொலிக்கிறது என்ற சந்தேகம் நம் அனைவருக்கும் வரும். உடனே நாம் நினைப்பது என்னவென்றால், இவர்கள் லட்சக்கணக்கில் செலவு செய்து வெளிநாட்டுத் கரீம்களைப் பூசுகிறார்கள் என்றுதான். 

ஆனால், உண்மை முற்றிலும் நேரெதிரானது. அவருடைய இந்த அசல் பளபளப்பிற்குப் பின்னால் இருப்பது எந்தவொரு விலை உயர்ந்த பார்லர் ட்ரீட்மெண்ட்டும் கிடையாது. சமையலறையில் கிடைக்கும் மிகச் சாதாரணப் பொருட்களையும், சரியான வாழ்க்கை முறையையும் மட்டுமே மூலதனமாக வைத்து அவர் மெயின்டெயின் செய்யும் அந்தச் சிம்பிளான பியூட்டி சீக்ரெட்களைத் தெரிந்து கொள்ளலாம் வாங்க. 

காலைத் தொடக்கம்!

பெரும்பாலான நடிகைகள் காலையில் எழுந்தவுடன் முகத்திற்குப் பல லேயர் ரசாயனங்களைத் தடவுவார்கள். ஆனால், கரீனா கபூர் கான் தனது நாளை ஒரு கிளாஸ் வெதுவெதுப்பான தண்ணீர் மற்றும் ஒரு தட்டுப் பிரெஷ்ஷான பழங்களோடு தான் ஆரம்பிக்கிறார். 

உடலின் உள்ளே இருக்கும் செல்கள் ஆரோக்கியமாக இருந்தாலே அது முகத்தில் தானாகப் பிரதிபலிக்கும் என்பது இவரின் ஆணித்தரமான நம்பிக்கை. மேலும், இவர் எங்குச் சென்றாலும் ஒரு நாளைக்குக் கட்டாயம் மூன்று லிட்டர் தண்ணீர் குடிப்பதை வழக்கமாக வைத்துள்ளார். இந்த அதிகப்படியான தண்ணீர் குடிப்பது உடலின் சூட்டைக் குறைத்து, முகத்திற்கு ஒரு இயற்கையான ஈரப்பதத்தைக் கொடுக்கிறது.

வயிற்றுக்கும் சருமத்திற்கும் உள்ள தொடர்பு!

அழகுக்காகச் சாப்பிடாமல் பட்டினி கிடக்கும் டயட்  முறைகளை இவர் கடுமையாக எதிர்க்கிறார். வயிறு நிறைய மனதிற்குப் பிடித்த ஆரோக்கியமான உணவைச் சாப்பிடும் போது உடல் மகிழ்ச்சியாக இருக்கும். அந்தச் சந்தோஷமே முகத்தில் அசல் பளபளப்பைக் கொடுக்கும். பட்டினி கிடந்தால் உடல் மன அழுத்தத்திற்கு ஆளாகி முகப்பருக்கள் வெடிக்கத் தொடங்கிவிடும். எனவே தினமும் மூன்று வேளையும் வீட்டுச் சாப்பாட்டை நிம்மதியாகச் சாப்பிடுவதே இவரின் மாஸ் எனர்ஜிக்கு முக்கியக் காரணமாகும்.

எளிய பராமரிப்பு!

முகத்தில் ஏதாவது பருக்கள் வந்தாலோ அல்லது வறட்சி ஏற்பட்டாலோ இவர் உடனே ஓடுவது மருத்துவமனைக்கு அல்ல, சமையலறைக்குத் தான். இவர்களின் குடும்ப பாரம்பரிய ரகசியமான பாதாம் எண்ணெயை எடுத்து முகத்தில் மசாஜ் செய்கிறார். முகம் மிகவும் வறண்டு போயிருந்தால் இந்த எண்ணெயுடன் கொஞ்சம் கெட்டித் தயிர் கலந்து பேஸ் பேக் போடுகிறார். 

அதேபோல, முகத்திற்குப் பத்தெட்டு கரீம்களைப் பூசும் பழக்கத்தை இவர் சற்றும் ஆதரிப்பதில்லை. ஒரு நல்ல மாய்ஸ்சரைசர், இரவு தூங்கும் முன் நைட் கரீம், வெளியில் செல்லும்போது சன்ஸ்கிரீன், மற்றும் கண்களுக்குக் காஜல் அவ்வளவுதான் இவரின் ஒட்டுமொத்தப் பியூட்டி கிட். வாரத்திற்கு ஒருமுறை மட்டும் ஈரப்பதம் தரும் மாஸ்க் பயன்படுத்துகிறார்.

இயற்கையான அழகைப் பெற விலை உயர்ந்த ரசாயனப் பொருட்களைத் தேடி ஓட வேண்டிய அவசியமே இல்லை. உடலுக்குத் தேவையான தண்ணீர், மனநிறைவான உணவு மற்றும் மிகக் குறைவான பியூட்டிப் பொருட்கள் இவ்வளவுதான் விஷயம். இந்த எளிய வைத்தியத்தை இன்றே நீங்களும் ட்ரை பண்ணிப் பாருங்கள், உங்கள் சரும அழகு யாரும் அசைக்க முடியாத அளவுக்கு அழகாக இருக்கும்.