நீடா அம்பானி ஸ்டைலிஸ்ட் சொன்ன ரகசியம்.. தலைக்கு குளிக்கும்போது இந்த தப்பு பண்ணாதீங்க!

 நாம் தினமும் குளிக்கும் போது செய்யும் ஒரு சிறிய தவறு நமது தலைமுடியின் ஆரோக்கியத்தை முழுமையாக கெடுத்துவிடும் என்று சொன்னால் உங்களால் நம்ப முடிகிறதா. ஆனால் அதுதான் நிதர்சனமான உண்மை. பிரபல தொழிலதிபர் நீடா அம்பானி மற்றும் பாலிவுட் நடிகை தீபிகா படுகோன் போன்ற விஐபிகளுக்கு ஹேர் ஸ்டைலிஸ்டாக இருக்கும் இயானி சபாடோரி சமீபத்தில் ஒரு நேர்காணலில் இதற்கான ரகசியத்தை உடைத்துள்ளார். நமது அன்றாட முடி பராமரிப்பு முறையில் நாம் செய்யும் அந்த முக்கியமான தவறைப் பற்றி இப்போது பார்ப்போம்.

சுடுநீரால் ஏற்படும் பேராபத்து!

 அலுவலகம் முடிந்து வீட்டிற்கு வந்ததும் அல்லது காலையில் எழுந்ததும் நல்ல சூடான தண்ணீரில் தலைக்கு குளிப்பது பலருக்கு மிகவும் பிடித்தமான ஒரு விஷயமாகும். ஆனால் இந்த சுடுநீர் நமது தலைமுடிக்கு மிகப்பெரிய எதிரி என்கிறார்கள் சரும நிபுணர்கள். நமது முடியின் மேல் படலத்தில் இருக்கும் க்யூட்டிக்கிள் என்ற பாதுகாப்பு அடுக்கை அதிகப்படியான வெப்பம் சிதைத்து விடுகிறது. இதனால் முடி தனது இயற்கையான ஈரப்பதத்தை இழந்து, மிகவும் வறண்டு போய் மிக எளிதாக உடைந்து உதிரத் தொடங்குகிறது.

ஸ்கால்ப் சுத்தம் செய்யும் முறை!

ஷாம்பூ போடும் போது பலரும் செய்யும் இன்னொரு பெரிய தப்பு, நகங்களை வைத்து தலையை வேகமாக சொறிந்து தேய்ப்பது தான். அப்படி செய்யாமல் நமது கை விரல்களின் நுனியை வைத்து மிகவும் மென்மையாக தலையின் வேர்க்கால்களை மசாஜ் செய்ய வேண்டும்.

குறிப்பாக கழுத்தின் பின் பகுதியில் இருக்கும் தலைப்பகுதியை பலரும் சுத்தம் செய்ய மறந்து விடுகிறார்கள். இதனால் அங்கு அழுக்கு சேர்ந்து பொடுகுத் தொல்லை அதிகமாகிறது. சரியான முறையில் மசாஜ் செய்வது தலையில் ரத்த ஓட்டத்தை அதிகரித்து முடியை வேகமாக வளரச் செய்யும்.

உப்புத் தண்ணீரின் தாக்கம்! 

நமது வீடுகளில் வரும் போர்வெல் அல்லது உப்புத் தண்ணீரில் குளிப்பதும் முடி உதிர்வுக்கு ஒரு மிக முக்கிய காரணமாகும். இந்த தண்ணீரில் இருக்கும் கால்சியம் மற்றும் மக்னீசியம் போன்ற தாதுக்கள் முடியின் மீது ஒரு படலமாகப் படிந்து முடியின் பளபளப்பை முற்றிலுமாக கெடுத்து விடுகிறது. இதிலிருந்து தப்பிக்க தலைக்கு குளித்து முடித்த பிறகு, கடைசியாக ஒரு முறை நல்ல சுத்தமான குடிப்பெருநீர் அல்லது ஃபில்டர் தண்ணீரை ஊற்றி அலசுவது மிகச் சிறந்த தீர்வாக அமையும்.

ஆயிரக்கணக்கில் காசை செலவு செய்து விலை உயர்ந்த ஷாம்பூ மற்றும் எண்ணெய்களை வாங்குவதால் மட்டும் எந்தப் பயனும் கிடைத்துவிடாது. தலைக்கு குளித்து முடிக்கும் போது கடைசியாக கொஞ்சம் குளிர்ந்த தண்ணீரை ஊற்றி அலசுவது முடியின் ஈரப்பதத்தை தடுத்து நிறுத்தி பட்டுப்போல பிரகாசிக்கச் செய்யும்.

நீடா அம்பானியின் ஸ்டைலிஸ்ட் கூறும் இந்த எளிய இயற்கையான முடி பராமரிப்பு முறையை இன்றே மாற்றி அமைத்து உங்களின் அழகான தலைமுடியை பத்திரமாக பாதுகாத்துக் கொள்ளுங்கள்.