சாப்பிடும்போதும் லிப்ஸ்டிக் கலையாமல் இருக்க சூப்பர் டிப்ஸ்!

கல்யாண பந்தியோ, நைட் பார்ட்டியோ... சாப்பாட்டைப் பார்த்ததும் வெளுத்து கட்டணும்னு ஆசை வரும். ஆனா, கஷ்டப்பட்டு போட்ட லிப்ஸ்டிக் அழிஞ்சிடுமே'னு பயம் வரும். இனி அந்த கவலையே வேண்டாம். வயிறார சாப்பிட்டாலும் உங்க லிப்ஸ்டிக் அப்படியே இருக்க, இதோ சில ஹேக்ஸ்.

1. வறண்ட, வெடிப்பான உதடுகளில் லிப்ஸ்டிக் போட்டால் சீக்கிரம் உதிர்ந்துவிடும். முதலில் மைல்டான ஸ்க்ரப் வைத்து உதடுகளை மசாஜ் செய்து, டெட் செல்ஸை நீக்குங்க.

2. ஸ்க்ரப் செய்த பின், நல்ல ஈரப்பதமான லிப் பாம் போட்டு ஒரு 5 நிமிடம் விடுங்க. அப்புறம் ஒரு டிஷ்யூ பேப்பரால் லேசாக ஒற்றி எடுங்கள்.

3. முகத்துக்கு ப்ரைமர் போடுவது போல, உதடுகளுக்கும் கொஞ்சம் ப்ரைமர் அல்லது கன்சீலர் வைத்தால் லிப்ஸ்டிக் ஸ்ட்ராங்காகப் பிடிக்கும்.

4. உதட்டுக்கு அவுட்லைன் மட்டும் கொடுக்காமல், உதடு முழுவதுமே லிப் லைனரால் கலர் பண்ணுங்க. இது ஒரு சூப்பர் பவுண்டேஷனா வேலை செய்யும்.

5. Glossy அல்லது க்ரீமியான லிப்ஸ்டிக் சாப்பிடும்போது ஈஸியா அழிஞ்சிடும். லாங்-லாஸ்டிங் லிப்ஸ்டிக் தான் சாப்பாட்டுக்குத் தாக்குப் பிடிக்கும்.

6. முதல் கோட் லிப்ஸ்டிக் போட்டதும், உதடுகளுக்கு நடுவில் ஒரு டிஷ்யூ பேப்பரை வைத்து லேசாக அழுத்தி, எக்ஸ்ட்ரா கலரை ஒற்றி எடுங்க.

7. இப்போ மறுபடியும் உதட்டின் மேல் அந்த டிஷ்யூவை வைத்து, அதன் மேலாக கொஞ்சம் செட்டிங் பவுடரை பிரஷ் பண்ணுங்க. கலர் அப்படியே 'செட்' ஆகிடும்.

8. பவுடர் போட்ட பிறகு, இறுதியாக இன்னொரு முறை மெல்லியதாக லிப்ஸ்டிக் அப்ளை பண்ணுங்க. அவ்வளவுதான், உங்க லிப்ஸ்டிக் இப்போ வாட்டர் ப்ரூஃப்.

9. Burger மாதிரி பெரிய வாயாக கடித்துச் சாப்பிடாமல், உணவைச் சின்னச் சின்ன பைட்-ஆக பிரித்து, உதட்டில் அதிகம் படாதவாறு சாப்பிடுங்க.

10. ஜூஸ், கூல்ட்ரிங்க்ஸ் அல்லது தண்ணீர் குடிக்கும்போது நேரடியாக கிளாஸில் குடிக்காமல், 'ஸ்ட்ரா' பயன்படுத்துவது லிப்ஸ்டிக் கலையாமல் காப்பாற்றும் ஸ்மார்ட் ஐடியா.

இந்த சின்னச் சின்ன ட்ரிக்ஸ் தெரிஞ்சா போதும், இனிமேல் எந்த பார்ட்டிக்குப் போனாலும் உங்க சாப்பாட்டையும் நீங்க என்ஜாய் பண்ணலாம், உங்க அழகும் துளி கூட குறையாமல் அப்படியே இருக்கும்.