எங்கு பார்த்தாலும் வைட் ஷூ.. இதை எப்படி ஸ்டைலாக அணிவது என தெரிந்து கொள்ளுங்கள்!

ஃபேஷன் உலகில் எத்தனையோ புதுப்புது ட்ரெண்டுகள் வந்து போனாலும் ஒரு சில விஷயங்கள் மட்டும் எப்போதுமே மக்களின் ஃபேவரைட் ஆக நிலைத்து நின்றுவிடும். அதில் ஒன்றுதான் இப்போது இளைஞர்கள் மத்தியில் மிகப்பெரிய பிரபலமாக இருக்கும் வெள்ளை நிற ஸ்னீக்கர்கள் (White Sneakers). கல்லூரிக்கு செல்லும் மாணவர்கள் முதல் பாலிவுட் சூப்பர் ஸ்டார்கள் வரை அனைவரது கால்களிலும் இந்த வெள்ளை நிற ஷூக்களை நாம் சர்வசாதாரணமாக பார்க்க முடிகிறது. 

இது ஏதோ ஒரு சிறிய ட்ரெண்ட் மட்டுமல்ல, ஒரு மிகப்பெரிய ஃபேஷன் புரட்சியாகவே மாறிவிட்டது. இப்படிப்பட்ட வெள்ளை ஸ்னீக்கர்கள் ஏன் இவ்வளவு பிரபலமாக இருக்கிறது என்பதையும், அதனை எப்படி எல்லாம் ஸ்டைலாக அணியலாம் என்பதையும் இந்தப் பதிவில் பார்க்கலாம்.

சிம்பிள் & மாஸ் லுக்!

இதன் அசுர வளர்ச்சிக்கு முக்கிய காரணம் எளிமை. இது எந்த ஒரு உடைக்கும் கச்சிதமாக பொருந்திப் போகும் ஒரு அற்புதமான காலணி. இன்றைய காலத்து இளைஞர்கள் அதிகப்படியான டிசைன்கள் இல்லாமல் மிகவும் சிம்பிளான அதேசமயம் ஒரு ராயல் லுக்கை கொடுக்கும் ஆடைகளையே அதிகம் விரும்புகிறார்கள். 

வெள்ளை நிறம் எப்போதுமே கண்களுக்கு உறுத்தலாக இல்லாமல் ஒரு அமைதியான மற்றும் ப்ரீமியம் தோற்றத்தை அள்ளித் தரும். நீங்கள் ஒரு சாதாரண ஜீன்ஸ் அணிந்திருந்தாலும் சரி அல்லது ஆபீஸுக்கு பார்மல் பேண்ட் அணிந்திருந்தாலும் சரி, அதோடு ஒரு வெள்ளை ஸ்னீக்கரை மாட்டிக் கொண்டால் உங்கள் ஒட்டுமொத்த தோற்றமும் பல மடங்கு அழகாக மாறிவிடும்.

ஸ்மார்ட்டாக ஸ்டைல் செய்யும் தந்திரங்கள்!

இதை பல விதங்களில் நாம் ஸ்டைல் செய்ய முடியும். சினிமா பிரபலங்களைப் போல ஏர்போர்ட்டில் ஸ்டைலாக நடந்து செல்ல நீங்கள் ஆசைப்பட்டால், ஒரு தளர்வான ஜாகர் மற்றும் பெரிய அளவிலான ஹூடி ஆடைகளை அணிந்து அதோடு இந்த ஸ்னீக்கர்களை இணைத்து அணியலாம். 

இது நீண்ட தூர பயணங்களுக்கு வசதியாக இருப்பதோடு ஒரு செம கூலான லுக்கை கொடுக்கும். அடுத்ததாக அலுவலகத்திற்கு சற்று வித்தியாசமாக செல்ல நினைப்பவர்கள், தங்களின் வழக்கமான சட்டையுடன் ஒரு சினோஸ் பேண்ட் மற்றும் இந்த வெள்ளை ஷூக்களை அணியலாம். இது பார்ப்பதற்கு ஒரு ஸ்மார்ட்டான செமி பார்மல் லுக்கை உங்களுக்குக் கொடுக்கும்.

வார இறுதி நாட்களில் நண்பர்களுடன் ஊர் சுற்ற கிளம்பும்போது இந்த வெள்ளை ஸ்னீக்கர்களை அணியும்போது பார்ப்பதற்கு மிகவும் துடிப்பான ஒரு தோற்றம் கிடைக்கும். அதேபோல இப்போது இருக்கும் இளம் பெண்கள் பலரும் நீளமான குர்தி மற்றும் ஜீன்ஸ் ஆடைகளுக்கு மேட்ச் ஆக இந்த ஷூக்களை அணிந்து ஒரு அட்டகாசமான இண்டோ வெஸ்டர்ன் லுக்கை உருவாக்குகிறார்கள். இது கூட்டத்தில் அவர்களை தனித்து மாஸாகக் காட்ட பெரிதும் உதவுகிறது.

ஃபேஷன் என்பதை தாண்டி இந்த ஸ்னீக்கர்கள் கொடுக்கும் அதீத சௌகரியம் தான் இதன் உண்மையான வெற்றிக்குக் காரணம். அணிவதற்கு எளிதாக இருப்பதாலும், நடக்கும்போது கால்களுக்கு எந்த ஒரு வலியும் தராமல் மென்மையாக இருப்பதாலும்தான் அனைவரும் இதை தேடிச் செல்கிறார்கள். வெள்ளை ஷூக்களை பராமரிப்பது சற்று கடினமான வேலை என்றாலும், அது கொடுக்கும் அந்த அட்டகாசமான லுக்குக்காக பலரும் அதை விரும்பி வாங்குகிறார்கள். 

ஏதேனும் பார்ட்டியாக இருந்தாலும் சரி, ஒரு சின்ன கெட் டுகெதர் என்றாலும் சரி, உங்களுக்கு என்ன உடை அணிவது என்ற குழப்பம் வரும்போது கண்ணை மூடிக்கொண்டு ஒரு வெள்ளை டீஷர்ட், ப்ளூ ஜீன்ஸ் மற்றும் இந்த ஒயிட் ஸ்னீக்கரை அணிந்து பாருங்கள். மொத்த கூட்டத்தின் பார்வையும் உங்கள் மீதுதான் இருக்கும். நீங்களும் உடனே உங்களுக்கான ஒரு ஜோடி வெள்ளை ஸ்னீக்கரை வாங்கி உங்கள் அன்றாட ஸ்டைலை அப்டேட் செய்து அசத்துங்கள்.