சில நாட்களில் உயிரை விடப் போகும் Army Ants வாழ்க்கை மர்மங்கள்!

இயற்கையின் உலகில் சில உயிரினங்கள் குழுவாக இணைந்தால் என்ன அளவுக்கு வல்லமை பெற முடியும் என்பதை Army Ants எனப்படும் இராணுவ எறும்புகள்  நிரூபிக்கின்றன. ஒற்றுமையால் கட்டுப்படுத்தப்பட்ட வாழ்க்கை, இயக்கம், வேட்டையாடல், பாதுகாப்பு  இவை அனைத்தையும் ஒருங்கிணைந்து  தங்கள் உடலால் உயிர்கூடு அமைத்து, ஆயிரக்கணக்கில் ஒரே தாளத்தில் நகரும் இவ்வினம், இயற்கையின் மிகப் பெரிய ‘நகரும் படை’ என்று சொல்லலாம்.

1. Army Ants யின் அறிமுகம்:  Army Ants என்பது Formicidae குடும்பத்தை சேர்ந்த, குழு வேட்டையில் சிறப்பு பெற்ற ஒரு எறும்பினம். இவை முக்கியமாக தென் அமெரிக்கா, மத்திய அமெரிக்கா, ஆப்ரிக்கா மற்றும் ஆசியா போன்ற வனப்பகுதிகளில் காணப்படுகின்றன. ஒவ்வொரு காலனியிலும் ஆயிரம் முதல் மில்லியன் வரையிலான எறும்புகள் இருப்பதால், இவை இயற்கையின் வலுவான சமூக அமைப்புகளுள் ஒன்றாகத் திகழ்கின்றன.

2. உயிர்கூடு (Bivouac): Army Ants-இன் மிக ஆச்சரியமான அம்சம் தங்கள் உடலால் உருவாக்கும் உயிர்கூடு (Living Nest) ஆகும். இந்தக் கூடு  மர வேர்கள் அல்லது பாறைகளின் இடைவெளிக்கு அடியில் அமைக்கப்படும். ஆயிரக்கணக்கான எறும்புகள் தங்கள் உடலைப் பின்னிப் பிணைந்து ஒரு சுவர், கூரை, பாதுகாப்பு வளையம் போல் உருவாக்குகின்றன இதன் உள்ளே ராணியும் முட்டைகளும் முழு பாதுகாப்புடன் இருக்கும். இது ஒரு உயிருடன் இருக்கும் “கட்டிடம்” இயற்கையின் பொறியியல் அதிசயம்.

3. இரு நிலைகளில் வாழும் தனித்தன்மை: 

A. Nomadic Phase (இடம்பெயரும் நிலை)

B. Stationary Phase (நிலைநிறுத்தப்பட்ட நிலை): 

4. குழு வேட்டையாடல்: Army Ants உலகின் மிகச் சிறந்த கூட்டுத்தாக்குதல் வேட்டையாளர்கள். இவை  பூச்சிகள், புழுக்கள், சிலந்திகள் போன்றவற்றை வலுவாக தாக்கும்.

5. ராணி:  Army Ants காலனியில் ராணி ஒரு மிகப்பெரிய பங்கு வகிக்கிறது. மிகப் பெரியது, நீண்ட உடலமைப்பு. ஒரே நாளில் 1,50,000 வரை முட்டைகள் இடும் திறன்.  முழு காலனியின் ஒற்றுமை மற்றும் வாழ்வின் மையப்புள்ளி. ராணியின் இருப்பே அந்த Army Ants சமூகத்தின் தொடர்ச்சிக்கான உயிர்க்கொடி.

6. பார்வை இல்லாமலே சுற்றும் வீரர்கள்: இந்த எறும்புகள் சுற்று வதற்கு காரணம் விரைவில் இறக்க போகிறது என்பது தான். கூட்டம் கூட்டமாக சென்று தன் வழியில் எது வந்தாலும் உயிரை எடுத்து விடும்.  பல Army Ants-க்கு கண் பார்வை  இல்லை. ஆனால் Pheromone trails மூலம் தன் பாதையை உணர்கின்றது. மற்ற  எறும்புகளின் இரசாயன வாசனையை  (பிரமோன்) வைத்து அதனை பின்தொடர்ந்து போகும். மற்ற எறும்புகளை  தேடுவதாக நினைத்து பாதை மாறி போகும் எறும்பு பின்னாலே அனைத்து எறும்புகளும் பின்தொடரும்.

இது பெரிய எறும்பு தொடர் வட்டமாகும். ஒரே இடத்திலேயே பல மணி நேரம் அல்லது பல நாட்கள் சுற்றி கொண்டே இருக்கும். இந்த வட்டத்திற்கு  death spiral என்று பெயர். ஏனெனில் உணவு இல்லாமல், ஓய்வு இல்லாமல் சுற்றுவதால் சோர்ந்து போய் இறந்து விடுகிறது.

Army Ants என்பது இயற்கையின் மிகச் சிறிய உருவாக்கங்களில் ஒன்று. ஆனால் அவற்றின் செயல்பாடு, ஒற்றுமை, மற்றும் அமைப்பு, மனித சமூகங்களின் ஒற்றுமைக்கே ஒரு முன்னுதாரணம். தங்கள் உடலால் கோட்டை கட்டும் திறன், ராணியை பாதுகாக்கும் அர்ப்பணிப்பு, குழுவாக வேட்டையாடும் அறிவு, இவை அனைத்தும் இயற்கையின் ஆச்சரிய கணக்கில் சேர்க்கத்தக்கவை.