Chilli Garlic Noodles: வேற லெவல் டேஸ்ட்! 

ரோட்டு கடையில சாப்பிடுற நூடுல்ஸ் டேஸ்ட்டே தனி தான் இல்லையா? அதுலயும் இந்த சில்லி கார்லிக் நூடுல்ஸ்னா நிறைய பேருக்கு ரொம்ப பிடிக்கும். அந்த ஸ்பைசியான டேஸ்ட்டும், பூண்டோட மணமும் சேரும்போது செம்மயா இருக்கும். அந்த டேஸ்ட்ட நம்ம வீட்லயே ரெஸ்டாரன்ட் ஸ்டைல்ல எப்படி ஈஸியா கொண்டு வர்றதுன்னுதான் இன்னைக்கு பார்க்க போறோம். வாங்க, இந்த சில்லி கார்லிக் நூடுல்ஸ் எப்படி செய்யுறதுன்னு பார்க்கலாம்.

தேவையான பொருட்கள்:

• நூடுல்ஸ் - 2 பாக்கெட்

• பூண்டு - 10-15 பல் 

• பச்சை மிளகாய் - 3

• வெங்காயம் - 1

• குடமிளகாய் - அரை கப்

• கேரட், முட்டைக்கோஸ் - கொஞ்சம் 

• சோயா சாஸ் - 1.5 டேபிள் ஸ்பூன்

• வினிகர் - 1 டீஸ்பூன்

• சில்லி சாஸ் - 1 டேபிள் ஸ்பூன்

• எண்ணெய் - 2 டேபிள் ஸ்பூன்

• உப்பு - தேவையான அளவு

• மிளகுத்தூள் - அரை டீஸ்பூன்

செய்முறை:

நூடுல்ஸ பாக்கெட்ல இருக்குற வழிமுறைகள் படி முதல்ல அத வேக வச்சுக்கோங்க. ரொம்ப குழைய விட்டுடாதீங்க. உதிரி உதிரியா இருக்கணும். வெந்ததும் தண்ணிய வடிகட்டிட்டு, கொஞ்சம் எண்ணெய் ஊத்தி கலந்து வச்சுக்கோங்க. அப்பதான் ஒட்டாம இருக்கும்.

இப்போ ஒரு பெரிய கடாய வச்சு நல்லா சூடு பண்ணுங்க. கடாய் நல்லா சூடானதும் எண்ணெய் ஊத்துங்க. எண்ணெய் சூடானதும், பொடியா நறுக்கின பூண்டை போட்டு நல்லா வாசனை வர வரைக்கும் வதக்குங்க. பூண்டு லைட்டா கலர் மாறணும். அடுப்பை மீடியம் ஹீட்ல வச்சுக்கோங்க.

பூண்டு வதங்கினதும், நறுக்கின பச்சை மிளகாய் சேர்த்து ஒரு நிமிஷம் வதக்குங்க. இப்போ நறுக்கின வெங்காயத்தை சேர்த்து கண்ணாடி பதம் வர்ற வரைக்கும் வதக்குங்க.

வெங்காயம் வதங்கினதும் குடமிளகாய், கேரட், முட்டைக்கோஸ் இந்த மாதிரி நீங்க சேர்க்குற எல்லா காய்கறியையும் சேர்த்து அடுப்பை ஹை ஹீட்ல வச்சு ஒரு ரெண்டு நிமிஷம் நல்லா வதக்குங்க. காய்கறி ரொம்ப வெந்துடக்கூடாது, கடிக்கும்போது ஒரு மொறுமொறுப்பு இருக்கணும்.

இப்போ சோயா சாஸ், வினிகர், சில்லி சாஸ் எல்லாத்தையும் சேர்த்து கடாயோட ஓரம் வழியா ஊத்தி டக்குனு கலந்து விடுங்க. ஒரு செகண்ட்ல கலந்துடும்.

அடுத்ததா நம்ம வேக வச்சு வச்ச நூடுல்ஸ கடாயில போடுங்க. தேவையான அளவு உப்பு, மிளகுத்தூள் சேருங்க. இப்போ கரண்டியால மெதுவா நூடுல்ஸும் காய்கறியும் சாஸும் ஒன்னு சேர்ற மாதிரி டாஸ் பண்ணி விடுங்க இல்லன்னா மெதுவா கிளறி விடுங்க. 

எல்லாத்துலயும் சாஸ் நல்லா கோட் ஆகணும். அடுப்பை ஹை ஹீட்லயே வச்சு ஒரு ரெண்டு நிமிஷம் பிரட்டுங்க. அப்பதான் அந்த ரெஸ்டாரன்ட் டேஸ்ட் வரும்.

சூப்பரான, ரெஸ்டாரன்ட் ஸ்டைல் சில்லி கார்லிக் நூடுல்ஸ் ரெடி. கண்டிப்பா உங்களுக்கு ரொம்ப பிடிக்கும்னு நம்புறேன். முயற்சி பண்ணி பாருங்க.