இந்த 7 அறிகுறிகள் இருந்தால் நீங்கள் உணவுக்கு அடிமையாகி விட்டீர்கள் என அர்த்தம்! 

உணவு நம் உடலுக்கு ஊட்டம் அளிப்பதுடன் மனதிற்கு இன்பத்தையும் தருகிறது. ஆனால் சிலருக்கு உணவு என்பது தேவை மட்டுமல்ல, ஒரு அடிமைத்தனமாக மாறிவிடுகிறது. உணவு அடிமைத்தனம் என்பது உணவு உண்பதை கட்டுப்படுத்த இயலாமை, உணவு குறித்த கவலை மற்றும் உணவு உட்கொள்வதால் ஏற்படும் குற்ற உணர்வு போன்ற பல்வேறு சிக்கல்களைக் கொண்ட ஒரு மனநலப் பிரச்சினை. இந்தப் பதிவில் உணவு அடிமைத்தனத்தில் 7 முக்கிய அறிகுறிகள் பற்றி விரிவாகக் காண்போம்.

உணவு அடிமைத்தனத்தின் 7 முக்கிய அறிகுறிகள்:

1. உணவைக் கட்டுப்படுத்த இயலாமை: உணவு உட்கொள்வதை நிறுத்த முடியாமல் போவது அதிக அளவில் உணவு உண்பது மற்றும் குறிப்பிட்ட உணவுகளைத் தவிர்ப்பது போன்றவை உணவு அடிமைத்தனத்தின் முக்கிய அறிகுறிகளாகும். 

2. உணவு குறித்த கவலை: எப்போதும் அதிகமாக உணவு உண்பது குறித்து கவலைப்படுவது, உணவு பற்றி எண்ணங்கள் மனதில் இருந்து விலகாமல் இருப்பது போன்றவை இந்தப் பிரச்சனையின் அறிகுறிகள்.‌

3. உணவு உட்கொள்வதால் ஏற்படும் குற்ற உணர்வு: அதிகமாக உணவு உண்பதற்காக தன்னைத்தானே குறை சொல்லிக் கொள்வது, உடல் எடையைக் குறைக்க முடியாமல் வருதப்படுவது போன்றவை உணவு அடிமைத்தனத்தின் பொதுவான அறிகுறிகள்.

4. அதிக எடை குறித்த கவலை: தன்னை மற்றவர்களுடன் ஒப்பிட்டுப் பார்த்து தன் உடல் எடையைக் குறைத்துக்கொள்ள வேண்டும் என்ற எண்ணம் தொடர்ந்து இருக்கும்.

5. மனச்சோர்வு: உணவு அடிமைத்தனம் உள்ளவர்கள் பெரும்பாலும் மனச்சோர்வு, பதட்டம் மற்றும் மன அழுத்தம் போன்ற உணர்ச்சி ரீதியான பிரச்சினைகளை எதிர்கொள்வார்கள்.

6. சமூக வாழ்க்கையில் பங்கேற்கும் ஆர்வமின்மை: உணவு குறித்த அதிக கவலை காரணமாக நண்பர்கள், குடும்பத்தினருடன் செலவிடும் நேரம் குறைந்து, தங்களைத் தனிமைப்படுத்திக் கொள்ளும் போக்கு அதிகரிக்கும். 

7. உடல்நலப் பிரச்சனைகள்: உணவு அடிமைத்தனம் நீண்ட காலமாக நீடித்தால், உடல் எடை அதிகரிப்பு, இதய நோய், நீரிழிவு நோய் மற்றும் செரிமானக் கோளாறுகள் போன்ற பல்வேறு உடல்நலப் பிரச்சினைகள் ஏற்படலாம்.

உணவு அடிமைத்தனம் ஏற்படுவதற்கு பல்வேறு காரணங்கள் இருக்கலாம். இவற்றில் மரபியல் காரணங்கள், உளவியல் காரணங்கள், சமூகக் காரணிகள் மற்றும் உணவுப் பழக்கங்கள் போன்றவை முக்கிய அங்கம் வகிக்கின்றன. இந்த உணவு அடிமைத்தனத்தை வெற்றிகரமாகக் கையாள மருத்துவ மற்றும் உளவியல் சிகிச்சைகள் அவசியம். இவற்றுடன் தனிநபர்கள் மேற்கொள்ளும் சில வாழ்க்கைமுறை மாற்றங்களும் முக்கியமானவை. 

உணவு அடிமைத்தனம் என்பது ஒரு சிகிச்சை அளிக்கக்கூடிய பிரச்சனை. ஆரம்பகட்டத்திலேயே இந்த பிரச்சனையைக் கண்டறிந்து சரியான சிகிச்சை எடுத்துக் கொள்வதன் மூலம், நாம் நம் வாழ்க்கையை மீண்டும் இயல்பு நிலைக்குக் கொண்டு வரலாம். உணவு அடிமைத்தனத்திலிருந்து மீள்வதற்கு ஒருவருக்கு உறுதியான மனநிலை மிகவும் முக்கியம். தன்னம்பிக்கையுடன் தொடர்ச்சியாக முயற்சித்தால், இந்தப் பிரச்சனையை வெல்ல முடியும்.