உருளைக்கிழங்கை இனி இப்படி வேகவைங்க.. டேஸ்ட் சும்மா அள்ளும்!

Potato boiling tips: குழந்தைகள் முதல் பெரியவர்கள் வரை அனைவருக்கும் எப்போதுமே மிகவும் பிடித்தமான ஒரு காய்கறி என்றால் அது உருளைக்கிழங்கு தான். பூரி கிழங்கு, குருமா, பரோட்டா, பிரைடு ரைஸ், சாட் ஐட்டங்கள் என பல வகையான உணவுகளில் இதன் ஆதிக்கம் மிக மிக அதிகம். விலை குறைவு மற்றும் சமைக்க எளிது என்பதால் இது அனைவரின் விருப்பமான தேர்வாக இருக்கிறது. 

ஆனால், இந்த காயை சரியாக வேகவைப்பது என்பது பலருக்கும் ஒரு பெரிய சவாலாகவே உள்ளது. சில நேரங்களில் காய் மிகவும் குழைந்து மாவு போல ஆகிவிடும், இல்லை என்றால் தோலை உரிக்கவே மிகவும் கஷ்டமாக இருக்கும். இந்தப் பிரச்சனைகளைத் தவிர்க்க, சமையல் நிபுணர்கள் சில அட்டகாசமான தந்திரங்களைக் கூறுகிறார்கள்.

உப்பு சேர்த்தால் போதும்!

காயை வேகவைக்கும் போது நாம் செய்யும் முதல் பெரிய தவறு வெறும் தண்ணீரை மட்டும் பயன்படுத்துவது தான். தண்ணீரில் சிறிதளவு கல் உப்பு சேர்த்து உருளைக்கிழங்கை வேகவைப்பது மிகவும் சிறந்த ஒரு முறையாகும். இப்படி செய்வதால் உப்பானது காயின் உள்ளே ஆழமாகச் சென்று அதன் இயல்பான சுவையை பலமடங்கு அதிகரிக்கும்.

அதுமட்டுமில்லாமல், காய் முழுமையாக வெந்த பிறகு அதன் தோலை எந்த ஒரு சிரமமும் இல்லாமல் மிக எளிதாக உரித்து எடுக்க இந்த உப்பு கலந்த தண்ணீர் பெரிதும் உதவுகிறது.

எண்ணெய் மற்றும் எலுமிச்சை சாறு!

குக்கரில் வேகவைக்கும் போது வெறும் தண்ணீரோடு ஒரு ஸ்பூன் சமையல் எண்ணெய் சேர்த்துப் பாருங்கள். இந்த எண்ணெய் காயின் மீது ஒரு மெல்லிய பாதுகாப்பு படலம் போல படிந்து, காய் அளவுக்கு அதிகமாக வெந்து உடைந்து போவதை தடுத்து நிறுத்தும். கட்லெட் அல்லது டிக்கி போன்ற உணவுகள் செய்ய இது மிகவும் உதவும்.

அதேபோல, கொதிக்கும் தண்ணீரில் சில சொட்டுகள் எலுமிச்சை சாறு பிழிந்து விட்டால், வெந்த பிறகு காயின் நிறம் கருமையாக மாறாமல் அப்படியே பிரெஷ்ஷாக இருக்கும். சலாட் போன்ற உணவுகள் செய்யும் போது இந்த டெக்னிக் கைகொடுக்கும்.

பிரியாணி இலை மற்றும் வினிகர்!

பிரியாணி இலை அசைவ உணவுகளுக்கு மட்டும் உரிய ஒரு பொருள் கிடையாது. காய் வேகவைக்கும் தண்ணீரில் ஓரிரண்டு பிரியாணி இலைகளை போட்டு வேகவைத்தால், அதிலிருந்து வரும் அருமையான நறுமணம் காய் முழுவதும் பரவி உணவுக்கே ஒரு தனித்துவமான மணத்தை கொடுக்கும்.

பிரெஞ்ச் பிரைஸ் மாதிரி மிகவும் கிரிஸ்பியான உணவுகள் செய்ய நினைத்தால், வேகவைக்கும் போது கொஞ்சமாக வினிகர் சேர்த்துக்கொள்ளுங்கள். இது காயின் வெளிப்பகுதியை நல்ல உறுதியாக மாற்றி, அதன் வடிவத்தை அப்படியே தக்கவைக்க ஒரு சூப்பரான வழிகாட்டியாக இருக்கும்.

இவ்வளவு நாட்களாக நாம் சாதாரண தண்ணீரைக் கொண்டு மட்டுமே காயை வேகவைத்து பழகிவிட்டோம். ஆனால், இனிமேல் சமையல் செய்யும் போது மேலே சொன்ன இந்தத் தந்திரங்களை உங்களின் தேவைக்கு ஏற்ப அவ்வப்போது பயன்படுத்திப் பாருங்கள். உங்களின் சமையல் சுவை மட்டுமல்ல, அதைச் சாப்பிடும் குடும்ப உறுப்பினர்களின் பாராட்டும் நிச்சயம் அதிகரிக்கும்.