மதியம் வரை தயிர் சாதம் புளிக்கக் கூடாதா? தயிருடன் இந்த 1 பொருளைச் சேர்த்துப் பாருங்க!

தயிர் சாதத்தை அனைவரும் விரும்பி உண்பதற்கு காரணம் அது எளிதில் செரிக்கும் தன்மை உடையது என்பதுதான். மேலும் சாப்பிடாத குழந்தைகளை எளிதில் சாப்பிட வைப்பதற்கு தயிர் சாதம் மிகவும் உதவிகரமாக இருக்கும். 

விருந்துகளில் வீடுகளில் எவ்வளவு வகையான விதவிதமான உணவுகளை உண்டாலும் கடைசியில் தயிர் சாதம் சாப்பிடவில்லை என்றால் யாருக்கும் திருப்தி ஏற்படாது. சிலருக்கு தயிர்சாதம் குழைவாக இருந்தால் சாப்பிட பிடிக்காது. சாப்பிடுவதை தவிர்த்து விடுவார்கள். அப்படி தயிர் சதத்தை வீட்டில் சாப்பிடுவதற்கும், வெளியிலும் எடுத்துச் செல்வதற்கும் புளிக்காமல் குழையாமல் செய்வது எப்படி? என்பதோடு அருமையாக செய்யும் முறையைப் பற்றி இப்பதிவில் காண்போம். 

முதலாவதாக தயிர் சாதம் கிளறுவதற்கு வேண்டிய சாதத்தை வடித்த உடன் ஒரு அகலமான தட்டில் கொட்டி நன்றாக ஆற வைத்து விட வேண்டும். பின்னர் ஒரு பங்கு சாதத்திற்கு இரண்டு பங்கு காய்ச்சி ஆறவைத்த பாலை அதனுடன் கலக்க வேண்டும்.

வெறும் தயிர் மட்டும் சேர்த்துப் பிசைந்தால் சிறிது நேரத்திலேயே சாதம் தயிரை உறிஞ்சி கெட்டியாகி, புளிப்புச் சுவை அதிகமாகிவிடும். அதற்குப் பதிலாக பாலை இப்படி கலந்து செய்யும் பொழுது பால் சாதத்தை மிருதுவாகவும், மாலை வரை புளிக்காமலும் வைத்திருக்கும்.

கூடவே காய்ச்சி ஆற வைத்த தண்ணீர் அல்லது குளிர்ந்த தண்ணீரை அவற்றுடன் சேர்த்து உப்பு போட்டு கலந்து கொள்ள வேண்டும். சாதம் ஊற ஊறத் தண்ணீரை உறிஞ்சிக் கொள்ளும் என்பதால் ஆரம்பத்தில் சற்று தளர்வாக பிசைந்தால் தான் சாப்பிடும் போது கெட்டியாகாமல் சரியான பதத்திற்கு இருக்கும். பின்னர் கடைசியாக ஒன்று அல்லது இரண்டு டேபிள் ஸ்பூன் கெட்டி தயிர் மட்டும் சேர்த்து பிசைந்து தயிர் சாதத்தை தயார் செய்ய வேண்டும்.

இப்படி தயார் செய்யும் பொழுது தயிர் சாதம் மதியம் சாப்பிடும் நேரத்திற்கு சரியான பதத்திற்கு உறைந்து புளிக்காமல் குழையாமல் கெட்டிப்படாமல் சாப்பிட ருசியாக இருக்கும்.இப்படி தயார் செய்து வைத்த பிறகு தாளிப்பது மிக அவசியம். சிலர் தாளிக்காமலும் சாப்பிடுவது உண்டு. ஆனால் தாளிதமில்லாமல் எதுவும் நிறைவு பெறாது. அந்த தாளிப்பு தான் இந்த தயிர் சாதத்திற்கு அருமையான மணத்தையும் சுவையையும் கூட்டி தருவது ஆதலால் தாளிப்பு அவசியம். 

தாளித்தல்: 

ஒரு கடாயில் தேவையான அளவு எண்ணெய் விட்டு எண்ணெய் காய்ந்ததும் கடுகு, உளுத்தம் பருப்பு, கடலைப்பருப்பு, வேர்க்கடலை, இஞ்சி, பச்சை மிளகாய், கறிவேப்பிலை, தனியா, பெருங்காயம் சேர்த்து தாளித்து தயாராக வைத்திருக்கும் சாதத்தில் கொட்டி கிளறி விடவும். இது தயிர் சாதத்திற்கு அருமையான வாசனையையும் கூடுதல் சுவையையும் ஏற்படுத்தும். தயிர் சாதம் சாப்பிடாதவர்களும் விரும்பி சாப்பிடுவார்.

முக்கியமான குறிப்புகள்:

சாதத்தை ஆறவிடுவது அவசியம்:

சூடான சாதத்தில் தயிரைச் சேர்த்தால், தயிர் உடனே திரிந்து (Curdle) புளித்துப் போவதுடன், சாதம் இறுகி கெட்டியாகிவிடும். எனவே, சாதத்தை வடித்தவுடன் ஒரு தட்டில் கொட்டி ஆற வைத்துவிட வேண்டும். 

மிருதுவாக:

அதற்குப் பதிலாக, 1 பங்கு சாதத்திற்கு 2 பங்கு காய்ச்சி ஆறவைத்த பால் சேர்த்துக் கலக்கவும்.

குளிர்ந்த நீர் சேர்ப்பது:

பால் மற்றும் தயிர் கலந்த பிறகு, சாதம் சற்றுத் தளர்வாக (Loose consistency) இருக்கும்படி சிறிதளவு குளிர்ந்த நீர் (அல்லது காய்ச்சி ஆறவைத்த நீர்) சேர்த்துக் கிளறவும்.

தயிர் சேர்க்கும் நேரம்: 

நீங்கள் காலையிலேயே மதிய உணவிற்காக (Lunch Box) தயிர் சாதம் கட்டுகிறீர்கள் என்றால், அதிகமாகத் தயிர் சேர்க்க வேண்டாம். சாதத்தைக் காய்ச்சி ஆறவைத்த பாலில் உப்பு சேர்த்துக் குழைத்துவிட்டு, கடைசியாக 1 அல்லது 2 டேபிள் ஸ்பூன் கெட்டித் தயிர் மட்டும் சேர்த்துப் பிசைந்து கட்டவும். 

விருப்பப்படுபவர்கள் தாளிதத்தில் நெய் சேர்த்துக் கொள்ளலாம். இந்தக் குறிப்புகளை பயன்படுத்தி தயிர் சாதத்தை குழையாமல் புளிக்காமல் செய்து அசத்தலாம். இந்த குறிப்புகளை தெரிந்து வைத்துக் கொண்டால் புதிதாக சமைப்பவர்களுக்கு எளிதாக இருக்கும். 

மாலை வரை கெட்டியாகாமல், நீர்த்துப் போகாமல், கல்யாண வீட்டு மணத்தோடு தயிர் சாதம் தயார் செய்யும் சரியான அனுபவப் பக்கம்.