தூங்குவதற்கு முன் 10 நிமிடம் செலவழித்தால் உங்கள் வீட்டின் தோற்றமே மாறிவிடும்!

காலை எழும்போது வீடு அழகாக இருந்தால் அன்றைய நாள் முழுவதும் மகிழ்ச்சியாக இருக்கும். இதற்கு மினிமலிசம் (Minimalism) முறையைப் பின்பற்றுபவர்கள் இரவில் சில எளிய விஷயங்களைச் செய்கிறார்கள். அதிக நேரம் எடுக்காமல் தூங்குவதற்கு முன் ஒரு 10 நிமிடங்கள் ஒதுக்கினால் போதும், அடுத்த நாள் காலை மிகவும் புத்துணர்ச்சியாகத் தொடங்கும்.

நுழைவாயில் மற்றும் சமையலறையை சீரமைக்கவும்!

வீட்டின் நுழைவாயில் எப்போதுமே குழப்பமாக இருக்கக் கூடாது. சாவிகள், புத்தகங்கள் போன்றவை அதற்கான அதற்கான வைக்க வேண்டும். காலணிகளைச் சரியாக அடுக்கி வைப்பது வீட்டின் முதல் தோற்றத்தை அழகாக்கும். இதைச் செய்ய வெறும் 2 நிமிடங்கள் மட்டுமே ஆகும்.

அடுத்ததாகச் சமையலறை மேடைகளைச் சுத்தம் செய்வது மிகவும் முக்கியம். சிதறிக் கிடக்கும் தட்டுகள் மற்றும் பொருட்களை அதன் இடத்தில் வைக்க வேண்டும்.  சமையலறை மேடைகளைத் தினமும் சுத்தம் செய்ய வேண்டும். பாத்திரங்களைக் கழுவி வைப்பதன் மூலம் மறுநாள் காலை வேலையை மிக எளிதாக்க முடியும்.

துணி துவைப்பது!

துணிகளை அங்கங்கு வீசி எறியாமல் ஒரு சிறிய கூடையில் அழகாகச் சேகரித்து வைக்க வேண்டும். வாஷிங் மெஷின் அருகில் ஒரு கூடையை வைத்து அதிலே அழுக்குத் துணிகளைப் போடும் பழக்கத்தை ஏற்படுத்திக் கொள்ளலாம். 

இந்தச் சிறிய செயல் அடுத்த நாளுக்கான துவைக்கும் வேலையை மிகவும் எளிதாக்கும். பார்ப்பதற்கும் இடம் நேர்த்தியாக இருக்கும். இது உங்கள் நேரத்தை மிச்சப்படுத்துவதோடு மட்டுமல்லாமல், வீட்டின் அழகையும் எந்த வகையிலும் கெடுக்காமல் பாதுகாக்கும்.

தேவையற்ற பொருட்களை அகற்றுங்கள்!

இரவு தூங்குவதற்கு முன் வீட்டை கொஞ்சம் நோட்டம் விடுங்கள். எந்தெந்தப் பொருட்கள் அதற்கான இடத்தில் இல்லை என்பதைக் கவனித்து அவற்றை அப்புறப்படுத்துங்கள். குழந்தைகளின் பொம்மைகள், புத்தகங்கள் மற்றும் சிற்றுண்டி கிண்ணங்களை உடனுக்குடன் அந்தந்த இடங்களில் வைக்க வேண்டும். தினமும் ஒரு 5 நிமிடம் இதைச் செய்வதன் மூலம் வீட்டின் அழகு கூடும். தேவையற்ற பொருட்களை உடனுக்குடன் அகற்றுவது உங்கள் மனதிற்கும் பெரிய நிம்மதியைத் தரும்.

நீங்கள் பெரிய அளவில் வீட்டைச் சுத்தம் செய்ய வேண்டியதில்லை. எதை நாம் ஒதுக்கலாம், எதைக் குறைத்துக்கொள்ளலாம் என்று சிந்தித்தாலே போதும். இது போன்ற சிந்தனைகளைத் தினமும் இரவில் உங்களுக்குள் வளர்த்துக்கொள்வது, அடுத்த முறை வீட்டை ஒழுங்கமைக்கும் போது சிறந்த யோசனைகளைத் தரும். குறைவான பொருட்களைக் கொண்டு அழகாக வாழ்வதே மினிமலிசம் வாழ்வியலின் மிக முக்கிய தத்துவமாகும்.

மன அமைதியைத் தரும் இரவு நேரப் பழக்கங்கள்!

இது போன்ற சிறு சிறு வேலைகளைத் தினமும் செய்வதால், வீடு எப்போதும் ஒழுங்காகவே இருக்கும். நீங்கள் பெரிதாக மெனக்கெட்டு வார இறுதியில் சுத்தம் செய்ய வேண்டிய அவசியம் இருக்காது. மேலும், உங்களுக்குத் தேவையற்ற பொருட்கள் எவை என்பதை எளிதாக அடையாளம் காண முடியும். இந்த பழக்கம் உங்களை சோர்வடைய செய்யாமல், தினமும் ஒரு நேர்மறையான ஆற்றலை உங்களை சுற்றி உருவாக்கும்.

இரவு நேரங்களில் இப்படிப் பொருட்களைச் சீரமைப்பதால் உங்களின் மன அழுத்தத்தை வெகுவாகக் குறைக்கும். காலை எழுந்தவுடன் நேர்த்தியான ஒரு அறையைப் பார்ப்பது உங்கள் மூளைக்குப் புத்துணர்ச்சியைக் கொடுக்கும். பலரும் இந்த எளிய தந்திரத்தைத் தான் தங்களின் வாழ்க்கையை மேம்படுத்தப் பயன்படுத்துகிறார்கள். நீங்களும் இதை ஒரு தினசரி வழக்கமாக மாற்றிக் கொண்டால் நிச்சயம் பல சிறப்பான நன்மைகளை நீங்கள் அடையலாம்.

ஒரு நாளைக்கு வெறும் 10 முதல் 15 நிமிடங்கள் இந்த எளிய வழிமுறைகளைப் பின்பற்றினால் பெரிய மாற்றத்தைக் காணலாம். காலை நேரத்தில் ஏற்படும் தேவையற்ற பதற்றத்தைத் தவிர்க்க இதுவே சிறந்த வழியாகும். இந்த அற்புதமான மினிமலிசம் தத்துவத்தைப் பின்பற்றி, என்றும் கலையாத ஒரு சுத்தமான வீடு என்ற இலக்கை நீங்களும் மிக எளிதாகப் பெறலாம்.