காலையில் எழுந்ததும் இதை செய்யுங்க… உங்க வாழ்க்கையே மாறிடும் பாருங்க!

நாம் அனைவரும் காலையில் எழுந்ததும் இன்று நிறைய வேலை செய்ய வேண்டும் என்று நினைப்போம். ஆனால் மொபைலில் வரும் 1 நோட்டிபிகேஷன் நமது முழு நாளையும் கெடுத்துவிடும். யூடியூப், இன்ஸ்டாகிராம் வீடியோக்களைப் பார்த்து மணிக்கணக்கில் நேரத்தை வீணாக்குவோம். இது நமது மூளையின் சோம்பேறித்தனம் கிடையாது. உடனடி மகிழ்ச்சியைத் தேடும் மூளையின் ஒருவிதமான செயல்பாடு ஆகும். 

இதைச் சரியாகக் கையாள, வாழ்க்கையில் வெற்றி பெற ஒரு முறையான நேர நிர்வாகம் நமக்கு மிகவும் அவசியமாகும். பலரும் தங்களை அறியாமலேயே தங்களின் பொன்னான காலத்தை இணையத்தில் செலவிட்டு வருகிறார்கள்.

தடைகளை நீக்கும் யுக்தி!

நமது மூளை எப்போதுமே உடனடியாக மகிழ்ச்சி தரும் சுலபமான விஷயங்களை மட்டுமே செய்ய விரும்பும். அதனால்தான் படிப்பு அல்லது அலுவல் வேலை நமக்கு மிகவும் கடினமாகத் தோன்றுகிறது. இதைத் தவிர்க்க கவனத்தைச் சிதறடிக்கும் மொபைல் போன்ற டிஜிட்டல் பொருட்களை வேறு அறையில் வைத்துவிடுவது நல்லது. 

அதேசமயம் உங்களுக்குத் தேவையான லேப்டாப் மற்றும் புத்தகங்களை மிக எளிதாக எடுக்கும்படி தயார் நிலையில் வைத்திருக்க வேண்டும். தடைகளை நீக்கினால் வெற்றி எளிதாகும் என்று பல முன்னணி எழுத்தாளர்கள் தங்களின் புத்தகங்களில் குறிப்பிட்டுள்ளார்கள்.

தொடங்குவதே முதல் வெற்றி!

எந்தவொரு வேலையாக இருந்தாலும் அதைத் தொடங்குவதுதான் மிகவும் கடினமான பகுதியாகும். ஜிம்முக்கு செல்வது முதல் ஆபீஸ் வேலையைச் செய்வது வரை முதல் அடி எடுத்து வைப்பது சிரமமாக இருக்கும். எனவே 5 மணி நேரம் வேலை செய்ய வேண்டும் என்று மலைக்காமல் வெறும் 5 நிமிடம் மட்டும் வேலை செய்வோம் எனத் தொடங்குங்கள். 

அந்த 5 நிமிடம் தானாகவே 90 நிமிடங்களாக மாறிவிடும். மனித உளவியல்படி வேலையைத் தொடங்கத் தேவைப்படும் அந்த ஆரம்ப ஆற்றல் தான் மிகப் பெரிய தடையாகும். அதைத் தாண்டிவிட்டால் எல்லாம் சுலபமாகிவிடும்.

போலி வேலைகளைத் தவிருங்கள்! 

சிலர் தங்களின் மேசையைச் சுத்தம் செய்வது மற்றும் புதிய ஆப்ஸ்களை டவுன்லோட் செய்வதை ஒரு பெரிய வேலை என்று நினைப்பார்கள். ஆனால் அது உண்மையான முன்னேற்றத்தைத் தராது. மேலும் ஒரே நேரத்தில் பல வேலைகளைச் செய்யும் மல்டிடாஸ்கிங் முறையை முற்றிலுமாகத் தவிர்க்க வேண்டும்.

நமது மூளையால் ஒரே நேரத்தில் 4 வேலைகளைச் சிறப்பாகச் செய்யவே முடியாது. ஒரு நேரத்தில் ஒரு வேலை மட்டுமே செய்ய வேண்டும். தொடர்ந்து பல வேலைகளுக்குத் தாவும்போது மூளை சீக்கிரமாகவே சோர்ந்துவிடுகிறது என மருத்துவ ஆய்வுகள் கூறுகின்றன.

கவனத்தைக் குவிப்பது எப்படி!

வேலை செய்யும்போது வரும் நோட்டிபிகேஷன்கள் நமது கவனத்தை முழுமையாகச் சிதறடித்துவிடும். நீங்கள் அதைத் திறக்கவில்லை என்றாலும் மூளை அதைப்பற்றியே சிந்திக்கும். இதனால் உங்களின் கவனம் மீண்டும் திரும்புவதற்குப் பல நிமிடங்கள் வீணாகும். 

எனவே வேலை செய்யும் அறையில் எந்தவித சத்தமும் இல்லாமல் அமைதியாக வைத்துக்கொள்ளுங்கள். தொடர்ந்து 1 மணி நேரம் வேலை செய்த பிறகு எழுந்து சென்று சிறிது தூரம் நடப்பது நல்ல புத்துணர்ச்சியைத் தரும். இந்த முறைக்கு பொமோடோரோ (Pomodoro) டெக்னிக் என்று பெயர். இது உங்களின் உற்பத்தித் திறனை பல மடங்கு அதிகரிக்கும்.

மோட்டிவேஷன் வரும் வரை காத்திருக்காமல் உங்களுக்கான ஒரு சரியான சிஸ்டமை உருவாக்குங்கள். மிகவும் சுறுசுறுப்பாக வேலை செய்பவர்கள் எப்போதுமே அமைதியாக இருப்பார்கள். ஏனென்றால் அவர்கள் எந்த நேரத்திலும் சிறந்த நேர நிர்வாகம் முறைகளைப் பின்பற்றித் தங்களின் வேலைகளைச் சுலபமாக முடித்துவிடுவார்கள். 

இனிமேல் நீங்களும் இந்த எளிய நடைமுறைகளைப் பின்பற்றினால் தினசரி 4 மணி நேரத்திலேயே உங்களின் அனைத்து முக்கிய வேலைகளையும் வெற்றிகரமாக முடித்துவிட முடியும். இதைத் தொடர்ந்து செய்து வந்தால் நீங்களும் மிகப்பெரிய வெற்றியாளராக மாறுவது உறுதி.