ராத்திரி 12 மணிக்கு மேல பெண்கள் கூகுளில் தேடுவது இதைத்தானா? வெளியான சுவாரஸ்ய ரிப்போர்ட்!

இன்றைய காலக்கட்டத்தில் நமக்கு ஒரு சந்தேகம் வந்தால், பக்கத்து வீட்டுக்காரரையோ அல்லது நண்பரையோ கேட்பதில்லை. எடுத்தவுடனே கையில் இருக்கும் போனைக் கையில் எடுத்து, "கூகுள் ஆண்டவரே... இதுக்கு என்ன பதில்?" என்று டைப் செய்ய ஆரம்பித்துவிடுகிறோம். 

சமையல் குறிப்பு முதல் சாட்டிலைட் வரை எல்லாவற்றிற்கும் கூகுளிடம்தான் பதில் இருக்கிறது. உலகம் முழுவதும் கோடிக்கணக்கான மக்கள் பல விஷயங்களைத் தேடினாலும், இரவு நேரத்தில் பெண்கள் எதைத் தேடுகிறார்கள் என்பது பற்றிய ஒரு சுவாரஸ்யமான தகவல் வெளியாகியிருக்கிறது.

அழகுக்குத் தான் முதலிடம்!

பெண்கள் என்றாலே அழகுதான். பகல் முழுவதும் வேலை, படிப்பு என்று பிஸியாக இருக்கும் பெண்கள், இரவு நேரத்தில்தான் தங்களுக்கான நேரத்தை ஒதுக்குகிறார்கள். கூகுளில் அதிகம் தேடப்பட்ட விஷயங்களில் முதலிடம் பிடிப்பது 'அழகுக்குறிப்புகள்' தான். "முகப்பருவை ஒரே நாளில் விரட்டுவது எப்படி?", "கூந்தல் அடர்த்தியாக வளர பாட்டி வைத்தியம் என்ன?", "இப்போதைய மேக்கப் ட்ரெண்ட் என்ன?" என்பது போன்ற கேள்விகள்தான் இரவு நேர கூகுள் சர்ச்சை ஆக்கிரமிக்கின்றன. தங்களை எப்படி இன்னும் அழகாகக் காட்டிக்கொள்வது என்பதில் பெண்களுக்கு எப்போதும் ஒரு தனி அக்கறை உண்டு.

மன அழுத்தத்தைக் குறைக்கும் 'ஆன்லைன் ஷாப்பிங்'

பல பெண்களுக்கு 'ஷாப்பிங்' என்பது வெறும் பொருட்கள் வாங்குவது மட்டுமல்ல; அது ஒரு 'ஸ்ட்ரெஸ் பஸ்டர்'. மனசு சரியில்லை என்றாலோ அல்லது பதற்றமாக இருந்தாலோ, அமைதியாக உட்கார்ந்து ஆன்லைன் ஷாப்பிங் தளங்களை நோட்டமிடுவது அவர்களுக்கு ஒரு தற்காலிக மகிழ்ச்சியைத் தருகிறதாம். 

புதுப் புடவைகள், காஸ்மெடிக்ஸ், கேட்ஜெட்கள் என்று பலவற்றையும் அலசி ஆராய்ந்து, அதை 'Cart’-ல் போட்டு வைப்பதே அவர்களுக்கு ஒரு பொழுதுபோக்கு. விலை குறைந்து இருக்கிறதா, மற்றவர்கள் என்ன ரிவ்யூ கொடுத்திருக்கிறார்கள் என்பதையெல்லாம் இரவில் நிதானமாகப் பார்க்கிறார்கள்.

எதிர்காலம் மற்றும் ஆரோக்கியம்!

வெறும் அழகு, ஷாப்பிங் மட்டுமல்லாமல், இன்றைய பெண்கள் தங்கள் வாழ்க்கைத் தரம் குறித்தும் மிகவும் விழிப்புணர்வுடன் இருக்கிறார்கள். "அடுத்த கட்டத்திற்கு எப்படி முன்னேறுவது?", "புதிய தொழில் வாய்ப்புகள் என்ன?" போன்ற ஆன்லைன் படிப்புகள் மற்றும் சுய முன்னேற்றம் சார்ந்த விஷயங்களையும் அதிகம் தேடுகிறார்கள்.

அதேபோல, உடல்நலத்திலும் அதிக அக்கறை காட்டுகிறார்கள். உடல் எடையைக் குறைப்பது எப்படி, வீட்டிலேயே செய்யக்கூடிய எளிய உடற்பயிற்சிகள், யோகாசனங்கள் போன்ற ஆரோக்கியம் சார்ந்த தேடல்களும் இரவு நேரத்தில் அதிகம் நடப்பதாகத் தகவல்கள் தெரிவிக்கின்றன.

இதுதவிர, மனதை ரிலாக்ஸ் செய்ய மெல்லிசைப் பாடல்கள், புது வெப் சீரிஸ், சினிமா அப்டேட்களையும் தேடுகிறார்கள். ஆக மொத்தத்தில், பெண்கள் இரவு நேரத்தை வீணாக்காமல், தங்களை அழகாக்கிக் கொள்ளவும், அறிவை வளர்த்துக்கொள்ளவும், மனதை மகிழ்ச்சியாக வைத்துக்கொள்ளவுமே கூகுளைப் பயன்படுத்துகிறார்கள் என்பது தெளிவாகிறது. 

தொழில்நுட்பம் நம் கையில் இருக்கும்போது, அதைத் தங்களுக்குச் சாதகமாகப் பயன்படுத்திக்கொள்வதில் பெண்கள் என்றுமே ஸ்மார்ட் தான்!