புது காலணி வாங்குறீங்களா? இந்த 5 அலாரம் அறிகுறிகளை முதல்ல செக் பண்ணுங்க!

கல், முள், வெயில் எதையும் கடந்து நமக்கு நடப்பதற்கு உதவும் காலணிகளை அதன் பயன்பாடு முடிந்ததும் வெளியே கழற்றி விட்டு மறந்து விடுவோம். அதுவாகவே தேய்ந்து நமக்கு கால் வலித்தால் மட்டுமே அதன் மீதான கவனத்தை வைத்து புது காலணி வாங்குவோம். நாம் சாதாரணமாக நினைக்கும் காலணிகளை எப்போது மாற்ற வேண்டும்? மாற்றாவிட்டால் என்ன பாதிப்பு நேரும் என்பதை பற்றி இங்கே காண்போம்.

பொதுவாக காலணியை குறிப்பிட்ட மாதங்கள் முடிந்ததும் மட்டும் மாற்ற வேண்டும் என்ற கட்டாய விதி இல்லை. பயன்படுத்தும் அளவு, காலணியின் வகை, தரம் ஆகியவற்றைப் பொறுத்து மாதங்கள் எண்ணிக்கை மாறும். 

மேலும் காலணிகளை மாற்றுவது என்பது நாம் அதை எவ்வளவு பயன்படுத்துகிறோம் என்பதுடன் அதன் தேய்மானத்தை பொறுத்தே அமைகிறது.

பொதுவாக, நீங்கள் தினசரி அணியும் காலணிகளை 8 முதல் 12 மாதங்களுக்கு ஒருமுறை மாற்ற வேண்டும். ஆனால், நீங்கள் உடற்பயிற்சி அல்லது ஓடுவதற்குப் பயன்படுத்தும் காலணிகள் (Sports Shoes) என்றால், அவற்றை 6 முதல் 8 மாதங்களுக்கு ஒருமுறை (அல்லது 500 முதல் 800 கிலோமீட்டர் பயன்பாட்டிற்குப் பிறகு) மாற்ற வேண்டும் என்று பாத மருத்துவ வல்லுநர்கள் பரிந்துரைக்கின்றனர்.

உங்கள் காலணிகளை உடனே மாற்ற வேண்டும் என்பதை உணர்த்தும் 5 முக்கிய அறிகுறிகள் இங்கு

1. அடிப்பகுதி தேய்மானம் (Worn-out Soles) 

உங்கள் காலணியின் அடிப்பகுதியைத் (Tread) திருப்பிப் பாருங்கள். அதன் கிரிப் (Grip) முற்றிலும் தேய்ந்து வழுவழுப்பாக மாறியிருந்தாலோ அல்லது ஒரு பக்கம் மட்டும் அதிகமாகத் தேய்ந்து சரிந்திருந்தாலோ அதை உடனடியாக மாற்ற வேண்டும்.

2. கால்களில் ஏற்படும் புதிய வலிகள் (New Aches and Pains)

காலணிகளை அணிந்து நடக்கும்போது அல்லது உடற்பயிற்சி செய்யும்போது கணுக்கால், முழங்கால், இடுப்பு அல்லது கீழ் முதுகில் திடீரென வலி ஏற்பட்டால், அந்த காலணி தனது அதிர்வு தாங்கும் திறனை (Shock absorption) இழந்துவிட்டது என்று அர்த்தம்.

3. தட்டையான குஷனிங் (Flat Cushioning)

காலணியின் உள்பகுதியில் உள்ள குஷன் (Midsole foam) மிகவும் தட்டையாகவோ, கடினமாகவோ அல்லது சுருக்கங்கள் விழுந்து அமுங்கியோ போயிருந்தால், அது பாதங்களுக்குத் தேவையான பாதுகாப்பைத் தராது. தட்டையான தரைப்பரப்பில் காலணியை வைக்கும்போது அது நேராக நிற்காமல் ஒரு பக்கமாகச் சாயும். இது காலணிகளை மாற்ற வேண்டிய அவசியத்தை உணர்த்துகிறது.

4. வெளிப்படையான சேதங்கள் (Visible Damage) 

காலணியின் மேல் பகுதியில் துளைகள் விழுவது, தையல்கள் பிரிவது அல்லது அடிப்பாகம் (Sole) தனியாகப் பிரிந்து வருவது போன்ற சேதங்கள் ஏற்பட்டால் அதை மாற்றும் நேரமிது.

5. கொப்புளங்கள் மற்றும் அசௌகரியம் (Blisters & Discomfort)

முன்பு வசதியாக இருந்த காலணி, இப்போது கால்களைக் கடிப்பது போன்றோ, தழும்புகள் மற்றும் நீர் கொப்புளங்களை (Blisters) ஏற்படுத்துவது போன்றோ இருந்தால், அதன் வடிவம் மாறிவிட்டது என்று பொருள். குறிப்பாக கால்களுக்கு அசௌகரியம் தரும் காலணிகளை உடனே மாற்ற வேண்டும்.

சாதாரண காலணிகள் மட்டுமின்றி தற்போது அதிக அளவில் பயன்பாட்டில் இருக்கும் ஓடும் காலணிகளையும் (sports shoes) கவனிக்க வேண்டும். சராசரியாக, பெரும்பாலான ஓடும் காலணிகள் 300–500 மைல்கள் (480–800 கி.மீ.) வரை உழைக்கும். ஆனால், இந்த மைலேஜ் என்பது ஒரு வழிகாட்டி மட்டுமே. நீங்கள் ஓடும் காலணிகளைப் போலவே, அனைவருக்கும் பொருந்தக்கூடிய சரியான அல்லது தவறான அளவு என்று எதுவும் இல்லை.

உங்கள் காலணிகள் என்னென்ன சோதனைகளைக் கடந்து வந்துள்ளன என்பது உங்களுக்குத்தான் தெரியும். பெரும்பாலும் கான்கிரீட் அல்லது கடினமான நடைபாதையில் ஓடுபவராக இருக்கலாம், மராத்தானுக்குப் பயிற்சி செய்கிறீர்களா அல்லது பயிற்சி அளவை வேகமாக அதிகரிக்கிறீர்களா என்பது போன்றவற்றின் அடிப்படையில் ஓடும் காலணிகளை மாற்றும் சூழல் உருவாகும்.

நீங்கள் ஒரு வாரத்திற்கு சராசரியாக 15 மைல்கள் ஓடினால், ஐந்து முதல் எட்டு மாத காலக்கட்டத்தில் அவற்றை மாற்ற வேண்டியிருக்கும் என்பதை கவனத்தில் கொள்ளுங்கள். இருப்பினும் ஒவ்வொரு 300 முதல் 500 மைல்களுக்கு உங்கள் ஸ்னீக்கர்களை மாற்றவும் . நீங்கள் நேரத்தைக் கண்காணிப்பவராக இருந்தால் 2-3 ஜோடி காலணிகளை வைத்துக் கொண்டு உபயோகிக்கலாம்.

அதிக எடை கொண்ட ஓட்டக்காரராக இருந்தால் (ஒவ்வொரு அடியிலும் அதிக விசை = நுரை வேகமாகச் சிதையும். நீங்கள் வாரத்திற்கு 20 மைல்கள் (சுமார் 32 கி.மீ) ஓடினால், உங்கள் காலணிகள் 4 முதல் 6 மாதங்களுக்குப் பிறகு தேய்ந்து போகத் தொடங்கலாம். வாரத்திற்கு 40 மைல்கள் (சுமார் 64 கி.மீ) ஓடினால், அவை 2 முதல் 3 மாதங்களுக்குள் தேய்ந்துவிடும் ஆகவே காலணியின் ஒரு பக்கத்தில் அதிக தேய்மானம் இருப்பதை அவ்வப்போது கவனிக்கவும்.

நவீன ஓடும் காலணிகள், மெத்தென்ற தன்மை மற்றும் ஆற்றலைத் திரும்ப அளிப்பதற்காக, பிரத்யேகமாக உருவாக்கப்பட்ட நுரையை பெரிதும் சார்ந்துள்ளன. காலப்போக்கில், அதன் வெளித்தளம் பார்ப்பதற்குப் பழுதின்றி இருந்தாலும், அந்த நுரை சுருங்கித் தனது மீள்திறனை இழந்து விடுகிறது. வேறு எந்தத் தெளிவான காரணமும் இல்லாமல், நீங்கள் ஓடும்போது திடீரென்று மந்தமாக, கனமாக, அல்லது நெகிழ்வுத்தன்மை குறைந்ததாக உணர்ந்தால், உங்கள் காலணியின் நடுப்பகுதி தேய்ந்து போயிருக்கலாம். உங்கள் காலணிகளை மாற்றுவதைப் பற்றி யோசிப்பதற்கான ஆரம்ப அறிகுறிகளில் இதுவும் ஒன்றாகும்.

நாம் அன்றாடம் உபயோகிக்கும் காலணிகள் என்றாலும் ஓடுவதற்கு பயன்படுத்தும் காலணிகள் என்றாலும் அவற்றின் தன்மையை பரிசோதித்து அவ்வப்போது மாற்றிக் கொள்வது பாதத்தின் பாதுகாப்புக்கு நல்லது.

தேய்ந்த காலணிகளைத் தொடர்வதால் ஏற்படும் கணுக்கால், முழங்கால் மற்றும் முதுகு வலிகளைத் தவிர்த்து, உங்கள் பாதங்களின் பாதுகாப்பை உறுதிசெய்யும் சரியான பயன்பாட்டுக் கால அளவை நீங்கள் தெரிந்துகொள்வீர்கள்.