AI பயன்படுத்தி உங்க வாழ்க்கையை மாற்றலாம்… இதை படிக்கலான உங்களுக்கு தான் லாஸ்!

வாழ்க்கையில் சில நேரங்களில் நாம் எந்த முன்னேற்றமும் இன்றி ஒரே இடத்தில் தேங்கி நிற்பது போல எனக்கு அடிக்கடி தோன்றும். கடந்த சில வருடங்களுக்கு முன்பு எனக்கும் இப்படி ஒரு மோசமான நிலைமை நேர்ந்தது. அப்போது தான் உலக புகழ் பெற்ற வெற்றியாளர்கள் தங்களுக்கு என ஒரு பிரத்தியேக பயிற்சியாளரை வைத்திருந்ததை நான் படித்தேன். 

சாதாரண மனிதரான நாம் பல ஆயிரம் செலவு செய்து அப்படி ஒருவரை வேலைக்கு வைக்க முடியாது. ஆனால் நமது பாக்கெட்டில் இருக்கும் ஸ்மார்ட்போனில் Chatgpt, Gemini, Claude போன்ற சிறந்த ஏஐ வழிகாட்டி நமக்காக முற்றிலும் இலவசமாகக் காத்திருக்கிறது.

பிரம்மாண்டமான இலக்குகள்!

மைக்கேல் ஜோர்டான் மற்றும் ஸ்டீவ் ஜாப்ஸ் போன்ற மாபெரும் வெற்றியாளர்கள் யாரும் தனி ஆளாக மட்டும் இந்த உலகத்தில் சாதிக்கவில்லை. அவர்களுக்கு பின்னால் அவர்களின் திறனை உலகிற்கு உணர்த்திய பல நபர்கள் இருந்தனர். 

நாமும் அடுத்த 10 வருடங்களுக்கான நமது இலக்குகளை மிக பிரம்மாண்டமாக எழுத பழக வேண்டும். பாதுகாப்பான வட்டத்திற்குள் முடங்கி கிடக்காமல் நமது கனவுகளை மிகப்பெரிய அளவில் விரிவுபடுத்த வேண்டும். இந்த இடத்தில் தொழில்நுட்பம் நமது சிந்தனையை தூண்டி பெரிய இலக்குகளை நோக்கி நம்மை வேகமுடன் நகரச் செய்கிறது.

வாரம் ஒரு முறை உங்களை மதிப்பீடு செய்யுங்கள்! 

நமது கனவுகளை அடைவதற்கு தற்போதைய உண்மையான நிலை என்ன என்பதை நாம் சரியாக தெரிந்து கொள்ள வேண்டியது அவசியம். நான் ஒவ்வொரு வாரமும் வெள்ளி கிழமைகளில் எனது உடல்நலம் வேலை மற்றும் நிதி நிலைமைகளை 1 முதல் 10 வரை மதிப்பிட்டு வருகிறேன். 

இதில் நாம் நம்மிடமே நூறு சதவீதம் நேர்மையாக நடந்து கொள்ள வேண்டும். இந்த மதிப்பெண்களை வைத்து அடுத்த வாரத்திற்கான திட்டங்களை மிக துல்லியமாக வகுக்க முடியும். இது நமது தவறுகளை நாமே திருத்திக் கொண்டு வளர ஒரு அருமையான வழியாகும்.

ஆழமான சிக்கல்களை ஆராயுங்கள்! 

குறைவான மதிப்பெண்கள் எடுத்த 2 விஷயங்களை மட்டும் தனியாக தேர்ந்தெடுத்து அதன் ஆழமான காரணங்களை தேட வேண்டும். பல நேரங்களில் நாம் தவறான பிரச்சனைக்கு தீர்வு காண வீணாக முயற்சி செய்து நேரத்தை தொலைப்போம். 

நமது உண்மையான குறைபாடு இரவு தூக்கமின்மையாக இருக்கலாம் ஆனால் நாம் அதிகாலையில் ஜிம்மிற்கு செல்லாததை நினைத்து வருந்துவோம். எனவே எந்த ஒரு சிக்கலையும் மேலோட்டமாக மட்டும் பார்க்காமல் அதன் மூல காரணத்தை ஆராய்ந்து கண்டுபிடிப்பது நமது எதிர்கால வெற்றிக்கு மிகவும் உதவியாக இருக்கும்.

ஊக்கமும் எச்சரிக்கையும்! 

வெறும் எண்களை மற்றும் இலக்குகளை மட்டும் எழுதி வைப்பதால் நாம் பெரிய ஈடுபாட்டுடன் தினசரி செயல்பட மாட்டோம். ஒரு இலக்கை அடைந்தால் ஒரு பெரிய பரிசும் அதனை தவறினால் ஒரு வலிமையான இழப்பும் கட்டாயம் இருக்க வேண்டும். 

நான் எனது நண்பர்களுடன் இணைந்து ஒரு குறிப்பிட்ட உடல் எடையை குறைக்காவிட்டால் 50,000 அபராதம் செலுத்துவதாக சவால் விட்டேன். அந்த பயமே என்னை தினமும் சரியாக உடற்பயிற்சி செய்ய வைத்தது. மனிதர்களுக்கு இழப்பின் மீதான பயம் தான் மாபெரும் வெற்றிக்கான உந்துசக்தியாக மாறுகிறது.

அதிநவீன தொழில்நுட்பம் நமக்கு திட்டங்களை அழகாக வகுத்து கொடுத்தாலும் அதனை தொடர்ந்து செயல்படுத்துவது நமது கைகளில் தான் உள்ளது. இயந்திரங்கள் நமக்கு சிறந்த பாதையை காட்டும் ஆனால் நம்மை தட்டிக் கேட்க ஒரு உண்மையான மனிதர் நமக்கு தேவை. நம்முடைய தினசரி முன்னேற்றத்தை கண்காணிக்க ஒரு நல்ல சமூகத்தையோ அல்லது நண்பரையோ நாம் உறுதியாக அமைத்துக் கொள்ள வேண்டும். 

நீங்கள் இன்று முதலே உங்களின் சொந்த ஏஐ வழிகாட்டி மூலம் கனவுகளை நிஜமாக்கும் பயணத்தை தைரியமாக தொடங்கலாம்.