3, 6, 9 மேஜிக்… பிரபஞ்சத்திடம் நீங்கள் கேட்பது உடனே கிடைக்க இந்த மூன்று எண்களை மட்டும் பயன்படுத்துங்கள்!

நிக்கோலா டெஸ்லா வெறும் சயின்டிஸ்ட் மட்டுமல்ல, பிரபஞ்சத்தின் பல ரகசியங்களை மிக ஆழமாகப் புரிந்துகொண்ட ஒரு மாபெரும் அறிஞர். நாம் வாழ்க்கையில் என்னவாக ஆக வேண்டும் என்று நினைக்கிறோமோ, அதை அப்படியே நிஜமாக மாற்றும் ஒரு அபாரமான சக்தி Law of Attraction எனப்படும் ஈர்ப்பு விதிக்கு உண்டு. 

இந்த ஈர்ப்பு விதியோடு டெஸ்லா சொன்ன 3, 6, 9 என்ற எண்களைச் சேர்க்கும்போது நடக்கும் மாயாஜாலங்கள் ஏராளம். அப்படி இந்த மூன்று எண்களுக்குள் என்ன பெரிய சக்தி ஒளிந்திருக்கிறது என்பதை இந்தப் பதிவில் பார்க்கலாம்.

டெஸ்லாவின் பிரபஞ்ச ரகசியம்!

பிரபஞ்சத்தின் ரகசியங்களை நீங்கள் தெரிந்துகொள்ள விரும்பினால், Energy, Vibration, Frequency ஆகிய மூன்று விஷயங்களின் அடிப்படையில் சிந்திக்கத் தொடங்குங்கள் என்று டெஸ்லா அடிக்கடி சொல்வார். அவர் இந்த 3, 6, 9 என்ற எண்களை சாதாரண எண்களாகப் பார்க்கவில்லை. இது ஒட்டுமொத்த பிரபஞ்சத்தையும் கட்டுப்படுத்தும் ஒரு மாஸ்டர் சாவி என்று அவர் மிக ஆழமாக நம்பினார். கணித ரீதியாகப் பார்த்தாலும் சரி, இயற்கையின் அமைப்பைப் பார்த்தாலும் சரி, இந்த மூன்று எண்களும் ஒரு தனித்துவமான சுழற்சியைக் கொண்டிருக்கின்றன.

ஈர்ப்பு விதியில் 3, 6, 9 மெத்தட்!

இந்த எண்களின் சக்தியைப் பயன்படுத்தி நமது இலக்குகளை எப்படி அடைவது என்பதுதான் இங்குள்ள மெயின் பாயிண்ட். இதற்கு நீங்கள் செய்ய வேண்டியது மிக மிக சிம்பிளான ஒரு விஷயம்தான். முதலில் உங்களின் ஆசை அல்லது இலக்கு என்ன என்பதை மிகத் தெளிவாக ஒரே வரியில் எழுதிக்கொள்ளுங்கள். 

உதாரணத்திற்கு, எனக்கு ஒரு நல்ல வேலை கிடைத்துவிட்டது என்று பாசிட்டிவாக நிகழ்காலத்தில் எழுதுவது மிக முக்கியம். இப்போது அந்த வாக்கியத்தை காலையில் எழுந்தவுடன் 3 முறையும், மதிய நேரத்தில் 6 முறையும், இரவு தூங்கச் செல்வதற்கு முன்பு 9 முறையும் ஒரு நோட்டில் முழு நம்பிக்கையோடு எழுத வேண்டும்.

ஆழ்மனதில் நடக்கும் மாற்றங்கள்!

இப்படித் தொடர்ந்து எழுதும்போது, உங்கள் மூளையில் உள்ள ஆழ்மனதில் அந்த இலக்கு மிக ஆழமாகப் பதிந்துவிடுகிறது. எந்த ஒரு நெகட்டிவான எண்ணங்களுக்கும் இடம் கொடுக்காமல், உங்கள் முழு கவனமும் அந்த ஒரு விஷயத்தை நோக்கியே குவியத் தொடங்கும். உங்கள் உடலின் அதிர்வலைகள் அந்த எண்ணங்களுக்கு ஏற்றவாறு மாறி, பிரபஞ்சத்தோடு ஒரு வலுவான தொடர்பை ஏற்படுத்துகிறது. இதன் விளைவாக, அந்த இலக்கை அடைவதற்கான வழிகளும் வாய்ப்புகளும் தானாகவே உங்களைத் தேடி வரத் தொடங்கும். உங்கள் எண்ணங்கள் செயல்களாக மாறும் இடமும் இதுதான்.

இது ஏதோ ஒரே இரவில் நடக்கும் மேஜிக் கிடையாது. ஆழமான நம்பிக்கையும், தொடர்ச்சியான முயற்சியும் கட்டாயம் தேவை. வெறும் எண்களை மட்டும் எழுதிவிட்டு சும்மா இருந்தால் எந்த ஒரு பலனும் கிடைக்காது, அதற்கான உழைப்பையும் நாம் சின்சியராகப் போட வேண்டும். ஈர்ப்பு விதி என்பது நம் எண்ணங்களை ஒருமுகப்படுத்தும் ஒரு அருமையான கருவி. 

இந்த 3, 6, 9 மெத்தட் உங்கள் வாழ்க்கையில் பல பாசிட்டிவான மாற்றங்களைக் கொண்டுவரும் என உறுதியாக நம்பலாம். நீங்களும் இதை ஒருமுறை முழு நம்பிக்கையோடு ட்ரை பண்ணிப் பாருங்கள்.