திருவெம்பாவை திருநோன்பு: 11 - உன்னையே நினைத்து உருகுகிறோமே!

திருவெம்பாவை திருநோன்பு: 10 - உமக்கு ஊர் ஏதய்யா? உம் பெயர்தான் என்ன? உம் உறவினர் யார்?.மொய்யார் தடம் பொய்கை புக்கு முகேர் என்னக்கையால் குடைந்து குடைந்து உன் கழல்பாடிஐயா வழியடியோம் வாழ்ந்தோம் காண் ஆரழல் போல்செய்யா! வெண்ணீறு ஆடி! செல்வா சிறு மருங்குல்மையார் தடங்கண் மடந்தை மணவாளாஐயா! நீ ஆட்கொண்டருளும் விளையாட்டில்உய்வார்கள் உய்யும் வகையெல்லாம் உய்ந்தொழிந்தோம்எய்யாமல் காப்பாய் எமையேலோர் எம்பாவாய்.எம்பெருமானே, அருளாளா, வண்டுகள் மொய்க்கும் மலர்கள் நிறைந்திருக்கும் குளத்தில் நாங்கள் ‘முகேர்‘ என சப்தம் எழுப்பியபடி குதித்து மகிழ்கிறோம். அது மட்டுமா, அற்ப ஆசையுடன், குளத்து நீரின் அடியில் கைகளால் துழாவித் துழாவிப் பார்க்கிறோம். ஆமாம் உன் திருவடி தட்டுப் படாதா என்ற ஏக்கம்! அதுசரி, திருமாலுக்கே கிட்டாத அந்தப் பேறு அற்பத் தொண்டரான எமக்குக் கிட்டிவிடுமா என்ன? ஆனாலும் பெருமானே உன் திருவடிகளை எங்கள் மனதில் இருத்தி, நீராடும்போது, உண்டாகும் ஆனந்தத்துக்குதான் அளவு ஏது! ஐயனே நாங்கள் உன்னை எண்ணி பாவை நோன்பை உளமாற அனுசரித்து வருகிறோம். அது உனக்குத் தெரியும்தானே? செந்தழல் போன்ற செம்மேனியனே, உடலெங்கும் திருநீறு மணக்க விளங்குபவனே, அனைத்துச் செல்வத்துக்கும் அதிபதியானவனே, நாங்கள் உன்னையே சரணடைகிறோம். மைதீட்டிய பேரழகு விழியாள் பார்வதி தேவியின் மணாளனே, நீ உலகத்து ஜீவன்களையெல்லாம் ஆட்கொண்டவுடன் அவையெல்லாம் எத்தனையெத்தனை நன்மைகள் அடையுமோ அவை எல்லாவற்றையும் நாங்கள் அடைந்து விட்டோம். இதில் எங்களுக்குச் சிறப்புத் தகுதியும் உண்டே! ஆமாம், உன்னால் உய்வடைந்த சிலந்தி, யானை, பறவைகளைவிட எங்களால் உன்னை வாயாறப் பாடி, மனமாற துதிக்க முடிகிறதே! இந்தச் சிறப்பையும் எங்களுக்கு அருளியவன் நீயே அன்றோ! ஆமாம், அவ்வாறு மனதார, வாயாரப் பாடினாலேயே அனைத்துப் பேற்றினையும் அடைந்துவிட்ட உணர்வு எங்களை ஆட்கொண்டு விடுகிறது! போற்றவும், வணங்கவும் கிடைத்த இந்த பாக்கியங்களால் எப்போதும், ஒரு நாளின் எல்லா செயல்களின்போதும் உன்னை நினைத்தும், பாடியும் நாங்கள் மகிழ்கிறோம். இந்தப் பேரின்ப நிலை எங்களுக்கு எப்போதும் நிலைத்திருக்க அருள்வாய் ஐயனே..திருவெம்பாவை திருநோன்பு: 9 - பாவை நோன்பினாலே என்ன பலன்?.திருவெம்பாவை திருநோன்பு: அனைத்து பகுதிகளையும் காண 'Click Here'.Click Here

திருவெம்பாவை திருநோன்பு: 11 - உன்னையே நினைத்து உருகுகிறோமே!

Other Articles