80 ஆயிரம் ரூபாய்க்குள் வெளிநாடு செல்லலாமா. இந்த 7 தீவு நாடுகள் உங்களுக்காக காத்திருக்கின்றன!

Budget island trips Tamil: கோடை வெயிலின் கொடூர வெப்பத்தில் இருந்து தப்பிக்க, சில்லென்ற கடல் காற்றை சுவாசித்தபடி ஒரு வெளிநாட்டுத் தீவில் ஓய்வெடுத்தால் எவ்வளவு அருமையாக இருக்கும் என்று பலருக்கும் தோன்றும். ஆனால், வெளிநாட்டுப் பயணம் என்றாலே லட்சக்கணக்கில் செலவாகும் என்ற தயக்கம் நம்மில் பலருக்கு இருக்கிறது. அந்த கவலையை இனி ஓரம் கட்டிவிடுங்கள். 

உங்கள் பாக்கெட்டை பதம் பார்க்காமல், வெறும் எண்பதாயிரம் ரூபாய்க்குள் (INR 80,000) சென்று வரக்கூடிய ஏழு அட்டகாசமான தீவு நாடுகள் உள்ளன. இந்தியர்கள் எளிதாகச் செல்லக்கூடிய அந்த பட்ஜெட் சுற்றுலாத் தலங்களைப் பற்றி தெரிந்து கொள்ளலாம் வாங்க.

1. மாலத்தீவு (The Maldives)!

மாலத்தீவு என்றாலே பெரிய பணக்காரர்கள் மட்டுமே செல்லும் சொகுசு இடம் என்ற பிம்பம் உள்ளது. ஆனால், உள்ளூர் மக்கள் வசிக்கும் தீவுகளில் நாம் மிகக் குறைந்த செலவில் தங்கி மகிழலாம். இந்திய பாஸ்போர்ட் வைத்திருப்பவர்களுக்கு முப்பது நாட்கள் விசா இல்லாத அனுமதி இங்கு கிடைக்கிறது. ஐந்து நாள் பயணத்திற்கு தோராயமாக 55,000 முதல் 70,000 ரூபாய் வரை மட்டுமே செலவாகும். கடல்வாழ் உயிரினங்களை ரசிக்க இது ஒரு அற்புதமான இடமாகும்.

2. மலேசியா (Malaysia)!

வெறும் கடற்கரையை மட்டும் ரசிக்காமல், கூடவே ஷாப்பிங் மற்றும் சுவையான உணவுகளையும் ருசிக்க நினைப்பவர்களுக்கு மலேசியா ஒரு சூப்பர் சாய்ஸ். லங்காவி (Langkawi), பினாங்கு (Penang) ஆகிய இடங்கள் உங்கள் மனதை கொள்ளைகொள்ளும். இந்தியர்களுக்கு தற்போது விசா இல்லாத நுழைவு அனுமதி இருப்பதால், சுமார் 45,000 முதல் 70,000 ரூபாய்க்குள் இந்த பயணத்தை முடித்துவிடலாம். இங்குள்ள மழைக்காடுகள் உங்கள் மனதிற்கு பெரும் அமைதியைத் தரும்.

3. சீஷெல்ஸ் (Seychelles)!

அதிக கூட்டம் இல்லாத, அமைதியான கடற்கரைகளை நீங்கள் விரும்பினால் சீஷெல்ஸ் நாட்டிற்கு செல்லலாம். லா டிக்யூ (La Digue), மாஹே (Mahe) போன்ற தீவுகளில் மோட்டார் வாகனங்கள் இன்றி சைக்கிள் ஓட்டிக்கொண்டே இயற்கையை ரசிப்பது அலாதியான சுகம். இந்தியர்களுக்கு 30 நாட்கள் இலவச விசா உண்டு. முன்கூட்டியே விமான டிக்கெட்டுகளை பதிவு செய்தால் 80,000 ரூபாய்க்குள் இந்த பயணத்தை அட்டகாசமாக அமைத்துக்கொள்ளலாம்.

4. மொரீஷியஸ் (Mauritius)!

இந்தியர்களின் கலாச்சாரமும், வெளிநாட்டுப் பின்னணியும் அழகாகக் கலந்திருக்கும் இடம் மொரீஷியஸ். இங்கு தொண்ணூறு நாட்கள் வரை விசா இல்லாமல் தங்கி ஊர் சுற்றலாம். வெள்ளை மணல் கொண்ட கிராண்ட் பே (Grand Baie) கடற்கரை மற்றும் படகு சவாரிகள் மிகவும் பிரபலம். டால்பின்களை அருகில் சென்று பார்க்கும் இந்த இனிமையான பயணத்திற்கு 70,000 முதல் 80,000 ரூபாய் வரை செலவாகும்.

5. தாய்லாந்து (Thailand)!

இந்தியர்களின் எவர்கிரீன் ஃபேவரைட் நாடு தாய்லாந்துதான். பட்ஜெட் விலையில் ஃபூகெட் (Phuket), கிராபி (Krabi) மற்றும் கோ சாமுய் (Koh Samui) போன்ற தீவுகளில் ஜாலியாக நேரத்தைச் செலவிடலாம். கோடைக்காலத்தில் ஹோட்டல் கட்டணங்கள் மிகவும் குறைவாக இருக்கும். விசா இல்லாமல் செல்லக்கூடிய இந்த ட்ரிப்பிற்கு 45,000 முதல் 70,000 ரூபாய் வரை தேவைப்படும். இது நண்பர்களுடன் செல்ல ஏற்ற இடமாகும்.

6. இந்தோனேசியா (Indonesia)!

பாளி தீவை தாண்டி இந்தோனேசியாவில் பல அற்புதங்கள் உள்ளன. கிலி தீவுகள் (Gili Islands), நுசா பெனிடா (Nusa Penida) போன்ற இடங்கள் உங்கள் கண்களுக்கு விருந்தளிக்கும். விசா ஆன் அரைவல் வசதி உள்ள இங்கு, நீர்வீழ்ச்சிகள் மற்றும் பிரம்மாண்டமான கடற்கரைகளை ரசிக்க 65,000 முதல் 80,000 ரூபாய் வரை செலவாகும். கொமோடோ (Komodo) தேசியப் பூங்காவில் உள்ள பெரிய பல்லிகளைப் பார்ப்பது வித்தியாசமான அனுபவமாக இருக்கும்.

7. இலங்கை (Sri Lanka)!

குறைந்த நேரப் பயணத்தில், அதிக இடங்களைச் சுற்றிப் பார்க்க இலங்கை ஒரு பெஸ்ட் சாய்ஸ். மிரிஸ்ஸா (Mirissa) கடற்கரை, யால தேசிய பூங்கா (Yala National Park) என பல இடங்களை இங்கு ரசிக்கலாம். இந்தியர்களுக்கு மிக எளிதாக ஆன்லைன் விசா கிடைத்துவிடும். வெறும் 40,000 முதல் 65,000 ரூபாய்க்குள் ஒரு முழுமையான பயணத்தை இங்கு அனுபவிக்க முடியும்.

விசா எடுப்பதில் பெரிய தலைவலி இல்லாமல், பட்ஜெட்டிற்கு ஏற்றவாறு இந்த 7 நாடுகளும் இந்தியர்களை அன்போடு வரவேற்கின்றன. அப்புறம் என்ன? உடனே மூட்டை முடிச்சுகளை பேக் பண்ணுங்க.