நவகிரகங்களில் இராகு-கேதுவுக்கு ஏன் கிழமை இல்லை? தெரிந்து கொள்ளுங்கள் ஆன்மீகக் கணிதம்!

நம்முடைய இந்து சாஸ்திரத்தின் படி ஒன்பது கிரகங்கள் அதாவது நவகிரகங்கள் இருக்கின்றன. அறிவியல் பூர்வமாகவும் ஒன்பது கோள்கள் இருக்கின்றன. அந்த ஒன்பது கோள்களின் அடிப்படையில் தான் இந்த கிரகங்களும் இருக்கின்றன.

ஒன்பது கிரகங்களின் பெயர்:

1. சூரியன்

2. சந்திரன் (திங்கள்)

3. செவ்வாய்

4. புதன்

5. குரு / வியாழன்

6. சுக்கிரன் (வெள்ளி)

7. சனி

8. ராகு

9. கேது

இந்த கிரகங்களின் பெயரில்தான் நாட்களின் பெயர்களும் இருக்கின்றன.

ஆனால் ஒரு வாரத்தில் ஞாயிறு முதல் சனி வரை ஏழு நாட்கள் மட்டுமே உள்ளன. ஏழு கிரகங்களுக்குத் தனித்தனி கிழமைகள் இருக்கும்போது, இராகுவுக்கும் கேதுவுக்கும் ஏன் நாட்கள் ஒதுக்கப்படவில்லை? இது இறைவனின் பாரபட்சமா என்று கேட்டால் முற்றிலும் இல்லை. காரணத்தை பார்க்கலாமா..?

மற்ற கிரகங்கள் எல்லாம் வெளிப்படையாக தெரிவது போல இந்த ராகுவும் கேதுவும் வெளிப் படையாக தெரியாது. அந்த இரண்டு கிரகங்களும் நிழல் கிரகங்கள் என்று அழைக்கப்படுகின்றன. சரி, முக்கியமான காரணத்தை பார்க்கலாம்.

ஒரு நாளைக்கான மொத்த நேரம் = 24 மணி நேரம். அப்படி என்றால் ஒரு வாரத்திற்கு = 7 நாட்கள் × 24 hours = 168 hours.

இந்த ஏழு கிரகங்களும் தங்களுக்குரிய 24 மணி நேர ஆதிக்கத்திலிருந்து தலா 3 மணி நேரத்தை இராகு மற்றும் கேதுக்காக ஒதுக்கி இருக்கின்றன.

அவ்வாறு ஏழு கிரகங்களும் கொடுத்த மொத்த நேரம் = 7 கிரகங்கள் × 3 hours = 21 hours

இந்த 21 மணி நேரத்தைதான் கடவுள் இராகுவுக்கும் கேதுவுக்கும் சரி சமமாகப் பிரித்து தந்துள்ளதாக சாஸ்திரங்கள் கூறுகின்றன.

அதாவது ஒரு வாரத்திற்கு இராகுவின் பங்கு 10.5 hours ஆகவும் கேதுவின் பங்கு 10.5 hours ஆகவும் பிரிக்கப் பட்டுள்ளன.

இந்த 10.5 மணி நேரத்தை வாரத்தின் 7 நாட்களுக்கும் சமமாகப் பிரித்தால் ஒரு நாளைக்கு ஒன்றரை மணி நேரம் வரும். அதாவது தினமும் இராகுவிற்கு 1.5 மணி நேரமும் கேதுவிற்கு 1.5 மணி நேரமும் ஒதுக்கப்பட்டுள்ளன.

இதனால்தான் ஒவ்வொரு நாளும் இராகுவிற்கான ஒன்றரை மணி நேரத்தை “இராகு காலம்" என்றும், கேதுவின் அம்சமான குளிகனுக்கான ஒன்றரை மணி நேரத்தை "குளிகை காலம்" என்றும் கூறுகிறார்கள்.

ஒரு நாளின் 24 மணி நேரமும் 24 ஹோரைகளாகப் பிரிக்கப்பட்டு சனி, குரு, செவ்வாய், சூரியன், சுக்கிரன், புதன், சந்திரன் என ஏழு கிரகங்களுக்கும் சுழற்சி முறையில் சமமாக ஒதுக்கப்பட்டுள்ளன.

ஆகவே, அதன் அடிப்படையில்தான் இந்த ஞாயிறு முதல் சனி வரை ஏழு கிரகங்களின் ஆளுமையும் சமமாகச் சுழல்கின்றன. இராகு கேதுவுக்குத் தனி நாள் இல்லாதது பாரபட்சம் அல்ல, அது காலத்தின் சமச்சீரான கணித தத்துவமாகும்.

இந்த தத்துவத்தின் மூலமாக, நம்முடைய வாழ்க்கையிலும் ஒரு சில நேரத்தில் சில விஷயங்களை கடவுள் நமக்கு கொடுக்க மறுக்கப்படுவது போலத் தோன்றினாலும், கடவுள் நமக்கு வேறு ஒரு வழியில் மிகச் சரியான மற்றும் தேவையானதை கண்டிப்பாக வைத்திருப்பார் என்பதை நாம் தெள்ள தெளிவாக புரிந்து கொள்ளலாம்.