இந்தியாவின் புதிய வான்வழிப் புரட்சி: நகரங்களாக உருவெடுக்கும் விமான நிலையங்கள்!

விமானப் போக்குவரத்துத் துறையானது இந்தியாவின் மொத்த உள்நாட்டு உற்பத்தியில் (GDP), சுமார் 72 பில்லியன் டாலர் பங்களிப்பை வழங்கி, 75 லட்சத்திற்கும் மேற்பட்ட வேலைவாய்ப்புகளையும் உருவாக்கி நாட்டின் பொருளாதார வளர்ச்சிக்கு முக்கிய பங்காற்றுகிறது.

இந்தியாவில், 2014-ஆம் ஆண்டில் சுமார் 74 விமான நிலையங்கள் செயல்பாட்டில் இருந்தன. ஒரு பில்லியன் அமெரிக்க டாலருக்கும் அதிகமான முதலீட்டுடன், 2024 ல் 163 ஆக இது வளர்ந்தது. 2047 ல் 350-400 நிலயங்களை அமைக்கத் திட்டமிட்டுள்ளது. வளர்ந்த நாடுகளான அமெரிக்காவில் 16000 விமானநிலையங்களும் சீனாவில் 250 விமானநிலையங்களும் உள்ளன.

அண்மையில், இத்துறையில் நடந்த முக்கிய நிகழ்வுகள் திட்டமிடல் ஆகியவற்றை ஒரு பார்வை பார்ப்போமா?

சமீபத்தில் ஆந்திரப் பிரதேசம் விசாகபாட்டினம் அருகில் போகாபுரம் என்ற இடத்தில் திறக்கப்பட்ட அல்லூரி சீதாராம ராஜு சர்வதேச விமான நிலையம், கிழக்குக் கடற்கரைப் பகுதியுடனான இணைப்பை வலுப்படுத்துவதோடு, ஆந்திரப் பிரதேசத்தில் சுற்றுலா மற்றும் வர்த்தக வளர்ச்சியை ஊக்குவிக்கும் என்று எதிர்பார்க்கப்படுகிறது. கடற்கரைச் சுற்றுலா மற்றும் ஏற்றுமதித் தொழில்களுக்குப் பயனளிக்கும். விசாகப்பட்டினம் மற்றும் அதைச் சுற்றியுள்ள பொருளாதார மண்டலங்களில் முதலீடு மற்றும் உள்கட்டமைப்பு மேம்பாட்டையும் இது ஊக்குவிக்கும்.

மும்பை பெருநகரப் பகுதியின் வளர்ந்து வரும் தேவைகளைப் பூர்த்தி செய்யும் வகையில் வடிவமைக்கப்பட்டுள்ளது நவி மும்பை சர்வதேச விமான நிலையம், இதன் முதல் கட்டப் பணிகள் நிறைவடைந்ததும் ஆண்டுக்கு 10 மில்லியன் பயணிகளைக் கையாளும் திறன் கொண்டதாக இருக்கும்; மேலும், எதிர்காலத்தில் இது ஆண்டுக்கு 60 மில்லியன் பயணிகள் வரை கையாளும் வகையில் விரிவுபடுத்தப்பட வாய்ப்புள்ளது.

இது நவி மும்பை, புனே மற்றும் அதைச் சுற்றியுள்ள தொழில் வழித்தடங்களுடனான மேம்பட்ட இணைப்பு வசதி, வணிகப் பயணம், சுற்றுலா மற்றும் சரக்கு போக்குவரத்திற்கு உதவும் என்று எதிர்பார்க்கப்படுகிறது. காலப்போக்கில், இந்த விமான நிலையம் மும்பை பெருநகரப் பகுதியின் பயண முறைகளை மாற்றியமைக்கவும், நகரைச் சுற்றியுள்ள புதிய பொருளாதார மண்டலங்களை உருவாக்கவும் உதவும்.

நாட்டின் மிகப்பெரிய விமான நிலையங்களில் ஒன்றாக அமையவுள்ள ஜெவார் விமான நிலையம் (நொய்டா சர்வதேச விமான நிலையம்), முதல் கட்டத்தில் ஆண்டுக்கு 12 மில்லியன் பயணிகள் திறனுடன் தொடங்கப்பட்டு, 2050-ஆம் ஆண்டிற்குள் 70 மில்லியன் பயணிகள் திறன் கொண்டதாக விரிவுபடுத்தப்படத் திட்டமிடப்பட்டுள்ளது.

இத்திட்டம் டெல்லியின் இந்திரா காந்தி சர்வதேச விமான நிலையத்திலுள்ள நெரிசலைக் குறைப்பதுடன், பயணிகள் சேவை, சரக்கு போக்குவரத்து, பராமரிப்பு வசதிகள் மற்றும் வணிக மண்டலங்களை உள்ளடக்கிய ஒரு ஒருங்கிணைந்த விமானப் போக்குவரத்துச் சூழல் அமைப்பாகத் திட்டமிடப்பட்டுள்ளது. இதன் முக்கிய அமைவிடம் மேற்கு உத்தரப் பிரதேசம், உத்தரகண்ட் மற்றும் ஹரியானாவின் சில பகுதிகளிலிருந்து விமான நிலையத்தை எளிதில் அணுகுவதற்கு வழிவகுப்பதோடு, லட்சக்கணக்கான பயணிகளின் பயண நேரத்தையும் குறைக்கக்கூடும்.

மேலும், இந்த விமான நிலையம் புதிய சர்வதேச விமான வழித்தடங்களை ஈர்க்கும் என்றும், தேசியத் தலைநகர் பிராந்தியத்தை (NCR) உலகளாவிய சரக்கு மற்றும் விமானப் போக்குவரத்து மையமாக வலுப்படுத்தும் என்றும் எதிர்பார்க்கப்படுகிறது.

தோலேரா (குஜராத்) ஸ்மார்ட் தொழில்துறை நகரத்திற்கு ஆதரவளிக்கும் வகையில் வடிவமைக்கப்பட்டுள்ள, தோலேரா சர்வதேச விமான நிலையம், 1,400 ஹெக்டேர் விமான நிலையம் சர்வதேசச் சரக்கு போக்குவரத்தை எளிதாக்கவும், உற்பத்தித் துறை முதலீடுகளை ஈர்க்கவும், மேற்கு இந்தியாவின் ஏற்றுமதித் திறனை வலுப்படுத்தவும் உதவும்.

கோட்டா (ராஜஸ்தான்) பசுமைவெளி விமான நிலையம் இந்தியா முழுவதிலுமிருந்து மாணவர்களை ஈர்க்கும் ஒரு முக்கியக் கல்வி மையமாகத் திகழும் கோட்டாவிற்கு , வலுவான விமான இணைப்பு ஏற்படுத்தும். இந்த மேம்பட்ட இணைப்பு வசதி, அருகிலுள்ள பாரம்பரிய வனவிலங்கு சுற்றுலாத் தலங்களுக்கான சுற்றுலாவை ஊக்குவிப்பதோடு, பிராந்தியப் பொருளாதார நடவடிக்கைகளுக்கும் ஆதரவளிக்கும்.

ஸ்ரீ ஜெகன்னாதர் சர்வதேச விமான நிலையம், பூரி, ஒடிசா வில் அமையவுள்ள விமான நிலயம் உள்நாட்டு மற்றும் சர்வதேச யாத்ரீகர்களின் பயண நேரத்தைக் குறைப்பதோடு, ஒடிசாவின் சுற்றுலாப் பொருளாதாரத்தையும் மேம்படுத்தும் என்று எதிர்பார்க்கப்படுகிறது.

டெல்லி, மும்பை, பெங்களூரு மற்றும் ஹைதராபாத் போன்ற முக்கிய விமான நிலையங்கள் அவற்றின் பயணிகளைக் கையாளும் திறனை அதிகரிக்க விரிவான விரிவாக்கப் பணிகளுக்கு உட்படுத்தப்பட்டு வருகின்றன. உதாரணமாக, டெல்லியின் இந்திரா காந்தி சர்வதேச விமான நிலையம் 2030-ஆம் ஆண்டிற்குள் தனது ஆண்டு திறனை 100 மில்லியன் பயணிகளாக உயர்த்தும் என்று எதிர்பார்க்கப்படுகிறது.

மைசூர் விமான நிலைய விரிவாக்கம் (கர்நாடகா), கோவாவில் மோபாவில் மனோகர் சர்வதேச விமான நிலையம், குஜராத்தில் ஹிராசரரில் ராஜ்கோட் சர்வதேச விமான நிலையம், புரந்தர் விமான நிலையம் (புனே, மகாராஷ்டிரா): பத்தாண்டின் பிற்பகுதியில் செயல்பாடுகளை நோக்கிய படிப்படியான மைல்கற்களுடன் வரவிருக்கும் முக்கிய விமான நிலையங்கள் ஆகும்.

உத்தரப் பிரதேச மாநிலத்தில் மட்டும் 21 விமான நிலையங்கள் செயல்பட்டு வருவது நாட்டின் விமானப் போக்குவரத்து மற்றும் உள்கட்டமைப்பு வளர்ச்சிப் பயணத்தில் ஒரு பெரும் முன்னேற்றத்தைக் குறிக்கிறது.

1930 ல் துவங்கப்பட்ட சென்னை விமான நிலையம் சென்னை சர்வதேச விமான நிலையத்தின் தற்போதைய கையாளும் திறன் ஆண்டுக்கு 30 மில்லியன் பயணிகள் (MPPA) ஆகும்.

டிசம்பர் 2026-ல் நிறைவடையவுள்ள, டி3 சர்வதேச முனையம் உள்ளிட்ட இரண்டாம் கட்ட நவீனமயமாக்கல் திட்டத்தின் பணிகள் முழுமையாக நிறைவடைந்தவுடன், இந்தத் திறன் 35 மில்லியன் பயணிகளாக (MPPA)அதிகரிக்கும் தற்போதுள்ள உள்கட்டமைப்பு, ஏறத்தாழ 2035-ஆம் ஆண்டவளில் சுமார் 40 மில்லியன் பயணிகள் என்ற அதன் உச்சபட்ச நிறைவுத் திறனை எட்டும் என்று கணிக்கப்பட்டுள்ளது

சிங்கப்பூர், துபாய் ,சியோல் ஆகிய நகரங்களில் உள்ளது போல விமான நிலயமே ஒரு நகரமாக வடிவமைக்கும் பணிகள் நடைபெறுகின்றன. இங்கேயும் 20000 கோடியில் ,22 மில்லியன் நிலப்பரப்பில் மும்பை நவி மும்பை ,அகமதாபாத், லக்னோ, ஜெய்ப்பூர், குவஹாத்தி ஆகிய நகரங்கள் அதானி குழுமத்தால் திட்டமிடப்பட்டுள்ளது .

விமான நிலைய நகரங்கள் கட்டமைப்பில், ,பசுமைக் கட்டிடக்கலை, உள்ளூரில் கிடைக்கும் மூங்கிலைப் பயன்படுத்துவது, நிகர-பூஜ்ஜிய இலக்குகளான விரிவான சூரிய சக்தி, மழைநீர் சேகரிப்பு, நீர் மறுபயன்பாட்டு அமைப்புகள் ஆகியவற்றைச் செயல்படுத்துதல் போன்ற சீரான மாற்றங்கள் ஏற்படுகின்றன.

விமானப் பயணிகளின் எண்ணிக்கை, 2037-ஆம் ஆண்டிற்குள் 520 மில்லியனை எட்டும் என்று எதிர்பார்ப்பில், அடுத்த சில ஆண்டுகளில் விமான நிலைய உள்கட்டமைப்பு மேம்பாட்டிற்காகச் சுமார் ₹1.4 லட்சம் கோடியை (சுமார் 17 பில்லியன் டாலர்) இந்திய அரசு ஒதுக்கியுள்ளது.

இத்தகைய திட்டமிடல்கள், அணுகுமுறைகள் மூலம் வளர்ச்சி துரிதப்படுத்தப்பட்டு இந்தியா விரைவில் முன்னேறிய நாடு என்ற நிலையை எட்டும் என்பதில் ஐயமில்லை.

இந்தக் கட்டுரையை வாசிப்பதன் மூலம், இந்தியாவின் விமானப் போக்குவரத்துத் துறையின் அதிநவீன உள்கட்டமைப்பு மாற்றங்கள், புதிய வேலைவாய்ப்புகள் மற்றும் பிராந்திய பொருளாதார வளர்ச்சியின் முழுமையான கண்ணோட்டத்தைப் பெற்று, எதிர்கால வர்த்தக வாய்ப்புகளை எளிதாகத் திட்டமிடலாம்.

Reference