ஜோக்ஸ்; ‘’நீங்க உயிரோட இருப்பதே ஒரு சாதனைதானே மன்னா’’!

என்ன அமைச்சரே, வெண்சாமரம் வீசும் பெண்கள் இன்னைக்கு வேலைக்கு வரலியா?

அய்யோ மன்னா, தற்போது தாங்கள் இருப்பது பதுங்குக்குழியில்!

***********************

மன்னர் பதவியில் இருக்கும் என் சாதனை என்ன அமைச்சரே?

எதிரியிடம் சிக்காமல் நீங்க உயிரோட இருப்பதே ஒரு சாதனைதானே மன்னா!

***********************

தலைவர் ஏன் உன்னைக் கட்சியில சேர்த்துக்க மாட்டேன்னு சொன்னார்?

இதுவரை என் பேர்ல ஒரு போலீஸ் கேஸ் கூட இல்லைன்னு சொன்னேன்!

***********************

 தேர்தல்ல தோற்றுப்போன தலைவர் எதுக்காக ஃபைனான்ஸ் கம்பெனி ஆரம்பிச்சிருக்கார்?

அதுலேயாவது டெபாசிட் கிடைக்குமேன்னுதான்!

***********************

 எங்க கட்சியில  உறுப்பினராச் சேர உனக்கு என்ன  தகுதி இருக்கு?

போலீஸ் ஸ்டேஷன்ல இருக்கிற ரவுடி லிஸ்ட்ல என்னோட பேர் இருக்கு தலைவரே!

***********************

மன்னர் வேட்டைக்கு போனால் மானைப் பிடித்துக்கொண்டு வருவார்!

போருக்குப் போனால்? உயிரைப் பிடித்துக்கொண்டு  வருவார்!

***********************

சென்னையில வீடு கட்டப்போற நீங்க எதுக்கு ஜோசியரைப் பார்க்கப் போனீங்க?

தண்ணியில கண்டம் இருக்கான்னு தெரிஞ்சுக்கத்தான்!

***********************

தலைவருக்கு அரசியல்ல கண்டம்னு ஜோசியர் சொன்னாரா?

அப்படி சொல்லியிருந்தா பரவாயில்லையே, நீங்க அரசியலுக்கு வந்ததே தண்டம்னு சொன்னாராம்!