

அதர்வா போஸ்ட் மார்ட்டம் செய்தாகவேண்டும் என்றதும்,
"மாரடைப்புல செத்ததுக்கு எதுக்கு போஸ்ட் மார்ட்டம் பண்றீங்க?" என்றான் அந்த இளைஞன்.
"உங்க பேரு?"
"வினய்."
"மிஸ்டர் வினய், நான் உங்ககிட்ட பர்மிஷன் கேட்கல. இன்பர்மேஷன் குடுத்தேன்." அதர்வாவின் குரல் இறுக்கமாக இருந்தது.
சிவராமன் அவசரமாக இடைபுகுந்தார். "சாரி சார். எல்லாருக்கும் இன்பார்ம் பண்ணியாச்சி. லேட்டாவுமேனு அப்படி பேசுறான். உங்களுக்கு ஏதாவது சந்தேகம் இருக்கா?"
"எதையும் மிஸ் பண்ணிடக்கூடாதுனு நினைக்கிறேன். உங்களுக்கு மறுப்பேதும் இல்லையே?"
"கண்டிப்பா இல்ல. பார்மாலிடீஸைக் கொஞ்சம் சீக்கிரம் முடிச்சிங்கன்னா பரவால்ல..."
"டாக்டர்ட்ட பேசி இன்னைக்கே தரச் சொல்றேன்."
"தேங்க்யூ..."
அதர்வா போனுடன் வெளியே நடந்தான்.
"தேங்க்யூ பார் கம்மிங்..." என்றது சிலிக்கான் குரல்.
"அத ஆப் பண்ணு" என்று சிவராமன் வேலைக்காரனிடம் கடுப்புடன் கைகாட்டினார்.
வினய் இன்ஸ்பெக்டரிடம் "லேட்டாகாதுன்னு சொன்னீங்க... இவர் இப்படி சொல்றார்," என்றான் கோபமாக.