பெண் வீராங்கனைகள் பிரசவத்திற்கு பிறகும் விளையாடலாம்: ஐசிசி வெளியிட்ட அசத்தல் 6R திட்டம்!

பெண் விளையாட்டு வீரர்கள் குழந்தை பெற்று கொண்ட பிறகும் விளையாடுவதை நிறுத்தாமல் விளையாட முடியுமா? கிரிக்கெட் வாரியத்தின் புதிய விதிகள் என்ன சொல்கின்றன??

பல ஆண்டுகளாகவே, முறையான ஆதரவும் தெளிவான வழிகாட்டுதலும் இல்லாத காரணத்தினால், பல பெண் கிரிக்கெட் வீராங்கனைகள் திருமணத்தை செய்து கொண்டு குடும்பத்தை தொடங்குவதற்கும் தங்களின் விளையாட்டு லட்சியங்களுக்கும் இடையே திணறிக் கொண்டிருக்கிறார்கள். ஏதாவது ஒன்றை தான் தேர்ந்தெடுக்க வேண்டிய கட்டாயத்திற்கு இவர்கள் தள்ளப்படுகிறார்கள். ஐசிசியின் புதிய வழிகாட்டுதல்கள் மூலமாக இனி இந்த பிரச்னைக்கு நிரந்தர தீர்வு ஏற்படும்.

ஆம்! கிரிக்கெட் வீராங்கனைகள் தாய்மையையும் தங்களது விளையாட்டு வாழ்க்கையையும் சமநிலைப்படுத்த உதவும் வகையில், ஐசிசி தற்போது ஒரு தெளிவான திட்டத்தை வழங்கியுள்ளது.

அதாவது '6R' வழிகாட்டி, களத்திற்குத் திரும்புவதற்கான பாதுகாப்பான மற்றும் படிப்படியான பாதையை வழங்குகிறது.

இந்தக் கொள்கை, கர்ப்பத்தை ஒரு தடையாகக் கருதாமல், தொழில் வாழ்க்கையின் ஒரு இயல்பான கட்டமாகக் கருதி, கலாச்சாரத்தை மாற்றுகிறது.

தலைவர் ஜெய் ஷா தலைமையிலான சர்வதேச கிரிக்கெட் கவுன்சில் (ஐசிசி), பெண் கிரிக்கெட் வீராங்கனைகள் தங்கள் தொழில்முறை வாழ்க்கையுடன் தாய்மையையும் நிர்வகிக்க உதவும் வகையில், 'பிரசவத்திற்குப் பிறகு மீண்டும் விளையாடுவதற்கான வழிகாட்டுதல்களை' வெளியிட்டுள்ளது.

இந்த கட்டமைப்பு, பெண் வீராங்கனைகளுக்கு ஆதரவளிக்க கிரிக்கெட் வாரியங்களுக்கு ஒரு தெளிவான திட்டத்தை வழங்குகிறது. இதன் மூலம், அவர்கள் தங்கள் குடும்பத்திற்கும் நாட்டிற்காக விளையாடுவதற்கும் இடையே ஏதாவது ஒன்றை தேர்வு செய்ய வேண்டிய கட்டாயத்தில் இனி இருக்க வேண்டாம் என்பதை உறுதி செய்கின்றது. உடல்நலம், மனநலம் மற்றும் அணிக்கு சுமூகமாக திரும்புதல் ஆகியவற்றில் கவனம் செலுத்துவதன் மூலம், அனைத்துப் பெண்களுக்கும் கிரிக்கெட்டை மேலும் ஆதரவான விளையாட்டாக மாற்ற ஐசிசி செயல்பட்டு வருகிறது.

இந்த வழிகாட்டுதல்களின் மையமாக இந்த '6R' திட்டம் உள்ளது.

பாதுகாப்பான மீண்டு வருதலுக்கு உதவும் பெண் கிரிக்கெட் 6R திட்டம்:

அதாவது தயார், மீளாய்வு, மீட்டெடு, புத்துயிர் பெறு, திரும்பு, மற்றும் செம்மைப்படுத்து போன்ற 6 விஷயங்கள் இதில் அடங்கும்.

Ready: 0 – 6 weeks – post birth

Review: 6 – 8 weeks

Restore: 8 – 16 weeks

Recondition: 12 weeks

Return: Gradual reintroduction

Refine: continuous monitoring for development.

பிரசவத்திற்குப் பிறகு மீண்டும் களத்திற்குத் திரும்புவதற்கான பாதுகாப்பான, படிப்படியான செயல்முறையை இது விவரிக்கிறது. உடல்ரீதியான மீட்சியுடன், நெகிழ்வான பயிற்சி அட்டவணைகள், குழந்தை பராமரிப்பு மற்றும் பயணத்திற்கான ஆதரவு போன்ற கூடுதல் உதவிகளை வழங்குமாறு ஐசிசி, பெண்களுக்கான அணிகளை ஊக்குவிக்கிறது.

ஒவ்வொரு நாடும் இந்த விதிகளைத் தங்களின் உள்ளூர் சட்டங்களுக்கு ஏற்றவாறு மாற்றியமைத்தாலும், இந்த முயற்சி சிறந்த வீராங்கனைகளை விளையாட்டில் தக்கவைப்பதற்கும், கிரிக்கெட்டில் பெண்களுக்குச் சிறந்த தொழில் பாதைகளை உருவாக்குவதற்கும் இந்த திட்டம் ஒரு முக்கியப் படியாக திகழ்கிறதென்றே சொல்லலாம்.

இந்த வழிகாட்டுதல்கள் மூலம், ஒரு வீராங்கனை தனது விளையாட்டு வாழ்க்கையைத் தியாகம் செய்யாமல், குடும்ப வாழ்க்கையுடன் இணைந்து உச்சம் தொடுவதற்கான தன்னம்பிக்கையையும், முறையான திட்டமிடலையும் பெற முடியும்.

(ஆங்கில செய்தியின் தமிழாக்கம் Source: outlook.com)