இல்லத்தரசிகளுக்கு குட் நியூஸ்: சவரனுக்கு ரூ.800 குறைந்தது..!

22 காரட் ஆபரணத் தங்கத்தின் விலை இன்று (அக்டோபர் 03) ஒரு சவரனுக்கு ரூ.800 வரை குறைந்துள்ளது. இன்றைய வெள்ளி விலையில் மாற்றமின்றி நேற்றைய விலைக்கே விற்பனையாகிறது.

உலகளாவிய போர் பதற்றம், சர்வதேச சந்தை நிலை மற்றும் பொருளாதார மாற்றங்களினால் தங்கத்தின் விலையில் தினசரி மாற்றம் ஏற்படுகிறது. அமெரிக்கா - ஈரான் இடையேயான போர் விரைவில் முடிவடையும் என அதிபர் டிரம்ப் கூறி வருகிறார்.

இந்தப் போர் முடிவுக்கு வந்து விட்டால் தங்கத்தின் விலை உயர்வதற்கான வாய்ப்புகள் அதிகம். இருப்பினும் தற்போதைய சூழலில் தங்கத்தின் விலை ஏறுவதும், இறங்குவதுமாகவே உள்ளது.

நேற்றைய விலை நிலவரம்:

நேற்று (அக்டோபர் 2) தங்கத்தின் விலை 1 கிராம் ரூ.95 உயர்ந்து ரூ.13,775-க்கும், ஒரு சவரன் ரூ.760 உயர்ந்து ரூ.1,10,200-க்கும் விற்பனையானது. வெள்ளி விலை 1 கிராம் ரூ.5 உயர்ந்து ரூ.245-க்கு விற்பனையானது.

இன்றைய விலை நிலவரம்:

தங்க நகைப் பிரியர்கள் அனைவருக்கும் நிம்மதி அளிக்கும் வகையில், இன்று (அக்டோபர் 3) தங்கத்தின் விலை மளமளவென சரிந்துள்ளது. 22 காரட் ஒரு கிராம் ஆபரணத் தங்கத்தின் விலை ரூ.100 குறைந்து ரூ.13,675-க்கு விற்பனையாகிறது. ஒரு சவரன் தங்கத்தின் விலை ரூ.800 குறைந்து, ரூ.1,09,400-க்கு விற்பனையாகிறது.

வெள்ளியின் விலை இன்று மாற்றமின்றி ஒரு கிராம் ரூ.245-க்கும், ஒரு கிலோ பார் வெள்ளி ரூ.2,45,000-க்கும் விற்பனையாகிறது.

நேற்று தங்கத்தின் விலை உயர்ந்த நிலையில், இன்று குறைந்திருப்பது இல்லத்தரசிகள் மற்றும் சாமானிய மக்கள் மத்தியில் மகிழ்ச்சியை ஏற்படுத்தியுள்ளது.

கடந்த 10 நாட்களுக்கு முன்பு ஒரு சவரன் தங்கத்தின் விலை ரூ.1,13,080-க்கு விற்பனையானது.

ஒரு மாதத்திற்கு முன்பு ஒரு சவரன் தங்கம் ரூ.1,13,920-க்கு விற்பனையானது. 10 நாட்களுக்கு முந்தைய விலைக்கும், 1 மாதத்திற்கு முந்தைய விலைக்கும் பெரிய அளவில் வித்தியாசம் இல்லை.

ஆனால் ஒரு வருடத்திற்கு முன்பு அக்டோபர் 3-ல் ஒரு சவரன் தங்கம் ரூ.86,720-க்கு விற்பனையானது. ஒரு வருட இடைவெளியில் தங்கத்தின் விலை சுமார் ரூ.15,000 வரை உயர்ந்துள்ளது.

இந்த விலை உயர்வு நடப்பாண்டு தொடக்கத்துடன் முடிந்து விட்டது. அதற்குப் பின் தங்கத்தின் விலையில் பெரிய மாற்றமே இல்லை. ஏறுவதும், இறங்குவதுமாக இருக்கிறது.