அதிரடி மாற்றம்..! இனி ஆதாரில் ஊரும் இருக்காது, பேரும் இருக்காது..!!

ஆதார் கார்டு என்பது ஒவ்வொரு இந்திய குடிமகனின் முக்கியமான அடையாள அட்டையாகும். வங்கியில் கணக்கு ஆரம்பிப்பதில் இருந்து சிம் கார்டு வாங்குவது வரைக்கும் எல்லா இடத்திலேயேயும் ஆதார் கார்டு நகலை தான் கொடுத்து வருகிறோம். ஆனால் ஆதார் கார்டின் நகலை எல்லா இடங்களிலும் கொடுப்பது எவ்வளவு பெரிய ஆபத்து என்று பலபேருக்கு தெரிவதில்லை.

இதன் மூலம் நம்முடைய தனிப்பட்ட விவரங்கள் மிகவும் சுலபமாக திருடப்பட்டு விடலாம். இந்த பிரச்சனைகளுக்கு எல்லாம் முற்றுப்புள்ளி வைப்பதற்காக நம்முடைய UIDAI- அதாவது ஆதார் ஆணையம் ஒரு அதிரடியான புதிய திட்டத்தை கொண்டு வரப்போறாங்க.

அது என்னவென்றால் இனிமேல் நம்முடையை ஆதார் கார்டின் தோற்றமே முழுவதுமாக மாறப்போகிறது. வாங்க இதுகுறித்து விரிவாக பார்க்கலாம்.

இப்போது நம் பயன்படுத்தும் ஆதார் கார்டில் நமது புகைப்படம், பெயர், முகவரி, பிறந்ததேதி, 12 இலக்க ஆதார் எண், QR Code என நம்முடைய அனைத்து விவரங்களும் இருக்கும்.

ஆனா UIDAI இப்போ கொண்டுவரப்போகும் புது ஆதார் கார்டில் மேலே சொன்ன எந்த விவரமும் இருக்காது. அதற்கு பதிலாக உங்களுடைய புகைப்படம், QR Code மட்டும் தான் இருக்கும். அதாவது நம்முடைய தனிப்பட்ட தகவல்கள் எல்லாம் அச்சிடப்பட்ட தகவல்களாக இடம்பெறாது.

அதாவது, இப்போது இருக்கும் ஆதார் கார்டில் நம்முடைய அனைத்து தகவல்களுக்கும் வெளிப்படையாக அச்சிடப்பட்டு இருப்பதால் இரண்டு பெரிய பிரச்சனைகள் வருவதாக செல்லப்படுகிறது.

1. நம்முடைய தகவல்கள் மிகவும் சுலபமாக திருடப்படலாம். யாராவது உங்களுடைய ஆதார் காப்பியை எடுத்தால் மட்டும் போதும். உங்களுடைய பிறந்த தேதி, ஆதார் எண், முகவரி என அனைத்தும் தெரிந்து விடும்.

2.போலி ஆதார் கார்டு உருவாக்குவதும் மிகவும் எளிதான காரியமாக உள்ளது.

ஆதார் கார்டில் அச்சிடப்பட்டுள்ள தகவல்களை யார் வேண்டுமானாலும் காப்பி செய்யலாம், எடிட் செய்யலாம், பிரிண்ட்டும் செய்ய முடியும். இதை உணர்ந்த UIDAI ஆதாரை இன்னும் பாதுகாப்பானதாக்கவும், தனி உரிமையை அதிகரிக்கவும் இந்த புது மாற்றத்தை கொண்டு வர இருக்காங்க. இனிமேல் உங்களுடைய ஆதார் கார்டை யாரிடம் கொடுத்தாலும் உங்களுடைய தனிப்பட்ட தகவல்களை யாரும் பார்க்க முடியாது. QR Code ஸ்கேன் செய்தால் மட்டுமே தகவல்களை அணுக முடியும்.

ஆதார் கார்டில் எந்த விவரமும் இல்லாமல் புகைப்படம் மற்றும் QR Code மட்டும் இருந்தால் offline verification அதாவது, ஜெராக்ஸ் காப்பி வாங்கும் பழக்கம் தானாகவே நின்று விடும்.

இந்த புதிய திட்டம் டிசம்பர் 1-ம்தேதி ஆதார் ஆணையத்தின் கூட்டத்தில் பரிசீலனைக்கு வரப்போகிறது. ஆதார் கார்டு ஜெராக்ஸ் வாங்குவதில் பெரிய சட்ட மீறலே இருக்கு. ஆதார் சட்டம் 2016-ன்படி எந்த ஒரு தனியார் நிறுவனமும் அதாவது, ஓட்டல்கள், event organisers, எந்த ஒரு தனிநபரும் ஒருத்தருடைய ஆதார் நம்பரையோ அல்லது கைரேகையையோ சரிபார்ப்பிற்காக சேகரிக்கவோ அல்லது சேமித்து வைக்கவோ கூடாது. அப்படி செய்தால் அது கிரிமினல் குற்றமாகும்.

ஆனால் நம்முடைய நாட்டில் இந்த சட்டம் காற்றில் பறக்கிறது. ஒரு ஹோட்டலில் ரூம் எடுப்பதில் இருந்து, நிகழ்ச்சிக்கு போவது வரைக்கும் எல்லாவற்றிற்கும் நம்முடைய ஆதார் கார்டின் ஜெராக்ஸை வாங்கி பைலில் போட்டு வைத்துகொள்கிறார்கள். இந்த மாதிரி சேமித்து வைக்கப்படுகின்ற நம்முடைய தனிப்பட்ட விவரங்கள் ரொம்ப சுலபமா தவறான நபர்களிடம் செல்வதற்கு அதிக வாய்ப்புகள் உள்ளது.

அதை வைத்து நமது பெயரில் வங்கியில் கணக்கு ஆரம்பிப்பது, சிம் கார்டு வாங்குவது போன்ற பல மோசடிகள் நடக்க அதிக வாய்ப்புகள் உள்ளது. இந்த புது QR Cord ஆதார் கார்டு வந்த இந்த பிரச்சனைகளுக்கு ஒரு தீர்வு கிடைக்கும்.

இனிமேல் ஒருவருடைய விவரங்களை சரிபார்க்க வேண்டும் என்றால் அவங்க அந்த QR Cordஐ ஸ்கேன் பண்ணால் மட்டும் போதும். அதனால் ஆதார் ஆணையத்தால் டிஜிட்டல் முறையில் கையெழுத்திடப்பட்ட பாதுகாப்பான விவரங்கள் தெரியும். இதுல ஒருவருடைய வயதை மட்டும் சரிபார்க்க வேண்டும் என்றால் அதற்கு ஏற்ற மாதிரி ஒரு வரையறுக்கப்பட்ட தகவலை மட்டும் Share செய்யும் வசதியும் இருக்கு. இதனால் நம்முடைய முழு விவரங்களும் தேவையில்லாதவர்கள் கைக்கு போவது தடுக்கப்படும். நம்முடைய பிரைவசி பாதுகாப்பாக இருக்கும். ஆக இந்த UIDAI யின் இந்த புதிய முயற்சி ஆதார் கார்ட்டை இன்னும் பாதுகாப்பான நவீனமான ஒரு அடையாள அட்டையாக மாற்றப்போகிறது. pepper less அதாவது காகிதம் இல்லாத சரிபார்ப்பை இது ஊக்குவிக்கும்.

இது நம்முடைய தனிப்பட்ட விவரங்களை பாதுகாப்பதில் ஒரு மைல்கல்லாகவே இருக்கும் என்பதில் சந்தேகமில்லை. இப்போதைக்கு இது ஒரு திட்டமாகத்தான் இருக்கு. டிசம்பர் 1-ம்தேதி நடக்க உள்ள மீட்டிங்கிக்கு பிறகு தான் இது எப்போது அமலுக்கு வரும், எப்படி செயல்படுத்த போகிறார்கள் என்பது குறித்த முழு விவரமும் தெரியவரும்.

ஆனால் ஒன்று மட்டும் நிச்சயம், இனிமேல் தேவையில்லாத இடங்களில் நம்முடைய ஆதார் கார்டு ஜெராக்ஸை கொடுக்கும் பழக்கத்தை நாம் நிறுத்திக்கொள்ள வேண்டும். நம்முடைய பாதுகாப்பு நம்முடைய கையில் தான் இருக்கு.