ஜாக்பாட் ஆஃபர்..! 4-வது நாளாக சரிந்தது தங்கம் விலை.!

தங்கத்தின் விலை கடந்த வாரத்தில் திடீர் உயர்வை சந்தித்த நிலையில், இந்த வாரத்தின் தொடக்கத்தில் இருந்தே சரிவை நோக்கி பயணித்து வருகிறது. குறிப்பாக நேற்று மட்டும் இரண்டு முறை தங்கத்தின் விலை சரிந்தது.

தொடர்ந்து 3-வது நாளாக தங்கம் விலை சரிந்துள்ள நிலையில், வெள்ளி விலை நேற்று கிராமுக்கு ரூ.5 குறைந்தது. கடந்த வாரத்தில் மட்டும் ரூ.6,000-க்கும் மேல் உயர்ந்த தங்கத்தின் விலை, கடந்த 3 நாட்களில் ரூ.3,600 வரை சரிந்துள்ளது. தங்கத்தின் இந்த சரிவு, இல்லத்தரசிகளுக்கு மகிழ்ச்சியை ஏற்படுத்தியுள்ளது.

நேற்று (ஜூலை 08) தங்கம் ஒரு சவரன் ஒட்டுமொத்தமாக ரூ.1,200 சரிந்தது. இதன்படி நேற்று 22 காரட் ஒரு சவரன் ஆபரணத் தங்கத்தின் விலை ரூ.1,06,000-க்கும், ஒரு கிராம் ரூ.13,250-க்கும் விற்பனையானது. 1 கிலோ பார் வெள்ளியின் விலை ரூ.2,45,000-க்கு விற்பனையானது.

நகைப் பிரியர்களுக்கு மகிழ்ச்சி அளிக்கும் வகையில், இன்று (ஜூலை 09) தங்கத்தின் விலை அதிரடியாக சரிந்துள்ளது. 22 காரட் ஒரு சவரன் ஆபரணத் தங்கத்தின் விலை ரூ.240 குறைந்து, ரூ.1,05,760-க்கு விற்பனையாகிறது. ஒரு கிராம் தங்கம் ரூ.30 குறைந்து ரூ.13,220-க்கு விற்பனையாகிறது.

வெள்ளியின் விலை ஒரு கிராம் ரூ.5 குறைந்து, ரூ.240-க்கு விற்பனையாகிறது. ஒரு கிலோ வெள்ளி ரூ.5,000 குறைந்து ரூ.2,40,000-க்கு விற்பனையாகிறது

கடந்த ஆண்டு இதே நாள் ஜூலை 9-ல் 1 சவரன் தங்கம் ரூ.72,000-க்கும், 1 கிராம் ரூ.9,000-க்கும் விற்பனையானது. இன்றைய விலையோடு இதனை ஒப்பிட்டால், ஓராண்டில் தங்கத்தின் விலை கிட்டத்தட்ட பாதியளவு உயர்ந்துள்ளது.

2025 ஜூலை 9-ல் 1 கிராம் வெள்ளி ரூ.120-க்கு விற்பனையானது. இன்றைய விலையோடு ஒப்பிட்டால், ஓராண்டில் வெள்ளியின் விலை இருமடங்காக அதிகரித்துள்ளது. இதனால் தான் தங்கம் மற்றும் வெள்ளி முதலீட்டை பொருளாதார நிபுணர்கள் ஊக்குவித்து வருகின்றனர்.

கடந்த 5 நாட்களில் தங்கத்தின் விற்பனை விலை நிலவரம்:

ஜூலை 08: 1 கிராம் - ரூ.13,250 1 சவரன் ரூ.1,06,000

ஜூலை 07: 1 கிராம் - ரூ.13,400 1 சவரன் ரூ.1,07,200

ஜூலை 06: 1 கிராம் - ரூ.13,560 1 சவரன் ரூ.1,08,480

ஜூலை 05: 1 கிராம் - ரூ.13,700 1 சவரன் ரூ.1,09,600

ஜூலை 04: 1 கிராம் - ரூ.13,700 1 சவரன் ரூ.1,09,600

கடந்த 5 நாட்களில் வெள்ளியின் விற்பனை விலை நிலவரம்:

ஜூலை 08: 1 கிராம் - ரூ.245

ஜூலை 07: 1 கிராம் - ரூ.250

ஜூலை 06: 1 கிராம் - ரூ.250

ஜூலை 05: 1 கிராம் - ரூ.260

ஜூலை 04: 1 கிராம் - ரூ.260

தங்கம் மற்றும் வெள்ளியின் விலை தற்போது உச்சத்தில் இருந்தாலும், ஏற்ற இறக்கத்தையே சந்தித்து வருகிறது. பிரதமர் மோடியின் வலியுறுத்தலுக்குப் பின், சாமானிய மக்கள் நகை வாங்குவதைக் குறைத்துள்ளனர். இருப்பினும் தங்கத்தின் மீதான முதலீடுகள் தொடர்ந்து அதிகரித்து வருகின்றன. தற்போது அமெரிக்கா - ஈரான் இடையே மீண்டும் போர் மூண்டுள்ளதால், தங்கம் விலை மேலும் குறைய வாய்ப்புள்ளதாக தகவல்கள் கூறுகின்றன.