ரூ.10,000 சரிவு.! தங்கம் மட்டுமில்ல வெள்ளியும் குறைஞ்சிருக்கு.! செம லக் தான் இன்னிக்கு.!

இன்று (அக்டோபர் 21) 22 காரட் ஆபரணத் தங்கம் ஒரு சவரன் விலை ரூ.800 குறைந்து ரூ.1,07,120-க்கு விற்பனையாகிறது. வெள்ளி விலை அதிரடியாக ஒரு கிலோ ரூ.10,000 குறைந்து விற்பனையாகிறது.

தங்கம் விலை ஆயுத பூஜை தினத்தன்று ரூ.280 உயர்ந்த நிலையில், நேற்று விஜயதசமி தினத்தில் ரூ.640 குறைந்தது.

பண்டிகை நாட்களில் தங்கத்தின் விலை பெருமளவு குறையும் என எதிர்பார்க்கப்பட்டது. ஆனால் இந்த வாரத் தொடக்கத்தில் உயர்ந்து, அடுத்த நாளே இருமடங்குக்கும் மேல் சரிந்தது. இந்த சரிவு சிறிதளவே என்றாலும், அடுத்தடுத்த நாட்களில் விலை சரிவு தொடருமா என்ற கேள்வியை எழுப்பியுள்ளது.

நேற்றைய தங்கம் விலை நிலவரம்:

நேற்று (அக்டோபர் 20) 1 கிராம் ஆபரணத் தங்கம் ரூ.80 குறைந்து ரூ.13,490-க்கும், ஒரு சவரன் ரூ.640 குறைந்து ரூ.1,07,920-க்கும் விற்பனையானது. வெள்ளியின் விலை நேற்றும் மாற்றமின்றி 1 கிராம் ரூ.240-க்கு விற்பனையானது.

இன்றைய விலை நிலவரம்:

தங்க நகைப் பிரியர்கள் அனைவருக்கும் நிம்மதி அளிக்கும் வகையில், இன்று (அக்டோபர் 21) தங்கத்தின் விலை சரசரவென சரிந்துள்ளது. 22 காரட் ஒரு கிராம் ஆபரணத் தங்கத்தின் விலை ரூ.100 குறைந்து ரூ.13,390-க்கு விற்பனையாகிறது. ஒரு சவரன் தங்கத்தின் விலை ரூ.800 குறைந்து, ரூ.1,07,120-க்கு விற்பனையாகிறது.

வெள்ளியின் விலை ஒரு கிராம் ரூ.10 குறைந்து, ரூ.230-க்கு விற்பனையாகிறது. ஒரு கிலோ பார் வெள்ளி ரூ.10,000 குறைந்து ரூ.2,30,000-க்கு விற்பனையாகிறது.

நேற்று விஜயதசமி தினத்தில் தங்கத்தின் விலை சரிந்த சூழலில், இன்று மீண்டும் விலை சரிந்திருப்பது இல்லத்தரசிகளுக்கு ஆறுதலைக் கொடுத்துள்ளது.

தங்கத்தின் விலை கடந்த 2 நாட்களில் மட்டும் ரூ.1,440 குறைந்துள்ளது. நீண்ட நாட்களுக்குப் பிறகு வெள்ளி விலையும் கிராமுக்கு ரூ.10 குறைந்திருப்பது குறிப்பிடத்தக்கது.

சர்வதேச சந்தையில் தங்கம் மற்றும் வெள்ளி இரண்டின் விலையும் குறைந்துள்ளதாக தகவல்கள் கூறுகின்றன. ஆனால் தங்கத்தின் விலையில் ஏற்படும் ஏற்ற இறக்கம் வெள்ளியில் ஏற்படவில்லை. கடந்த சில நாட்களாக 1 கிராம் வெள்ளி ரூ.245-க்கு விற்பனையாகி வந்தது. அதன்பிறகு 1 கிராமுக்கு ரூ.5 குறைந்து ரூ.240-க்கு விற்பனையானது. இந்நிலையில் இதற்குப் பின் மீண்டும் வெள்ளி விலை மாற்றமில்லாமல் விற்பனையாகி வருகிறது.

தங்கத்தின் விலை ஏற்ற இறக்கத்துடன் விற்பனையாவதால், ரூ.1 லட்சத்துக்கு கீழே வருமா என்ற சந்தேகம் எழுந்துள்ளது. இப்போது விலையில் சற்று தடுமாற்றம் இருந்தாலும், விரைவில் விலை உயர்ந்து தங்கம் விலை ரூ.2 லட்சத்தை எட்டும் என பொருளாதார வல்லுநர்களும், நகைக் கடை வியாபாரிகளும் தொடர்ந்து தெரிவித்து வருகின்றனர்.

ஆனால் இந்தக் கணிப்புகள் மெய்யாகுமா அல்லது சாமானிய மக்கள் எதிர்பார்ப்பது போல விலை குறையுமா என்பதைப் பொறுத்திருந்து தான் பார்க்க வேண்டும்.