முதல் நாளே ரூ.5,000 சரிந்த வெள்ளி.. எகிறிய தங்கம்: தலைகீழாக மாறிய மார்க்கெட்.!

உலகப் பொருளாதார சந்தையில் ஏற்படும் அதிரடியான மாற்றங்கள், தங்கத்தின் விலையை பெருமளவு உயர்த்தியுள்ளன. இதுதவிர அமெரிக்கா - ஈரான் இடையேயான போர் நடவடிக்கைகளும் தங்கத்தின் விலையில் மாற்றத்தை ஏற்படுத்தியது.

ஆகஸ்ட் மாதத் தொடக்க வாரத்தில் தங்கத்தின் விலை ஓரளவு சரிந்தது. ஆனால் 2வது, 3வது வாரத்தில் தங்கத்தின் விலை திடீர் உயர்வை சந்தித்து ரூ.10,000-க்கும் மேல் உயர்ந்தது. ஆனால் ஆகஸ்ட் மாத கடைசி வாரத்தில் தங்கத்தின் விலை ஓரளவு குறைந்தது. இதனால் இல்லத்தரசிகளுக்கு சற்று ஆறுதல் கிடைத்தது. நேற்று மாதத்தின் கடைசி நாளில் ஒரு சவரன் தங்கம் ரூ.1,080 குறைந்தது.

நேற்றைய விலை நிலவரம்:

நேற்று (ஆகஸ்ட் 31) தங்கத்தின் விலை ஒரு கிராம் ரூ.1,080 குறைந்து 14,370-க்கும், ஒரு சவரன் ரூ.1,080 குறைந்து ரூ.1,14,960-க்கும் விற்பனையானது. வெள்ளி விலை 1 கிராம் மாற்றமின்றி ரூ.260-க்கு விற்பனையானது.

இன்றைய நிலவரம்:

தங்க நகைப் பிரியர்களுக்கு அதிர்ச்சி அளிக்கும் வகையில், இன்று (செப்டம்பர் 1) தங்கத்தின் விலை கிடுகிடுவென உயர்ந்துள்ளது. 22 காரட் ஒரு சவரன் ஆபரணத் தங்கத்தின் விலை ரூ.120 உயர்ந்து, ரூ.1,15,080-க்கு விற்பனையாகிறது. ஒரு கிராம் தங்கம் ரூ.15 உயர்ந்து ரூ.14,385-க்கு விற்பனையாகிறது.

வெள்ளியின் விலை ஒரு கிராம் ரூ.5 குறைந்து, ரூ.255-க்கு விற்பனையாகிறது. ஒரு கிலோ பார் வெள்ளி ரூ.5,000 குறைந்து ரூ.2,55,000-க்கு விற்பனையாகிறது.

ஆகஸ்ட் மாதத்தில் தங்கத்தின் விலை ஏற்ற இறக்கத்தை சந்தித்தாலும், ஒட்டுமொத்தமாக பார்த்தால், ஒரு சவரனுக்கு ரூ.15,000-க்கும் மேல் உயர்ந்துள்ளது. இந்நிலையில் செப்டம்பர் மாதத்திலாவது தங்கத்தின் விலை குறையுமா என்ற எதிர்பார்ப்பு அதிகரித்துள்ளது. இருப்பினும் இதற்கான வாய்ப்புகள் குறைவு தான். தொடக்கத்தில் சரிந்தாலும், அடுத்தடுத்த நாட்களில் உயர்ந்து விடும் என கூறப்படுகிறது.

கடந்த 5 நாட்களில் தங்கத்தின் விலை:

ஆகஸ்ட் 31: 1 கிராம் - ரூ.14,370 1 சவரன் ரூ.1,14,960

ஆகஸ்ட் 30: 1 கிராம் - ரூ.14,505 1 சவரன் ரூ.1,16,040

ஆகஸ்ட் 29: 1 கிராம் - ரூ.14,505 1 சவரன் ரூ.1,16,040

ஆகஸ்ட் 28: 1 கிராம் - ரூ.14,800 1 சவரன் ரூ.1,18,400

ஆகஸ்ட் 27: 1 கிராம் - ரூ.14,725 1 சவரன் ரூ.1,17,800

கடந்த 5 நாட்களில் வெள்ளியின் விலை:

ஆகஸ்ட் 31: 1 கிராம் - ரூ.260

ஆகஸ்ட் 30: 1 கிராம் - ரூ.260

ஆகஸ்ட் 29: 1 கிராம் - ரூ.260

ஆகஸ்ட் 28: 1 கிராம் - ரூ.265

ஆகஸ்ட் 27: 1 கிராம் - ரூ.265

ஒரு மாதத்திற்கு முன்பு ஆகஸ்ட் 1-ல் தங்கத்தின் விலையானது ஒரு சவரன் ரூ.1,05,760-க்கு விற்பனையானது. வெள்ளி விலை ஒரு கிராம் ரூ.235-க்கு விற்பனையானது. ஒரு வருடத்திற்கு முன்பு 2025 செப்டம்பர் 1-ல் ஒரு சவரன் ரூ.77,640-க்கு விற்பனையானது. வெள்ளி விலை ஒரு கிராம் ரூ.136-க்கு விற்பனையானது.

கடந்த கால விலை நிலவரங்களை இன்றைய விலையோடு ஒப்பிட்டுப் பார்த்தால், தங்கம் மற்றும் வெள்ளி முதலீட்டின் முக்கியத்துவத்தை நம்மால் புரிந்து கொள்ள முடியும்.