மதுப் பிரியர்களுக்கு செக் வைத்த டாஸ்மாக்! ரூ.500 தாண்டுனா இனி டிஜிட்டல் தான்!

மது கடைகளில் கூடுதல் பணம் வசூலிப்பதை தடுக்க, 500 ரூபாய் வரை மட்டும் ரொக்க பணமாகவும், அதற்கு மேல் 'டிஜிட்டல்' பரிவர்த்தனையிலும் பெற, 'டாஸ்மாக்' நிறுவனம் முடிவு செய்துள்ளது.

தமி​ழ​கத்​தில் 4,000 டாஸ்​மாக் கடைகள் உள்​ள நிலையில், மதுபான ஆலைகளில் இருந்து, மதுக்கடையில், 'குடி'மகன்களிடம் மது விற்பது வரை, அனைத்து செயல்பாடுகளையும், முழு கணினிமயமாக்கும் திட்ட பணியை, டாஸ்மாக் நிறுவனம், 2024-ல் செயல்படுத்தியது.

இத்திட்டத்தின் கீழ், கடையில் விற்கப்படும் ஒவ்வொரு மது பாட்டிலும், கையடக்க வடிவில் உள்ள கருவியில், 'ஸ்கேன்' செய்து விற்கப்படுகிறது. இதன் வாயிலாக, 'கியூ.ஆர். குறியீடை ஸ்கேன்' செய்து, டிஜிட்டல் முறையிலும் பணம் செலுத்தலாம்.

இருப்பினும், டாஸ்மாக் போன்ற அரசு மதுபானக் கடைகளில் தினசரி சராசரியாக ரூ.150 கோடி வரையிலும், வார இறுதி நாட்கள் மற்றும் பண்டிகை காலங்களில் அதைவிட அதிகமாகவும் விற்பனை உள்ள நிலையில், 80 சதவீதத்திற்கு மேல் ரொக்கப் பணமாகவே (Cash) வசூலிக்கப்படுகிறது.

அந்த பணத்தை பணியாளர்கள், கடைகளில் இருப்பு வைத்து, அடுத்த நாள் வங்கியில் செலுத்துகின்றனர். அவ்வாறு எடுத்துச் செல்லும் பணத்தை கொள்ளை அடிக்கும் சம்வங்களும் அடிக்கடி நடந்தேரி வருகிறது.

தற்போது, மது பிரியர்கள் தாங்கள் விரும்பும் மது வகைகளை, டாஸ்மாக் இணையதளத்தில் தேர்வு செய்து, அதன் வாயிலாகவே பணமும் செலுத்தி, அதற்கான குறியீட்டை கடைகளில் காட்டி, மது வகைகள் வாங்கலாம்.

இந்த முறையில் வாங்குவோருக்கு, மது பாட்டில்களை வழங்க தாமதம் செய்யப்படுவதாக புகார்கள் எழுகின்றன. இதற்கு, ரொக்க பணம் வசூலிக்க, பணியாளர்கள் ஆர்வம் காட்டுவதே முக்கிய காரணமாக இருப்பதாக, டாஸ்மாக் கண்டறிந்துள்ளது.

தற்போது பெரும்பாலான இடங்களில் டிஜிட்டல் பரிவர்த்தனைகள் (UPI, கார்டுகள்) ஊக்குவிக்கப்பட்டாலும், ரொக்கமாகப் பணம் வாங்குவதில் ஊழியர்கள் காட்டும் ஆர்வம் காரணமாகவே வாடிக்கையாளர்களுக்குப் பாட்டில்களை வழங்குவதில் தேவையற்ற காலதாமதம் மற்றும் புகார்கள் ஏற்படுவதாகத் தெரியவந்துள்ளது.

எனவே, ரொக்க பணப் புழக்கத்தை குறைத்து, டிஜிட்டல் பரிவர்த்தனையை அதிகரிக்க திட்டமிடப்பட்டு உள்ளது.

இதுகுறித்து, கூறிய டாஸ்மாக் அதிகாரி ஒருவர், ‘கடைகளில் மது பாட்டிலை கூடுதல் விலைக்கு விற்பதை தடுக்கவும், சில்லரை தட்டுப்பாட்டு போன்ற பிரச்னைகளுக்கு தீர்வு காணவும், டிஜிட்டல் பண பரிவர்த்தனை அதிகரிக்கப்பட உள்ளது.

இதற்காக, 500 ரூபாய் வரை மட்டுமே ரொக்க பணமாகவும், அதற்கு மேல் டிஜிட்டல் முறையில் வசூலிக்கவும் முடிவு செய்யப்பட்டு உள்ளது. இதுதொடர்பாக, விரைவில் கடைகளுக்கு அறிவுரைகள் வழங்கப்படும்’ என்றார்.

இதற்கிடையே, டாஸ்​மாக் கடைகளில் 25 புதிய வகை மது​பானங்​களை அறி​முகம் செய்ய திட்​ட​மிட்​டுள்​ள​தாக அதி​காரி​கள் தெரி​வித்துள்ளனர்.

தமி​ழ​கத்​தில் உள்ள 4,000 டாஸ்​மாக் கடைகளில், பிராந்​தி, விஸ்​கி, வோட்கா உள்​ளிட்ட இந்​தி​யத் தயா​ரிப்பு வெளி​நாட்டு மது வகை​களும், பீர், ஒயின் உள்​ளிட்​ட​வை​யும் விற்​பனை செய்​யப்​படு​கின்றன.

தமி​ழ​கத்​தில் தயா​ரிக்​கப்​படும் 174 மது வகை​கள், 40 பீர் வகை​கள், 4 ஒயின் வகை​கள் மற்​றும் பிற மாநில மது​பானங்​களில் 6 மது வகை​கள், 5 பீர், 5 ஒயின் வகை​கள் விற்​கப்​படு​கின்​றன. 538 வெளி​நாட்டு ரக மது வகை​களை டாஸ்​மாக் நிறு​வனம் இறக்​குமதி செய்​து, வணிக வளாகங்​களில் உள்ள மதுக்​கடைகளில் விற்​பனை செய்​கிறது.

டாஸ்மாக் கடைகளில் அவ்வப்போது புதிய மது வகைகள் அறிமுகம் செய்யப்பட்டு வருகின்றன. அந்த வகையில், புதிய வகைகளை அறிமுகப்படுத்துவது தொடர்பாக உற்பத்தியாளர்களுடன் டாஸ்மாக் அதிகாரிகள் பேச்சுவார்த்தை நடத்தி, 25 புதிய மது வகைகளை அறிமுகம் செய்யத் திட்டமிடப்பட்டுள்ளது.

தற்போது 20-க்​கும் மேற்​பட்ட நிறு​வனங்​களு​டன் நடந்த பேச்சுவார்த்தையில், 25 புதிய மது வகை​கள் தேர்வு செய்​யப்​பட்​டு, விலை நிர்​ண​யம் செய்​யும் பணி நடந்து வரு​வதால் விரைவில் மதுக்​கடைகளில் புதிய வகை மது​பானங்​கள் விற்​பனைக்கு கொண்டு வரப்​படும் என்​றனர்​.