ஒரு நிமிடம் நின்றாலும் பேராபத்து: பூமி முழுவதையும் இயக்கும் 'சூப்பர்' இயந்திரங்கள்!

இதேபோல், கூகுள் அல்லது மைக்ரோசாப்ட் போன்ற நிறுவனங்களால் இயக்கப்படும் இணையதள சேவையகங்கள், தரவு மையங்கள், உலகளாவிய தகவல் தொடர்பை உயிர்ப்புடன் வைத்திருக்கத் தடையின்றி இயங்குகின்றன. எப்போதும் தடைபடாமல் இருக்க, இந்த இயந்திரங்களுக்கான மாற்றுக்கள் (spares) ஏற்கனவே வடிவமைக்கப்பட்டிருக்கும். அதோடு தொடர்ச்சியான குளிரூட்டும் அமைப்புகள் அதிக வெப்பமடைவதைத் தடுக்கின்றன மற்றும் முன்கணிப்பு பராமரிப்பு அவை அரிதாககூட தடைபடுவதை முன்கூட்டியே அறிவிக்கின்றன.

போக்குவரத்தில் பயன்படும் இயந்திரங்கள்: போக்குவரத்து அமைப்புகளும் இடைவிடாத இயந்திரங்களைச் சார்ந்துள்ளன. சுரங்கப்பாதை ரயில்கள், விமான நிலைய ரேடார் அமைப்புகள் மற்றும் வான்வழிப் போக்குவரத்துக் கட்டுப்பாட்டுக் கணினிகள் மில்லியன் கணக்கான மக்களைப் பாதுகாப்பாக வைத்திருக்கத் தொடர்ச்சியாக இயங்குகின்றன.

எண்ணெய் சுத்திகரிப்பு நிலையங்கள், ஸ்டீல் ஆலைகள் மற்ற எடுத்துக்காட்டுகளாகும். அங்கு உலைகளையும், குழாய்களையும் எளிதில் நிறுத்தமுடியாது. காரணம் அவற்றை மீண்டும் தொடங்குவது சிக்க லும், செலவு மிக்கதும் ஆக்கும்.

பூமியைச் சுற்றி வரும் செயற்கைகோள்கள்கூட ஒருபோதும் ஓய்வெடுக்காத இயந்திரங்கள்தான்; அவை ஒவ்வொரு நொடியும் ஜிபிஎஸ், வானிலை மற்றும் தகவல் தொடர்புக்கான தகவல்களை அனுப்புகின்றன. அவற்றின் தடையற்ற செயல்பாட்டிற்குப் பின்னால் உள்ள ரகசியம்; தானியக்கம், மாற்று வசதி அமைப்புகள் மற்றும் தவறுகள் முழுமையான தோல்விகளாக மாறுவதற்கு முன்பே அவற்றைக் கணிக்கும் மனிதக் கண்காணிப்பு ஆகியவற்றில் அடங்கியுள்ளது.

எனவே, இதுபோன்ற இயந்திரங்கள் திடீரென நின்றால், அதன் தாக்கம் மிகப் பெரியதாக இருக்கும்.

ஒரு அணுமின் நிலையம் மூடப்பட்டால், அது பல்வேறு பிராந்தியங்களில் மின்வெட்டுகளை ஏற்படுத்தக்கூடும்.

ஒரு சர்வர் செயலிழந்தால், அது வங்கிப் பரிவர்த்தனைகளையோ அல்லது உலகளாவிய தகவல்தொடர்பையோ நிறுத்திவிடக்கூடும்.

விமானப் போக்குவரத்துக் கட்டுப்பாட்டு அமைப்புகளில் ஏற்படும் ஒரு சிறிய ஓய்வுகூட பயணிகளின் பாதுகாப்பிற்கு ஆபத்தை விளைவிக்கக்கூடும்.

இதனால்தான் இந்த இயந்திரங்கள், அவசரகால ஜெனெரேட்டர் முதல் அதற்கான விரைவான மாற்று வழிகள் வரை பல அடுக்கு பாதுகாப்புடன் உருவாக்கப்பட்டுள்ளன. இதன்மூலம், ஒன்று செயலிழந்தால் மற்றொன்று பொறுப்பேற்றுக்கொள்ள முடியும் என்பதுபோல் வடிவமைக்கப்பட்டுள்ளன.

சமீபத்தில் ஓய்வுக்கு வந்த இயந்திரங்கள்:

சுவாரஸ்யமாக, பல தசாப்தங்களாக இயங்கி வந்த சில இயந்திரங்கள் சமீபத்தில் ஓய்வில் வைக்கப்பட்டுள்ளன.

நாசாவின் வாயேஜர் 2 விண்கலம், கிட்டத்தட்ட 46 ஆண்டுகள் தொடர்ச்சியான செயல்பாட்டிற்குப் பிறகு, தகவல் தொடர்புச் சிக்கல்கள் காரணமாக 2023-ல் தற்காலிகமாக நிறுத்தப்பட்டு, பின்னர் மீண்டும் இயக்கப்பட்டது.

ஐரோப்பா, ஆசியா முழுவதும் உள்ள சில நிலக்கரி ஆலைகள், தூய்மையான எரிசக்தி மாற்றங்களின் ஒரு பகுதியாக நிரந்தரமாக மூடப்பட்டு, அவற்றின் நீண்ட தடையற்ற சேவைக்கு முற்றுப்புள்ளி வைத்துள்ளன.

இயந்திரங்கள் முடிவில்லாமல் இயங்க முடியும் என்றாலும், அவற்றின் இறுதி ஓய்வு என்பது தொழில்நுட்ப மேம்பாடுகள், சுற்றுச்சூழல் பாதுகாப்பு அல்லது தவிர்க்க முடியாத தேய்மானம் ஆகியவற்றால் ஏற்படுகிறது என்பதை இந்த எடுத்துக்காட்டுகள் காட்டுகின்றன.

சுருக்கமாக, உலகின் இடைவிடாமல் இயங்கும் இயந்திரங்களாக அணு உலைகள் முதல் செயற்கைக்கோள்கள் என்று பொறியியலின் அற்புதங்களாக திகழ்கின்றன. அவற்றின் தொடர்ச்சியான செயல்பாடு நவீன வாழ்க்கைக்கு ஆதாரமாக விளங்குகிறது. அதேநேரம், அவற்றின் அரிதான இடைநிறுத்தங்கள் அவற்றின் முக்கியத்துவத்தையும், அவற்றின் பலவீனத்தையும் நமக்கு நினைவூட்டுகின்றன.