உலக எலெக்ட்ரானிக்ஸ் சந்தையைக் கைப்பற்றும் நாடுகள்: இந்தியாவின் மாபெரும் வளர்ச்சி!

ஸ்மார்ட்போன் முதல் சிப்ஸ் வரை - உலகளாவிய உற்பத்தியில் சீனா, தைவான் மற்றும் இந்தியாவின் பங்கு என்ன?

எலெக்ட்ரானிக்ஸ் உற்பத்தி - Electronics Manufacturing

எஸ். சந்திர மௌலி (S Chandra Mouli) எஸ். சந்திர மௌலி கடந்த நாற்பதாண்டுகளாக கல்கி குழும பத்திரிகைகளில் எழுதிவரும் மூத்த பத்திரிகையாளர். கல்கி வெளியிட்ட பல்வேறு சிறப்பிதழ்கள், மற்றும் தீபாவளி மலர்கள், தொழில் மலர்கள், விடுமுறை மலர்களுக்காக இந்தியாவின் பல்வேறு பகுதிகளுக்கும் பயணம் செய்தவர். 2008ல் கல்கி வெளியிட்ட “குஜராத் டுடே” சிறப்பிதகளுக்காக ஒரு வார காலம் குஜராத் முழுவதும் பயணித்து, குஜராத்தின் வளர்ச்சியை நேரில் கண்டு, எழுதியவர். சமூக அக்கறையோடு கல்கி மேற்கொண்ட “மாதம் ஒரு மாவட்டம்” திட்டத்தில் தமிழ்நாட்டின் பல்வேறு மாவட்டங்களுக்கும் பயணித்து பங்களித்தவர். வாஜ்பாய், வி.பி.சிங் தொடங்கி மன்மோகன் சிங், நரேந்திர மோடி வரை ஏழு இந்தியப் பிரதமர்களை சந்தித்து பேட்டி கண்டவர். எல்.கே.அத்வானி, முரளி மனோகர் ஜோஷி, என்.டி.ஆர், ஜோதி பாசு, வெங்கையா நாயுடு, நிர்மலா சீதாராமன், சிவாஜி கணேசன், ரஜினி காந்த், கமலாசன், ஜெமினிகணேசன், சூர்யா, மணிரத்னம், கிரிக்கெட்டர் ஸ்ரீக்காந்த், விக்கு வினாயகராம். உமையாள்புரம் சிவராமன், வயலின் கன்யாகுமரி, ஜெயகாந்தன், நாஞ்சில் நாடன், கவிஞர் வைரமுத்து, கவிஞர் மு.மேத்தா, நா. முத்துகுமார், சோ ராமசாமி என பல்துறைப் பிரபலங்களையும் பேட்டி கண்டு எழுதியவர். இயக்குனர் ஸ்ரீதர், நடிகர் நாகேஷ், ஓவியர் கோபுலு, இயக்குனர் எஸ்பி. முத்துராமன், திருமதி ஒய்,ஜி.பி. ஃபிலிம் நியூஸ் ஆனந்தன், நடிகர் ஏ.ஆர்.எஸ். மெஜிக் நிபுணர் லால் உள்ளிட்ட பலரது வாழ்க்கை அனுபவங்களை இவர் தொடராக எழுதி, அவை பின்னர் புத்தகங்களாக வெளியாகி உள்ளன. இயக்குனர் மணிரத்னத்தின் பொன்னியின் செல்வன் திரைப்படம் வெளியானபோது, இளைய தலைமுறையினருக்கு அமரர் கல்கி பன்முகச் சாதனை வாழ்க்கையை அறிமுகப்படுத்தும் நோக்கத்துடன் “கல்கி-பொன்னியின் செல்வர்” என்ற தலைப்பில் அவரது வாழ்க்கை வரலாற்றை சுவைபட எழுதியவர். பெண்சிசுக் கொலை தொடர்பான கட்டுரைக்கு “லாட்லி விருதும்”, ரோட்டரி சங்கத்தின் “சாதனை விருதும்” பெற்றவர். தற்போது madraspaper இணைய வார இதழில் “ஓரு குடும்பக் கதை: என்ற தலைப்பில் இந்திய அரசியலில் நேரு குடும்பத்தின் பங்களிப்பு குறித்த நெடுந்தொடர் ஒன்றை எழுதி வருகிறார். சோ குறித்த ஒரு புத்தகத்தை எழுதிக் கொண்டிருக்கிறார்.

Updated on:

29 Sep 2026, 5:10 am

காலையில் நாம் எழுந்தவுடன் பார்க்கும் மொபைல் போன், கணினி, தொலைக்காட்சி, ஸ்மார்ட்வாட்ச் முதல் காருக்குள் இருக்கும் எலெக்டிரானிக்ஸ் சாதனங்கள் வரை, எதுவாக இருந்தாலும் அதன் பின்னால் ஒரு மிகப்பெரிய உலகளாவிய தொழில்துறை வலைப்பின்னல் இருக்கிறது. உலகில் எலக்ட்ரானிக்ஸ் பொருட்களை அதிக அளவில் தயாரிக்கும் நாடுகள் எவை?

சமீபத்திய தரவுகளின்படி, சீனா, உலகின் டிஜிட்டல் ஹார்டுவேர் உற்பத்தித் திறனில் 58.8 சதவீதத்தைக் கொண்டுள்ளது. அதாவது, உலகின் எலக்ட்ரானிக்ஸ் உற்பத்தி வரைபடத்தில் சீனா மிகப்பெரிய மையமாகத் திகழ்கிறது. அடுத்த இடங்களில் தைவான் 10.2%, தென் கொரியா 6.7%, ஜப்பான் 4.8%, இந்தியா 3.8% ஆகியவை உள்ளன.

1.சீனா – உலகின் மிகப்பெரிய எலெக்ட்ரானிக்ஸ் உற்பத்தி தொழிற்சாலை

உலக எலக்ட்ரானிக்ஸ் உற்பத்தியில் சீனாவின் ஆதிக்கம் அபரிமிதமானது. ஸ்மார்ட்போன், கணினி, தொலைக்காட்சி,பிரின்டட் சர்கியூட் போர்டு, எலெக்டிரானிக்ஸ் உதிரி பாகங்கள் என பல்வேறு துறைகளிலும் சீனா மிகப்பெரிய உற்பத்தி தளமாக உள்ளது. 2024-ல் சீனாவின் எலெக்டிரானிக்ஸ் துறை உற்பத்தி மதிப்பு சுமார் 801 பில்லியன் அமெரிக்க டாலர் என மதிப்பிட்டுள்ளது. மேலும், அந்த ஆண்டில் சீனாவின் எலெக்டிரானிக்ஸ் பொருட்கள் ஏற்றுமதி 887 பில்லியன் டாலர் ஆகும்.

2. தைவான் – சிறிய நாடு, மிகப்பெரிய சிப் சக்தி

பரப்பளவில் சிறிய தைவான், உலகின் மிக முக்கியமான செமிகண்டக்டர் மையங்களில் ஒன்று. குறிப்பாக உயர் நவீன சிப்ஸ் தயாரிப்பில் அதன் பங்கு மிகப்பெரியது. இதனால் ஒரு மொபைல் போன் அல்லது கணினி எந்த நாட்டில் அசெம்பிள் செய்யப்பட்டிருந்தாலும், அதற்குள் இருக்கும் முக்கிய சிப் வேறு ஒரு நாட்டில் குறிப்பாக தைவானில் தயாரிக்கப்பட்டிருக்கலாம்.

3. தென் கொரியா – சாம்சங் முதல் மெமரி சிப்ஸ் வரை

தென் கொரியா எலெக்டிரானிக்ஸ் உலகில் மற்றொரு மிகப்பெரிய சக்தி. சாம்சங் போன்ற நிறுவனங்களின் மூலம் ஸ்மார்ட் போன்கள், டெலிவிஷன் செட்கள், டிஸ்பிளே போர்டுகள், மெமரி சிப்ஸ் மற்றும் செமிகண்டக்டர் துறைகளில் அந்த நாடு முன்னிலையில் உள்ளது. 2024-ல் தென் கொரியாவின் எலெக்டிரானிக்ஸ் உற்பத்தி சுமார் 162 பில்லியன் டாலர் என மதிப்பிடப்பட்டது.

எலெக்ட்ரானிக்ஸ் உற்பத்தி - Electronics Manufacturing

4. ஜப்பான் – தரத்துக்கும் காம்பொனென்டுகளுக்கும் பெயர் பெற்றது.

ஒருகாலத்தில் சோனி, பானசானிக், டொஷிபா போன்ற நுகர்வோர் எலெக்டிரானிக்ஸ் நிறுவனங்களால் உலக சந்தையை ஆக்கிரமித்திருந்த ஜப்பான், இன்று தனது கவனத்தை பல உயர்தர எலெக்டிரானிக்ஸ் காம்பொனென்டுகள், சென்சார்கள், செமிகண்டக்டர்கள் துறைகளில் செலுத்துகிறது.

2024-ல் ஜப்பானின் இன்டகிரேடட் சர்கியூட்ஸ், மற்றும் இதர எலெக்டிரானிக்ஸ் பொருட்கள் ஏற்றுமதி மட்டும் சுமார் 32.5 பில்லியன் டாலர்.

5. இந்தியா – வேகமாக வளர்ந்து வரும் புதிய மையம்

இந்தியா எலெக்டிரானிக்ஸ் துறையில் இப்போது மிகவும் கவனிக்கத்தக்க நாடாக மாறியுள்ளது. 2024–25 தரவுகளின்படி டிஜிட்டல் ஹார்டுவேர் உற்பதியில் இந்தியா 3.8% பங்குடன் ஐந்தாவது இடத்தில் உள்ளது; 2024-ல் இந்தியாவின் எலெக்டிரானிக்ஸ் உற்பத்தி சுமார் 49 பில்லியன் டாலர் என மதிப்பிடப்பட்டுள்ளது. அரசின் உற்பத்தி ஊக்கத் திட்டங்கள் மற்றும் பெரிய நிறுவனங்களின் முதலீடுகள் காரணமாக இந்தத்துறை வேகமாக வளர்ந்து வருகிறது.

இதையும் படியுங்கள்:

மாணவர்கள் பள்ளியில் தூங்க உறங்கும் மேசைகள்… சீனாவின் அசத்தல் திட்டம்!

6. வியட்நாம் – மொபைல் போன்களின் புதிய மையம்

குறைந்த உற்பத்திச் செலவு, ஏற்றுமதிக்கு ஏற்ற சூழல் மற்றும் பெரிய சர்வதேச நிறுவனங்களின் முதலீடுகள் காரணமாக வியட்னாம் இந்தத் துறையில் வேகமாக வளர்ந்து வருகிறது. 2024-ல் அதன் எலெக்டிரானிக்ஸ் துறை உற்பத்தி சுமார் 41 பில்லியன் டாலர். குறிப்பாக மொபைல் போன் உற்பத்தியில் வியட்னாம் முக்கிய மையமாக உருவெடுத்துள்ளது.

அமெரிக்கா எங்கே?

அமெரிக்கா உலகின் மிகப்பெரிய தொழில்நுட்பம் மற்றும் செமிகண்டக்டர் நிறுவனங்களின் தாயகமாக இருந்தாலும், மொத்த எலெக்டிரானிக்ஸ் துறை உற்பத்தித் திறன் என்று பார்த்தால், அதன் பங்கு சீனா மற்றும் கிழக்கு ஆசிய நாடுகளைவிட குறைவாக உள்ளது. 2024–25 டிஜிட்டல் ஹார்டுவேர் உற்பதி தரவரிசையில் அமெரிக்கா 2.9% பங்குடன் ஏழாவது இடத்தில் உள்ளது.

இந்தத் தரவு சார்ந்த பகுப்பாய்வை வாசிப்பதன் மூலம், அன்றாடம் நாம் பயன்படுத்தும் டிஜிட்டல் சாதனங்களின் பின்னணியில் உள்ள உலகளாவிய விநியோகச் சங்கிலியைப் புரிந்து கொள்ள முடியும். மேலும், வரவிருக்கும் ஆண்டுகளில் எலெக்ட்ரானிக்ஸ் மற்றும் செமிகண்டக்டர் துறையில் இந்தியா உருவாக்கப்போகும் புதிய வேலைவாய்ப்புகள் மற்றும் பொருளாதாரப் பாய்ச்சலை மிகத் தெளிவாகக் கணிக்கும் வல்லமையைப் பெறலாம்.

இதையும் படியுங்கள்:

உணவு முதல் சக்திவாய்ந்த பாஸ்போர்ட் வரை: உலகின் 4 அதிசய நாடுகளின் சுவாரஸ்ய ரகசியங்கள்!

electronic devices