தங்கம் ஏன் மஞ்சள் நிறத்தில் ஜொலிக்கிறது தெரியுமா? இந்த ஷாக்கிங் உண்மையை படிங்க!

உலகில் உள்ள பெரும்பாலான உலோகங்கள் வெள்ளி அல்லது சாம்பல் நிறத்திலேயே காணப்படுகின்றன. ஆனால் தங்கம் மட்டும் எப்போதுமே தனித்துவமான ஒரு பிரகாசமான மஞ்சள் நிறத்தில் மிகவும் அழகாக மின்னுவதை நாம் அனைவரும் பார்த்திருக்கிறோம். இதற்குப் பின்னால் ஒரு மிகச் சிறந்த அறிவியல் மறைந்துள்ளது. 

இந்த விலைமதிப்பற்ற உலோகம் எப்படி இந்த அற்புத நிறத்தைப் பெறுகிறது மற்றும் இதன் அறிவியல் பின்புலம் என்ன என்பதைப் பற்றி இப்போது பார்ப்போம். 

ஒளியின் செயல்பாடு! 

சூரிய ஒளியானது பலவிதமான நிறங்களைக் கொண்ட ஒரு பெரிய கலவையாகும். ஒரு பொருளின் மீது வெளிச்சம் படும்போது அது சில வண்ணங்களை முழுமையாக உள்வாங்கிக்கொண்டு மற்றவற்றை வெளியே பிரதிபலிக்கிறது. அந்தப் பிரதிபலிக்கும் வண்ணமே நமது கண்களுக்குத் தெளிவாகத் தெரிகிறது. 

அலுமினியம் போன்ற சாதாரண உலோகங்கள் அனைத்து ஒளியையும் சமமாகப் பிரதிபலிப்பதால் அவை வெள்ளையாகத் தெரிகின்றன. ஆனால் தங்கம் ஒளியை மிகவும் வித்தியாசமான முறையில் கையாளுகிறது. இதுவே இதன் பிரத்யேகமான தனிச் சிறப்பிற்கு முதல் முக்கிய காரணமாக அமைகிறது.

வண்ணங்களை ஈர்க்கும் தன்மை!

இந்த உலோகம் தன் மீது படும் நீலம் மற்றும் ஊதா நிறக் கதிர்களை முழுமையாகத் தனக்குள் ஈர்த்துக்கொள்கிறது. அதே நேரத்தில் சிவப்பு, ஆரஞ்சு, மஞ்சள் நிறங்களை மட்டும் எவ்வித தடையுமின்றி வெளியே அணுப்புகிறது. இந்த வெளியேற்றப்படும் கதிர்களே நமது மூளைக்கு அந்த அற்புதமான மஞ்சள் தோற்றத்தைக் கொடுக்கின்றன. 

இதனால் தான் தங்கத்தின் நிறம் மற்ற உலோகங்களில் இருந்து முற்றிலும் மாறுபட்டு மிகவும் தனித்துவமாகத் தெரிகிறது. தங்கம் என்ற உலோகத்திற்குள் இயற்கையாகவே மஞ்சள் என்ற எந்தவொரு தனிப் பொருளும் ஒட்டிக்கொண்டு கிடையாது என்பது தான் உண்மை.

அணுக்களின் ஆற்றல்! 

இதன் அணு அமைப்பும் இந்த நிறத்திற்கு ஒரு மிக முக்கியக் காரணமாகும். தங்கத்தின் அணு எண் 79. இதன் மையப்பகுதியில் உள்ள 79 புரோட்டான்கள் எலக்ட்ரான்களை மிகவும் வலிமையாகத் தங்களை நோக்கி ஈர்த்து வைத்துக்கொள்கின்றன.

ஒளியை உள்வாங்கும்போது இந்த எலக்ட்ரான்கள் ஒரு நிலையிலிருந்து மற்றொரு நிலைக்குத் தாவிச் செல்கின்றன. இந்த ஆற்றல் மாற்றமே ஒளியில் எதை ஈர்க்க வேண்டும் என்பதை முடிவு செய்கிறது. இந்த எலக்ட்ரான்களின் துள்ளல் மிகவும் விசித்திரமான ஒரு நிகழ்வாகும்.

சார்பியல் கோட்பாட்டு!

ஆல்பர்ட் ஐன்ஸ்டீன் அவர்களின் புகழ்வாய்ந்த சார்பியல் கோட்பாடு (Theory of Relativity) இதற்குக் கூடுதல் விளக்கம் அளிக்கிறது. எலக்ட்ரான்கள் ஒளியின் வேகத்திற்கு இணையாக அணுக்கருவின் அருகே மிக வேகமாகச் சுற்றுவதால் அவற்றின் ஆற்றல் நிலைகளில் பெரிய மாறுபாடுகள் ஏற்படுகின்றன. 

இந்த அறிவியல் மாற்றங்கள் மட்டும் நடக்கவில்லை என்றால் இதுவும் வெறும் வெள்ளி உலோகத்தைப் போலவே சாதரணமாக காட்சியளிக்கும். இதுவே இயற்கையின் மாபெரும் அறிவியல் விந்தையாகும். இந்த அபாரமான சுழற்சி வேகம் தான் எல்லாவற்றிற்கும் அடிப்படையான காரணமாக உலகெங்கும் பார்க்கப்படுகிறது.

முழுமையாகத் தூய்மையான 24 கேரட் தங்கம் மிகவும் அடர்த்தியான மஞ்சள் தோற்றத்தைக் கொண்டிருக்கும். ஆனால் நகைக்கடைகளில் ஆபரணங்கள் செய்யும்போது இதனுடன் செம்பு மற்றும் வெள்ளி போன்ற மற்ற கடினமான உலோகங்களைக் கலக்கிறார்கள். அதிகமாகச் செம்பு கலக்கப்படும்போது லேசான இளஞ்சிவப்பு அல்லது சிவப்பு சாயல் நகைகளில் கிடைக்கிறது. 

ஆக இயற்கை, அறிவியல் இரண்டும் இணைந்தே இந்த தங்கத்தின் நிறம் உலகெங்கும் பலரை ஈர்க்கும் வகையில் அமையக் காரணமாக உள்ளன.