மண்ணை வளமாக்கும் வொம்பாட்களின் தனிப்பட்ட சிறப்புகள்!

ஒவ்வொரு ஆண்டும் அக்டோபர் 22ம் நாளன்று ‘பன்னாட்டு வொம்பாட்டுகள் நாள்' (International Wombat Day) கொண்டாடப்பட்டு வருகிறது. ஆஸ்திரேலியாவைப் பூர்வீகமாகக் கொண்ட அழகான, கரடி போன்ற உயிரினமான வொம்பாட்களைப் பாதுகாக்க வேண்டுமென்கிற நோக்கத்துடன் இந்நாள் கடைப்பிடிக்கப்படுகிறது.

2005ம் ஆண்டில் ஒரு வொம்பாட் ஆர்வலர் இந்த விலங்குகள் கோலாக்களைப் போலவே தங்களுக்கென ஒரு சிறப்பு நாளைக் கொண்டிருக்க வேண்டும் என்று விரும்பினார். இந்த நாளில் உலகம் முழுவதுமிருக்கும் மக்கம் வொம்பாட் இனங்களைப் பற்றி அறிந்திடவும், அவற்றின் வாழ்வியலை அறிந்து கொள்வதுடன், அவற்றின் வாழ்விடங்களைப் பாதுகாப்பதற்கான முயற்சிகளை ஆதரிக்கவும் ஊக்குவிக்க வேண்டும் என்று குறிப்பிட்டதுடன், ஆஸ்திரேலியாவின் வசந்த கால நடவு பருவத்தின்போது, வொம்பாட்கள் சுறுசுறுப்பாக இருக்கும், புற்கள் மற்றும் வேர்களைத் தேடும் அழகைக் காண முடியும். எனவே, இந்த நடவுக் காலத்துடன் ஒத்துப் போகும் அக்டோபர் 22ம் நாளை வொம்பாட்டுகளுக்கான நாளாகத் தேர்வு செய்தார்.

வொம்பாட்டுகள் அவற்றைத் தனித்து நிற்க வைக்கும் தனித்துவமான அம்சங்களைக் கொண்ட கண்கவர் உயிரினங்கள் என்று சொல்லலாம். வொம்பாட்டுகள் குறித்த சில வேடிக்கையான உண்மைகளைப் பார்க்கலாம்.

* வொம்பாட்டுகள் தோண்டும்போது அழுக்கு வெளியே வராமல் இருக்க வொம்பாட்கள் பின்புறமாக எதிர்கொள்ளும் பையைக் கொண்டுள்ளன. இந்த வடிவமைப்பைப் பெண் வொம்பாட்டுகள் தங்கள் குஞ்சுகளை தங்கள் துளைகளில் பாதுகாக்க உதவுகிறது.

* வொம்பாட்கள் கனசதுர வடிவ மலத்தை உற்பத்தி செய்கின்றன. அவை ஒரு நாளைக்கு 100 துகள்களை மலமாக வெளியேற்றுகின்றன.

* ஒரு வொம்பாட் உணவை ஜீரணிக்க 14 நாட்கள் வரை ஆகும். அவற்றின் மெதுவான வளர்சிதை மாற்றம் புல் மற்றும் பட்டை போன்ற கடினமான தாவரங்களில் உயிர் வாழ உதவுகிறது.

* வொம்பாட்டுகள் ஆபத்திலிருந்து தப்பிக்க குறுகிய வேகத்தில் மணிக்கு 40 கிலோ மீட்டர் வேகத்தில் ஓடக்கூடிய திறன் படைத்தவை.

* வொம்பாட்கள் தங்கள் வலுவான கால்கள் மற்றும் கூர்மையான நகங்களால் விரிவான துளை அமைப்புகளை உருவாக்குகின்றன. இந்தத் துளைகள் வேட்டையாடுபவர்களிடமிருந்தும், கடுமையான வானிலையிலிருந்தும், அவற்றைக் காப்பதுடன், அவற்றுக்குப் பாதுகாப்பான தங்குமிடத்தையும் வழங்குகின்றன.

மேற்காணும் வொம்பாட்டுகளின் தனிப்பட்ட சிறப்புகள், உலகில் வொம்பாட்டுகளைத் தனித்துவமானவைகளாக ஆக்குகின்றன.

வொம்பாட்டுகளில் மூன்று வகைகள் இருக்கின்றன. அவை:

1. பொதுவான வொம்பாட் (வெற்று மூக்கு வொம்பாட்): தென்கிழக்கு ஆஸ்திரேலியாவில் காணப்படும் இந்த வொம்பாட்கள் மென்மையான மூக்குகளைக் கொண்டுள்ளன, மேலும் அவை மிகவும் பரவலாக உள்ளன.

2. தெற்கு முடி - மூக்கு வோம்பாட்: இந்த வொம்பாட்கள் தெற்கு ஆஸ்திரேலியாவில் வாழ்கின்றன மற்றும் மென்மையான, முடிகள் நிறைந்த மூக்குகளைக் கொண்டுள்ளன.

3. வடக்கு முடி - மூக்கு வொம்பாட்: மிகவும் அழிந்து வரும் நிலையில் உள்ள இந்த அரிய இனம், குயின்ஸ்லாந்தின் சிறிய பகுதிகளில் வாழ்கின்றன. அவற்றைக் காப்பாற்ற பாதுகாப்பு முயற்சிகள் மிக முக்கியமானதாக இருக்கிறது.

ஒவ்வொரு இனமும் அதன் வொம்பாட் வாழ்விடத்தில் முக்கியப் பங்கு வகிக்கிறது. இவை பூமியைத் தோண்டுவதன் மூலம் மண்ணைக் காற்றோட்டமாக்குகிறது, இதன் மூலம், தாவர வளர்ச்சியையும் ஆரோக்கியமான சுற்றுச்சூழல் அமைப்புகளையும் உருவாக்குகிறது.

வாழ்விட அழிவு, சாலை விபத்துகள் மற்றும் மாங்கே எனப்படும் தோல் நோய் போன்ற அச்சுறுத்தல்களை வொம்பாட்கள் எதிர்கொள்கின்றன. எனவே, வாழ்விடங்களைப் பாதுகாப்பதன் மூலமும், நோய்களை ஆராய்வதன் மூலமும், இனப்பெருக்கத் திட்டங்களை நடத்துவதன் மூலமும் வொம்பாட் வனவிலங்குகளைப் பாதுகாக்க பல்வேறு நிறுவனங்கள் கடுமையாக உழைக்கின்றன. ஆஸ்திரேலியாவில் மட்டுமே காணப்படும் வொம்பாட்டுகளைப் பாதுகாக்க வேண்டுமென்கிற எண்ணம் உலகம் முழுவதும் ஏற்பட்டிருக்கிறது. இதனை அடிப்படையாகக் கொண்டே, பன்னாட்டு வொம்பாட்டுகள் நாள் கடைப்பிடிக்கப்படுகிறது. நாமும் இந்நாளில், சமூக வலைத்தளங்களில் வொம்பாட் பாதுகாப்பை ஆதரித்துக் கருத்துகளை வெளியிடலாம்.