ஒலிம்பிக்கில் வல்லரசு நாடுகளின் ஆதிக்கம் - நாமும் அந்நிலைக்கு எப்படி வரலாம்?

ஒலிம்பிக் என்பது உலகில் அரங்கேறும் பல விளையாட்டுகளை ஒன்றிணைக்கும் ஒரு நிகழ்வாகும். இது, பல்வேறு விளையாட்டுத் துறைகளில் போட்டியிடுவதற்காக உலகெங்கிலும் உள்ள பல விளையாட்டு வீரர்களை ஒன்றிணைக்கிறது. இந்த போட்டிகள் நான்கு ஆண்டுகளுக்கு ஒரு முறை கோடை(2020,2024) மற்றும் குளிர்கால ஒலிம்பிக்(2022,2026) என்று மாறி மாறி சர்வதேச ஒலிம்பிக் கமிட்டியின் (IOC) மேற்பார்வையில் நிர்வகிக்கப்படுகிறது. இதன் நோக்கம் விளையாட்டின் மூலம் நாடுகளிடையே அமைதி, ஒற்றுமை மற்றும் விளையாட்டுத் திறனை மேம்படுத்துவதே. அப்படிப்பட்ட இதில் குறிப்பிட்ட சில நாடுகள் காலம் காலமாய் தங்களுக்கான சிறந்த தரநிலையை ஆணி அடித்ததுபோல தக்க வைத்து வருகின்றனர். அப்படி என்னதான் ரகசியம் அவர்களிடம் மறைந்துள்ளது? அதை பற்றி தெரிந்து கொள்வோம்.

வல்லரசு நாடுகளின் ஆதிக்கம்:

ஒலிம்பிக் பதக்க தரவரிசையில் சீனா மற்றும் அமெரிக்கா போன்ற நாடுகளின் வெற்றிக்கு பல காரணங்கள் இருக்கலாம். முதலாவதாக, இந்த நாடுகள் விளையாட்டு உள்கட்டமைப்பு மற்றும் தடகள மேம்பாட்டு திட்டங்களில் அதிக முதலீடு செய்கின்றன. உதாரணமாக, சிறு வயதிலிருந்தே திறமைகளைக் கண்டறிந்து அவர்களை வளர்க்கும் பல அதிநவீன பயிற்சி வசதிகள் மற்றும் விளையாட்டுக் கல்விக்கூடங்களை சீனா நிறுவியுள்ளது. அதேபோல், யுனைடெட் ஸ்டேட்ஸ்(USA) ஒரு வலுவான விளையாட்டு குழு அமைப்பைக் கொண்டுள்ளது. இது அங்குள்ள விளையாட்டு வீரர்களுக்கு உயர்தர பயிற்சி மற்றும் போட்டி வாய்ப்புகளை வழங்குகிறது. கூடுதலாக, இரு நாடுகளுக்கும் மேம்பட்ட விளையாட்டு அறிவியல் மற்றும் மருத்துவ உதவிக்கான சிறப்பு வசதிகள் அதிகமாக உள்ளன. இது விளையாட்டு வீரர்கள் தங்கள் செயல்திறனை மேம்படுத்தவும் காயங்களிலிருந்து மிகவும் திறம்பட மீளவும் பெரிதாக உதவுகிறது.

ஒலிம்பிக்கில் அதிக எண்ணிக்கையிலான பதக்கங்களை வழங்கும் விளையாட்டுகளில் தங்களின் முழு நேர கவனத்தையும் செலுத்துவது இந்த நாடுகளின் தர நிலைக்கு மற்றொரு முக்கியமான காரணமாகும். சீனா மற்றும் அமெரிக்கா போன்ற நாடுகள் பெரும்பாலும் வரலாற்று ரீதியாக தாங்கள் சிறப்பாக செயல்பட்ட அல்லது ஆதிக்கம் செலுத்திய திறன் கொண்ட துறைகளுக்கு காலம் காலமாய் முன்னுரிமை அளிக்கின்றன. இந்த இலக்கு அணுகுமுறை தான் அவர்களின் பதக்க எண்ணிக்கையை ஆண்டுதோறும் அதிகரிக்கிறது.

மேலும், போட்டியை நடத்தும் நாடுகளும் தங்கள் பதக்க எண்ணிக்கையை அதிகரித்துக்கொண்டே போவார்கள், அவர்களுக்குடைய பழக்கபட்ட நிலைமைகள், உள்ளூர் ஆதரவு மற்றும் குறைந்த பயண சோர்வு காரணமாக ஹோஸ்ட் நாடுகளும் இந்த நேரத்தில் பெரும்பாலும் சிறப்பாக செயல்படுகின்றன.

முன்னேற்றம் காண வேண்டிய இடங்கள்:

ஒலிம்பிக் தரவரிசையில் தொடர்ந்து கீழ் நிலையில் இருக்கும் நாடுகளுக்கு, அவர்களின் செயல்திறனை மேம்படுத்த பல நடவடிக்கைகளை எடுக்கலாம்.

முதலாவதாக, விளையாட்டு உள்கட்டமைப்பு மற்றும் தடகள மேம்பாட்டில் முதலீட்டை அதிகரிப்பது முக்கியமானதாகும். பயிற்சி மையங்களை நிறுவுதல், தரமான பயிற்சிக்கான அணுகலை எந்த ஒரு நிபந்தனை இன்றி அனைவருக்கும் வழங்குதல் மற்றும் இளம் விளையாட்டு வீரர்கள் முன்னேற்றத்திற்கான பாதைகளை உருவாக்குதல் ஆகியவை அத்தியாவசிய தேவைகளாகும். நாடுமுழுக்க கூடுதலாக, விளையாட்டு கலாச்சாரத்தை வளர்ப்பது மற்றும் அடிமட்ட அளவிலிருந்து சாதனையாளர்கள் பங்கேற்பதை ஊக்குவித்து அவர்களின் திறமைகளை ஆரம்பத்திலேயே கண்டறிந்து வளர்ப்பது மிகவும் அவசியம்.

வெற்றிகரமான நாடுகளுடனான ஒத்துழைப்பும் பயனளிக்கும். சிறந்த செயல்திறன் கொண்ட நாடுகளின் பயிற்சி முறைகள், விளையாட்டு அறிவியல் முன்னேற்றங்கள் மற்றும் நிர்வாக நடைமுறைகளிலிருந்து கற்று மதிப்புமிக்க நுண்ணறிவுகளை பெறலாம். மேலும், விளையாட்டு வீரர்களுக்கு நிதி ஊக்குவிப்பு மற்றும் ஆதரவை வழங்கி விளையாட்டை ஒரு தொழிலாக தொடர அவர்களை ஊக்குவிக்கலாம். பின் விளையாட்டு வீரர்களுக்கு அதிகரித்த உதவித்தொகை, ஸ்பான்சர்ஷிப் மற்றும் வேலை வாய்ப்புகளை பல மடங்கு அதிகரித்து, அரசாங்கங்களும் தனியார் துறைகளும் சேர்ந்து குறிப்பிடத்தக்க சாதனையாளர்களை கொண்டு வரலாம்.

ஒலிம்பிக் விளையாட்டுகள் என்பது ஒரு சாதனை என்பதை தாண்டி அது நம் உலகத்தில் இருக்கும் அனைவராலும் கொண்டாடப்படும் ஒரு திருவிழா போன்றது. ஆக இப்படிப்பட்ட இந்த பெருந்திருவிழாவில் நம் நாட்டின் சார்பிலும் பதக்கம் என்ற பெயரில் புகழை சம்பாதிக்க மேலே குறிப்பிட்ட சில விஷயங்களை பின்பற்றி, நம் கண்முன் தெரியும் சாதனையாளர்களை ஊக்குவித்தாலே பிற்காலத்தில் நம்முடைய நாட்டையும் ஓர் உயர்ந்த தர நிலையில் நம்மால் காண இயலும்.