குழந்தை குண்டாக இருந்தா ஆரோக்கியமா? ஊட்டச்சத்துக் குறைபாட்டின் மறைமுக ஆபத்தா?

இல்லை. குழந்தையின் வயதுக்கேற்ற எடை மற்றும் உயரம் இல்லாமை ஒரு வெளிப்படையான அறிகுறி. அதே நேரத்தில், உடல் எடை அதிகமாக இருந்தாலும் இரும்புச்சத்து, துத்தநாகம், வைட்டமின்கள் போன்ற நுண்ணூட்டச்சத்துகள் குறைபாடு இருக்கலாம். எனவே குழந்தையின் தோற்றத்தை வைத்து மட்டும் ஊட்டச்சத்தை மதிப்பிடக் கூடாது.

வயதுக்கு ஏற்ப உயரம், எடை, உடல் எடை–உயர விகிதம் போன்றவற்றை வளர்ச்சி அட்டவணையில் தொடர்ந்து பதிவு செய்வது முக்கியம். ஒருமுறை எடை பார்த்து முடிவெடுப்பதைவிட, தொடர்ந்து குழந்தையின் வளர்ச்சி எந்தப் பாதையில் செல்கிறது என்பதே முக்கியமான தகவலைத் தரும்.

பிறந்த முதல் ஆறு மாதங்களில், குழந்தைக்கு தாய்ப்பால் மட்டுமே வழங்குவது சிறந்தது. ஆறு மாதங்கள் நிறைவடைந்ததும் தாய்ப்பாலைத் தொடர்ந்து கொண்டே, குழந்தையின் வளர்ச்சிக்குத் தேவையான கூடுதல் உணவைத் தொடங்க வேண்டும். உணவைத் தாமதமாகத் தொடங்குவதும், நீண்ட காலம் பால் மட்டுமே கொடுப்பதும் சரியான அணுகுமுறை அல்ல.

போதாது. குழந்தையின் உணவில் கஞ்சியில் ஆரம்பித்து படிப்படியாக தானியம், பருப்பு, முட்டை அல்லது பிற புரத உணவுகள், கீரைகள், காய்கறிகள், பழங்கள் மற்றும் தேவையான எண்ணெய், நெய் ஆகியவை வயதுக்கேற்ப சேர்த்துக் கொள்ள வேண்டும். உணவு மென்மையாகவும், சத்துக்கள் நிறைந்ததாகவும், படிப்படியாக அதிக அடர்த்தியுடனும் இருக்க வேண்டும்.

குழந்தையின் வயிற்றின் அளவு சிறியது. பிஸ்கட், இனிப்பு பானங்கள், சிப்ஸ், கேக் போன்ற குறைந்த ஊட்டச்சத்து கொண்ட உணவுகள் வயிற்றை நிரப்பிவிட்டால், குழந்தை உண்மையான சத்துணவை சாப்பிடும் அளவு குறைந்து விடும். காலப்போக்கில் அதிக சர்க்கரை, உப்பு மற்றும் கொழுப்பு நிறைந்த உணவுப் பழக்கம் உடல் பருமனுக்கும் வழிவகுக்கும்.

அது பழைய நம்பிக்கை. குழந்தையின் ஆரோக்கியத்தை உடல் எடை மட்டும் தீர்மானிக்காது. சரியான உயர வளர்ச்சி, தசை வளர்ச்சி, செயல்பாடு, அறிவாற்றல், நோய் எதிர்ப்பு திறன் மற்றும் தேவையான நுண்ணூட்டச்சத்துகள் ஆகிய அனைத்தும் முக்கியம். அதிக உடல் எடையும் ஒரு வகையான ஊட்டச்சத்து சமநிலையின்மை தான்.

“இன்னும் ஒரு வாய்… இதைச் சாப்பிட்டால் சாக்லேட் தருகிறேன்” என்று உணவை பேரம் பேசாதீர்கள். குழந்தையின் பசியை மதித்து, சிறிய அளவில் உணவு பரிமாறி, குடும்பத்தினருடன் சேர்ந்து அமைதியான சூழலில் சாப்பிடப் பழக்குங்கள். புதிய உணவை ஒருமுறை மறுத்துவிட்டால் அது பிடிக்காது என்று முடிவு செய்யாமல், வேறு நாளில் மீண்டும் அறிமுகப்படுத்தலாம்.

குழந்தையின் எடை தொடர்ந்து குறைந்தால் அல்லது அதிகரிக்காமல் இருந்தால், உயர வளர்ச்சி பாதிக்கப்பட்டால், உணவில் ஆர்வம் குறைந்தால், தொடர்ந்து வயிற்றுப்போக்கு அல்லது வாந்தி இருந்தால், அதிக சோர்வு அல்லது வெளிறிய தோற்றம் காணப்பட்டால் குழந்தை நல மருத்துவரை அணுக வேண்டும். தேவையானபோது ஊட்டச்சத்து மதிப்பீடு, வளர்ச்சி கண்காணிப்பு மற்றும் குறிப்பிட்ட நுண்ணூட்டச்சத்து குறைபாடுகளுக்கான ரத்தப் பரிசோதனைகள் மருத்துவர் பரிந்துரைப்பார்.