உடல் ஆரோக்கியத்துக்கு வைட்டமின் D3 ஏன் தேவை தெரியுமா?

வைட்டமின் D3யானது நம் உடலின் கொழுப்புகளிலேயே சேர்ந்திருக்கும் ஒரு வகையான ஊட்டச்சத்து. நம் உடலில் கால்சியம் சத்து உறிஞ்சப்படுவதற்கும், எலும்புகளின் ஆரோக்கியத்திற்கும் வைட்டமின் D3 உதவும். நம் உடலில் வைட்டமின் D3 குறைபாடு ஏற்படும்போது எலும்புகள் பலமிழக்கும்; தொற்றுக் கிருமிகள் தாக்கும் அபாயம் உண்டாகும்; உடலில் ஏற்படும் காயங்கள் ஆற நாளாகும்; உடல் சோர்வடையும். எந்தெந்த உணவுகளில் இருந்து நம் உடலுக்கு வைட்டமின் D3 அதிகம் கிடைக்கும் என்பதை இந்தப் பதிவில் பார்க்கலாம்.

1. முட்டை: முட்டைகளிலிருந்து வைட்டமின் D3 அதிகம் கிடைப்பதுடன், உடலுக்குத் தேவையான ஊட்டச்சத்துக்களாகிய புரோட்டீன், ச்சோலைன் மற்றும் செலீனியம் சத்துக்களும் கிடைக்கும்.

2. செரிவூட்டப்பட்ட பால்: வைட்டமின் D3 தருவதில் இந்தப் பால் ஒரு சூப்பரான உணவு. ஒரு கப் செரிவூட்டப்பட்ட பால், ஒரு நாளைக்கு நம் உடலுக்குத் தேவையான வைட்டமின் D3 அளவில் முப்பது சதவிகிதத்தை தரக்கூடியது.

3. செரிவூட்டப்பட்ட ஆரஞ்சு ஜூஸ்: ஒரு நாளைக்குத் தேவையான வைட்டமின் D3 சத்துக்களைத் தரக்கூடிய மற்றொரு சூப்பர் உணவு இந்த செரிவூட்டப்பட்ட ஆரஞ்சு ஜூஸ்.

4. சால்மன் மீன்: சால்மன் மீனில் அதிகளவு வைட்டமின் D3 சத்துக்களுடன் உடலுக்கு வேறு பல ஆரோக்கிய நன்மைகளைத் தரக்கூடிய ஒமேகா-3 கொழுப்பு அமிலங்களும் அதிகம் உள்ளன.

5. சீஸ்: ஒரு அவுன்ஸ் அளவிலான வெவ்வேறு வகை சீஸ்களில், ஒரு நாளைக்கு உடலுக்குத் தேவையான வைட்டமின் D3 சத்தில் பத்து சதவிகிதம் வைட்டமின் D3 அடங்கியுள்ளது.

6. ஷீடேக் மஷ்ரூம்: வெஜிடேரியன் உணவுகளில் அதிகளவு வைட்டமின் D3 சத்தை உள்ளடக்கியது இந்த ஷீடேக் மஷ்ரூம். சூரியனின் அல்ட்ரா வயலட் கதிர்களின் வெளிச்சம் அதிகம் படும்படியாக வைத்து வளர்க்கப்பட்ட இவ்வகை மஷ்ரூம்களிலிருந்து வைட்டமின் D3 சத்து அதிகம் கிடைக்கும்.

7. துனா ஃபிஷ்: மூன்று அவுன்ஸ் அளவிலான துனா (Tuna) மீனில், உடலுக்கு ஒரு நாளைக்குத் தேவையான வைட்டமின் D3 சத்தில் சுமார் நாற்பது சதவிகிதம் கிடைக்கும் வாய்ப்புள்ளது.

மேற்கூறிய உணவுகளை அடிக்கடி உட்கொண்டு, நோய்க் கிருமிகளின் தாக்குதலின்றி நம் எலும்புகளின் ஆரோக்கியம் காப்போம்.